ᑎᐱᑦ ᐅᓂᑭᒧᐅᓇ 114 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

Psalm 114 (Proper-19 Year A)

¹ ᐃᔅᐱ ᐃᔅᕋᐃᓪ ᐃᒋᑉᑎᒡ ᑲ ᐅᒋ ᐎᐎᑦ, ᑭᔭ ᑲ ᑎᓯᑦ ᒐᑭᑉ ᐃᔪᐛ ᐅᒋ ᓇᓇᐧᑯᐤ ᑲ ᐃᓯ ᐃᔨᒥᔨᒋ;

² ᒍᑕ ᐊᔪᐅᒄ ᐅᐸᔭᒋ-ᒥᒋᐛᑉ, ᑭᔭ ᐃᔅᕋᐃᓪ ᐅᑎᐸᔨᒋᒐᐅᓐ᙮

³ ᐎᓂᐸᒄ ᒋ ᐛᐸᑎᒧᒥᑭᓐ, ᑭᔭ ᒋ ᒋᑎᓯᒧᒥᑭᓐ; ᒠᕐᑕᓐ ᒋ ᐊᓴᐱᔪᐤ᙮

⁴ ᐱᔅᑯᑎᓇᐛ ᒋ ᒂᔎᔅᑯᑎᒧᒥᑭᓇ ᒧᔭᒻ ᓇᐸ ᒪᔭᑕᓂᓯᒡ, ᑭᔭ ᐱᔅᑯᑎᓇᓴ ᒧᔭᒻ ᒪᔭᑕᓂᓯᒡ᙮

⁵ ᑕᓐ ᑲ ᐃᑎᔨᓐ, ᐅ ᒋᔾ ᐎᓂᐸᒄ, ᐊᒋ ᒋᑎᓯᒧᔨᓐ ? ᒋᔾ ᒠᕐᑕᓐ ᐊᒋ ᐊᓴᐱᔨᓐ ?

⁶ ᒋᔨᐛᐤ ᐱᔅᑯᑎᓇᐛ, ᐊᒋ ᒂᔎᔅᑯᑎᔭᒄ ᒧᔭᒻ ᓇᐸ ᒪᔭᑕᓂᓯᒡ; ᑭᔭ ᒋᔨᐛᐤ ᐱᔅᑯᑎᓇᓴ ᒧᔭᒻ ᒪᔭᑕᓂᓯᒡ ?

⁷ ᓂᓇᒥᐸᔨ, ᒋᔾ ᐊᔅᒋᔾ, ᐊ ᑭᓄᐛᐱᒥᔅᒃ ᑎᐸᔨᒋᒐᓱᐤ, ᐊ ᑭᓄᐛᐱᒥᔅᒋᔨᔅᒋ ᐅᒋᓴᒪᓂᑐᒪ ᒐᑭᑉ;

⁸ ᑲᒋ ᓂᐱᒐᑦ ᒋᔅᑕᐱᔎ, ᑲᒋ ᒧᔅᒋᐎᓂᐸᑯᒐᑦ ᐊᒋᔅᑕᔅᐱᓴᑲᔨᒡ᙮