ᑎᐱᑦ ᐅᓂᑭᒧᐅᓇ 137 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

Psalm 137 (Proper-22 Year C)

¹ ᒋᒋᐸᒡ ᐸᐱᓚᓐ ᓯᐱᒡ, ᐊᑯᑕ ᑲ ᐊᐱᔭᒡ, ᓂᐦᐃ, ᓂᒋ ᒪᓇᓐ, ᐃᔅᐱ ᒐᔅᒋᑎᒪᒡ ᓴᐃᔭᓐ᙮

² ᓂᐱᓯᒡ ᓂᒋ ᐊᑯᑕᓇᓐ ᓂᒋᔍᐛᐱᒋᑭᓂᒥᓇᓇ ᐊᓐᑕ ᑲ ᓂᑕᐅᒋᒋ᙮

³ ᐛᔅ ᐊᓐᒡ ᑲ ᐃᑐᑕᐃᔨᒥᒡ ᒐ ᒪᒪᒋᑯᓂᑯᐅᒋᒡ ᓂᒋ ᓂᑐᐛᔨᑎᒪᑯᓇᓐᒡ ᓂᑭᒧᐅᓂᔪᐤ; ᐊᓐᒡ ᑭᔭ ᑲ ᒪᔅᑎᓂᔨᒥᒡ ᓂᒋ ᓂᑐᐛᔨᒥᑯᓇᓐᒡ ᒐᒋ ᒧᒋᒐᔨᑎᒪᒡ, ᐊ ᐃᔅᒋᔄᒡ, “ᓂᑭᒧᔅᑎᒧᐅᓇᓐ ᐸᐃᒄ ᓴᐃᔭᓐ ᓂᑭᒧᐅᓐ !”

⁴ ᑕᓐ ᒐ ᐃᓯ ᓂᑭᒧᐅᒋᒡ ᑎᐸᔨᒋᒐᓱᐤ ᐅᓂᑭᒧᐅᓐ ᒪᓐᑕᐤ ᐊᔅᒋᒡ ?

⁵ ᐃᔅᐱᔅ ᐅᓂᒋᔅᒋᑕᑕᓇ, ᐅ ᒋᕈᓯᓕᒻ, ᐊᑯᔅ ᓂᒥᔪᐅᓂᒡ ᒋᑭ ᐅᓂᒋᔅᒋᓯᒥᑭᓐ ᐊ ᐃᓯ ᒥᔪ ᐊᐱᑎᓯᒥᑲᒡ᙮

⁶ ᐃᔅᐱᔅ ᐊᑲ ᒋᔅᒋᑕᑕᓇ, ᐊᑯᔅ ᓂᑕᔨᔾ ᒋᑭ ᐸᓯᑯᒧ ᓂᑐᓂᒡ; ᐃᔅᐱᔅ ᐊᑲ ᐊᔪᐛᒃ ᓴᒋᑕᔭᓐ ᒋᕈᓯᓕᒻ ᐃᔅᐱᔅ ᓂ ᒋᒋ ᒥᔽᔨᑎᒧᐅᓐ᙮

⁷ ᒋᔅᒋᓯ, ᐅ ᑎᐸᔨᒋᒐᓱᐤ, ᐅᑦ ᐊᐛᓯᒥᓴ ᐃᑕᒻ ᒪᒂᒡ ᑲ ᐅᒋᓯᑲᒥᑦ ᒋᕈᓯᓕᒻ; ᑲ ᐃᔅᒋᔄᒡ, “ᓂᒋᐛᐸᐊᒥᒄ, ᓂᒋᐛᐸᐊᒥᒄ, ᐊᓯᒡ ᐊ ᐃᓯ ᓱᐧᑲᔅᑕᒡ !”

⁸ ᐅ ᐅᑕᓂᓴ ᐸᐱᓚᓐ, ᒐ ᓂᓱᐅᓇᒋᐃᑯᐅᔨᓐ; ᒋᑭ ᒥᔽᔨᒧᐤ ᐊᓐ ᑲ ᑎᐸᐊᒪᔅᒃ, ᒧᔭᒻ ᑲ ᐃᑐᑐᐅᔭᒡ᙮

⁹ ᒋᑭ ᒥᔽᔨᒧᐤ ᐊᓐ ᒐ ᐅᑎᓇᑦ ᑭᔭ ᒐ ᐸᐸᐧᑲᐱᔅᒋᓯᒪᑦ ᒋᑦ ᐊᐛᓯᒥᓴ᙮