ᑎᐱᑦ ᐅᓂᑭᒧᐅᓇ 12 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ1 ᐎᒋᐃ, ᑎᐸᔨᒋᒐᓱᐤ; ᐛᔅ ᓴᔅ ᓇᒪ ᑕᐤ ᑲ ᒥᔪᑥᑦ ᐃᔪᐤ; ᐛᔅ ᑲ ᑯᐃᔅᑯᑕᑎᓯᒡ ᓇᒪᐎᔾ ᐃᑕᐅᒡ ᐊᓐᑕ ᐊ ᐃᑕᔨᒋ ᐃᔪᐛ ᐅᑦ ᐊᐛᓯᒥᓯᔨᐛ᙮ 2 ᒥᓯᐛ ᑕᑐᐤ ᐊ ᐃᑎᓯᒡ ᑭᑭᒋᔭᒪᐅᒡ ᐎᒋ ᐃᔪᐛᐛ; ᒪᒥᒋᒧᐛᐤ ᒥᑐᓂᒡ ᑭᔭ ᑭᑭᒋᐊᐅᓂᒡ ᐅᒋ ᐃᔨᒧᐅᒡ᙮ 3 ᑎᐸᔨᒋᒐᓱᐤ ᒋᑭ ᒥᓂᓯᒻ ᒥᓯᐛ ᒪᒥᒋᒧ ᒥᑐᓇ, ᑭᔭ ᒥᑕᔨᔨᔪᐤ ᑲ ᐊᔭᔨᒧᒥᑭᓂᔨᒡ ᒋᔅᑕᔨᒧᐤ ᒐᒂᔪᐛ᙮ 4 ᑲᒋ ᐃᔅᒋᔄᒡ, “ᓂᑕᔨᔨᓇᓇ ᓂᑭ ᐅᒋ ᓴᐧᑯᒋᐃᐛᓇᓐ; ᓂᑐᓂᓇᓇ ᓂ ᑎᐸᔨᑕᓇᓐ: ᐊᐛᓐ ᑕᐸᔨᒥᔨᒥᑦ ?” 5 “ᐊ ᐊᔨᒥᐊᑭᓄᐎᒡ ᐅᒋᔅᑎᒪᒋᓯᐅᒡ, ᐅᓇᐃᑎᒧᒡ ᑲ ᓇᐧᑲᑎᓯᒡ, ᐊᑯ ᒐ ᐱᓯᑯᔭᓐ,” ᐃᔅᒋᔄᐤ ᑎᐸᔨᒋᒐᓱᐤ; “ᓂᑭ ᐱᒪᒋᐊᐤ ᐊᓂᔭᔪᐛ ᑲ ᐳᑕᑎᑯᑦ ᐅᒋ᙮” 6 ᐅᑦ ᐃᔨᒧᐅᓇ ᑎᐸᔨᒋᒐᓱᐤ ᐸᔭᒋ-ᐃᔨᒧᐅᓂᔪᐛ; ᒧᔭᒻ ᓱᓇᔭᐱᔅᒄ ᑲ ᑯᒋᑕᑭᓄᐅᒡ ᐊᔅᒋᐤ ᐃᔅᑯᑕᐅᒋᐛᐱᒡ, ᓂᔄᐅᑕᒡ ᑕᑥᐤ ᑲ ᐸᔭᒋᑕᑭᓄᐅᒡ᙮ 7 ᒋᑭ ᑭᓄᐛᔨᒪᐅᒡ, ᐅ ᑎᐸᔨᒋᒐᓱᐤ, ᒋᑭ ᐱᒪᒋᐊᐎᒡ ᑲᒋᒡ ᐅᒡ ᐅᒋ ᐊᓄᒡ ᑲ ᐱᒪᑎᓯᔨᒋ᙮ 8 ᐅᒥᒋᑥᐅᒡ ᒥᓯᐛ ᔭᔨᑐᐤ ᐱᒧᑕᐅᒡ, ᐃᔅᐱ ᒪᐅᒡ ᑲ ᒥᒐᔨᑕᑯᓯᔨᒋ ᐃᔪᐛ ᐊᔅᐸᔨᑕᑯᐊᑭᓄᐎᒋ᙮ |
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
Wycliffe Bible Translators, Inc.