ᑎᐱᑦ ᐅᓂᑭᒧᐅᓇ 124 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

Psalm 124 (Proper-16 Year A)

¹ ᒥᓱᐧᒄ ᐊᑲ ᐅᒋ ᐎᒋᐃᑕᐧᒄ ᑎᐸᔨᒋᒐᓱᐤ, ᐊᑯ ᒋᐸ ᐃᔪᐤ ᐃᔅᕋᐃᓪ;

² ᒧᔭᒻ ᐊᑲ ᐅᒋ ᐎᒋᐃᑕᐧᒄ ᑎᐸᔨᒋᒐᓱᐤ, ᐃᔅᐱ ᐃᔪᒡ ᑲ ᐱᓯᑯᔅᑕᑕᐧᑯᒡ:

³ ᐎᐱᒡ ᒋᐸ ᒋ ᒥᓱᐛᐸᔨᐃᑯᑕᓇᑯᐱᓐᒡ, ᐃᔅᐱ ᑲ ᐊᐧᑯᔪᐛᓯᔅᑕᑕᐧᑯᒡ:

⁴ ᓂᐱᔭ ᒋᐸ ᒋ ᐛᓴᒥᐃᑯᑕᓇᓇᑯᐱᓐ, ᓯᐱᔪᐤ ᒋᑭ ᒋ ᐸᓯᒋᐸᔨᔅᑕᑯᐤ ᒋᑦ ᐊᒐᐧᑯᓄᐤ᙮

⁵ ᒋᔅᑕᔨᒧᐤ ᓂᐱᔭ ᒋᑭ ᒋ ᐸᓯᒋᐸᔨᔅᑕᑯᐤ ᒋᑦ ᐊᒐᐧᑯᓄᐤ᙮

⁶ ᒪᒥᒋᑕᑯᓱᐤ ᑎᐸᔨᒋᒐᓱᐤ, ᐊᑲ ᐅᒡ ᐸᒋᑕᓂᑕᐧᒄ ᐎᐱᑎᔨᒡ᙮

⁷ ᒋᑦ ᐊᒐᐧᑯᓄᐤ ᐎᐧᑯᒋᐅᐤ ᒧᔭᒻ ᐱᔭᓯᔅ ᐅᓇᒂᓂᔨᒡ ᐅᓄᒋᐱᔭᓯᓯᐛᐛ ᐅᒡ: ᓇᒂᓐ ᐱᑯᐱᔪᐤ, ᒋ ᐎᐧᑯᒋᐅᓇᓄᐤ ᒪᒃ᙮

⁸ ᒋ ᐎᒋᐃᑯᓯᐅᓄᐤ ᑎᑯᓂᔪᐤ ᐅᑦ ᐃᓯᓂᐧᑲᓱᐅᓂᒡ ᑎᐸᔨᒋᒐᓱᐤ, ᑲᒋ ᐅᓯᑕᑦ ᒋᒋᒋᓯᑯᔪᐤ ᑭᔭ ᐊᔅᒋᔪᐤ᙮