ᑎᐱᑦ ᐅᓂᑭᒧᐅᓇ 126 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

Psalm 126 (Advent-3, Proper-25 Year B; Lent-5 Year C)

¹ ᐃᔅᐱ ᑎᐸᔨᒋᒐᓱᐤ ᑲ ᒋᐛᑕᐊᑦ ᑲ ᒪᑯᓇᑭᓄᐎᔨᒋ ᓴᐃᔭᓂᒡ, ᔅᒋ ᓂᔅᐱᑐᐛᓄᐅᒡ ᐊᐛᓐᒋ ᐊ ᐳᐛᒧᒡ᙮

² ᐊᑯ ᒋᑐᓂᓇᒡ ᓯᔭᑭᔅᒋᓇᒡ ᐸᐳᐅᓐ, ᑭᔭ ᒋᑕᔨᔨᓇᒡ ᓂᑭᒧᐅᓐ: ᐊᑯ ᑲ ᐃᑎᑐᒡ ᐊᑲ ᐊᔭᒥᐊᒡ, “ᑎᐸᔨᒋᒐᓱᐤ ᒥᔅᑎ ᒐᒂᔪᐤ ᒋ ᐃᑐᑎᒧᐛᐤ᙮”

³ ᑎᐸᔨᒋᒐᓱᐤ ᒥᔅᑎ ᒐᒂᔪᐤ ᔅᒋ ᐃᑐᑎᒪᑯᓄᐤ, ᑲ ᐅᒋ ᓯᒋᔭᓯᔭᐧᒄ᙮

⁴ ᒋᐛᔅᑕ ᓂ ᒥᒪᒋᑯᓂᑯᓯᐅᓂᓇᓇ, ᐅ ᑎᐸᔨᒋᒐᓱᐤ, ᒧᔭᒻ ᓯᐱᔭ ᓴᐅᓄᒡ᙮

⁵ ᐊᓐᒡ ᑲ ᐅᒋᑯᐛᐱᒡ ᐊ ᐅᓯᔄᐛᐱᓂᒐᒡ ᒋᑭ ᒥᔽᔨᑕᒧᒡ ᐊ ᒪᐛᒋᒐᒡ᙮

⁶ ᐊᓐ ᑲ ᒋᑐᑕᑦ ᐊ ᐅᒋᑯᐛᐱᑦ, ᐊ ᐱᒧᐅᑕᑦ ᒥᔪ ᓯᒥᓇ, ᒐᔅᑎᓇᔅ ᒋᑭ ᐸᒋ ᒋᐛᐤ ᐊ ᒥᔽᔨᑕᐧᒃ, ᐊ ᐸᑕᑦ ᐅᒪᐛᓯᒂᐱᒋᑭᓇ᙮