ᑎᐱᑦ ᐅᓂᑭᒧᐅᓇ 130 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

Psalm 130 (Lent-5 Year A; Proper-8 Year B)

¹ ᐊᓐᑕ ᐊ ᒋᔅᑲᔨᐛᒡ ᔅᒋ ᐅᒋ ᒪᑕᑎᓐ, ᐅ ᑎᐸᔨᒋᒐᓱᐤ᙮

² ᑎᐸᔨᒋᒐᓱᐤ, ᓂᑐᑐᐎ: ᐊᑯᔅ ᐃᑎᔅᑕ ᒋᑐᑭᔭ ᒐᒋ ᐸᑎᒥᓐ ᐊ ᐃᑎᑕᑯᓯᒥᑲᒋ ᓂᓂᑐᑎᒪᒐᐅᓇ᙮

³ ᐃᔅᐱᔅ ᒋᔾ, ᑎᐸᔨᒋᒐᓱᐤ, ᐎ ᐱᓯᔅᒐᔨᑎᒥᓇ ᒥᒐᑎᓯᐅᓇ, ᐅ ᑕᐸᔨᒋᒐᔨᓐ, ᐊᐛᓐ ᒐ ᓂᐳᐅᑦ ?

⁴ ᒪᒃ ᒋ ᐎᒐᐅᑯᓐ ᐛᐸᔨᑎᒪᒐᐅᓐ, ᒐᒋ ᓇᓂᒋᔅᑕᑯᐅᔨᓐ᙮

⁵ ᓂᑦ ᐊᓯᓄᐛᐊᐤ ᑎᐸᔨᒋᒐᓱᐤ, ᓂᑦ ᐊᒐᐧᒄ ᐊᓯᓄᐛᐊᐤ, ᑭᔭ ᐅᑦ ᐃᔨᒧᐅᓐ ᓂᑦ ᐊᔅᐸᔨᒧᑐᑎᒺᓐ᙮

⁶ ᓂᑦ ᐊᒐᐧᒄ ᐊᓯᓄᐛᐊᐤ ᑎᐸᔨᒋᒐᓱᐛ, ᐅᔅᑕ ᐃᔅᐱᔅ ᐊᓐᒡ ᑲ ᐊᓱᐛᐸᑕᒡ ᒐᒋ ᒐᒋᓴᐸᔭᔨᒡ: ᓂᑦ ᐃᔅᒋᔄᓐ, ᐅᔅᑕ ᐃᔅᐱᔅ ᐊᓐᒡ ᑲ ᐊᓱᐛᐸᑕᒡ ᒐᒋ ᒐᒋᓴᐸᔭᔨᒡ᙮

⁷ ᐊᑯᔅ ᐃᔅᕋᐃᓪ ᒋᑭ ᐊᔅᐸᔨᒧᑐᑐᐛᐤ ᑎᐸᔨᒋᒐᓱᐛ: ᐛᔅ ᑎᐸᔨᒋᒐᓱᐤ ᐊᔭᐤ ᓱᐛᔨᒋᒐᐅᓂᔪᐤ, ᑭᔭ ᒥᔅᑎ ᐊᔭᐤ ᐱᒪᒋᐃᐛᐅᓂᔪᐤ᙮

⁸ ᑭᔭ ᒋᑭ ᐱᒪᒋᐊᐤ ᐃᔅᕋᐃᓪ ᐃᔪᐛ ᒥᓯᐛ ᐅᒥᒐᑎᓯᐅᓂᔨᒡ ᐅᒋ᙮