ᑎᐱᑦ ᐅᓂᑭᒧᐅᓇ 112 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

Psalm 112 (Proper-17 Year C)

¹ ᒪᒥᒋᒥᐧᒄ ᑎᐸᔨᒋᒐᓱᐤ ! ᓱᐛᔨᑕᑯᓱᐤ ᐊᓐ ᐃᔪᐤ ᑲ ᓇᓂᒋᔅᑐᐛᑦ ᑎᐸᔨᒋᒐᓱᐛ, ᓇᔅᒡ ᑲ ᒥᔽᔨᑎᒺᑦ ᐅᑦ ᐃᑎᓱᐛᐅᓂᔪᐛ᙮

² ᐅᑦ ᐊᐛᓯᒥᓴ ᒋᑭ ᒋᒋᐃᑕᔨᑕᑯᓯᔨᐛ ᐊᔅᒋᒡ: ᐅᑦ ᐊᔭᓂᔅᒐ ᐱᒪᑎᓯᒧᐛᐛ ᐅᑯᐃᔅᑯᑕᑎᓯᐅᒡ ᒋᑭ ᓱᐛᔨᑕᑯᓯᔨᐛ

³ ᐛᔪᑎᓯᐅᓂᔪᐤ ᑭᔭ ᒥᓯᒋᓯᐅᓂᔪᐤ ᒋᑭ ᑎᑯᓂᔪᐤ ᐎᒋᒡ, ᑭᔭ ᐅᑯᐃᔅᑯᑕᑎᓯᐅᓐ ᑲᒋᒡ ᒋᑭ ᑎᑯᓂᔪᐤ᙮

⁴ ᐅᑯᐃᔅᑯᑐᐤ ᐸᒋ ᓄᑯᓯᔅᑕᑯᐤ ᐛᔅᑕᐅᓂᔪᐤ ᐊ ᐅᓂᑎᐱᔅᑲᔨᒡ: ᒋᓴᐛᑎᓯᐤ ᑭᔭ ᓴᑭᔅᒋᓇᔅᑲᑯᐤ ᒋᔅᑎᒪᒐᔨᒋᒐᐅᓂᔪᐤ, ᑭᔭ ᑯᐃᔅᑯᑕᑎᓯᐤ᙮

⁵ ᒥᔪ ᐃᔪᐤ ᐛᐸᑎᔨᐛᐤ ᒋᓴᐛᑎᓯᐅᓂᔪᐤ ᑭᔭ ᐊᐎᐃᐛᐤ: ᐃᑈᐧᑲᑎᓯᐅᓂᔪᐤ ᒋᔅᒋᓄᑕᐃᑯᐤ ᐅᑦ ᐃᑐᐅᓂᒡ

⁶ ᒐᔅᑎᓇᔅ ᓇᒪᐎᔾ ᒋᑭ ᐊᒋᐸᔨᐊᑭᓄᐤ, ᐅᑯᐃᔅᑯᑕᑎᓯᐤ ᑲᒋᒡ ᒋᑭ ᒋᔅᒋᑐᐛᑭᓄᐤ᙮

⁷ ᓇᒪᐎᔾ ᑯᔅᑎᒻ ᒥᒋᑎᐸᒋᒧᐅᓇ: ᐊᔨᑎᔅᑕᔪᐤ ᐅᑕᐃ, ᐊ ᒪᒥᓯᑐᑐᐛᑦ ᑎᐸᔨᒋᒐᓱᐛ᙮

⁸ ᓱᑲᔅᑕᔪᐤ ᐅᑕᐃ, ᓇᒪᐎᔾ ᒋᑭ ᓴᒋᓱᐤ, ᐸᑎᒪ ᐛᐸᑕᒐ ᐊ ᐃᑐᑐᐛᑭᓄᔨᒋ ᑲ ᐛᐧᑲᑎᑯᑦ ᐊ ᐃᓯ ᓂᑐᐛᔨᑕᐧᒃ᙮

⁹ ᒋ ᒪᑎᓂᒪᒐᐤ, ᒥᔭᐤ ᐅᒋᔅᑎᒪᑎᓯᐛ; ᐅᑯᐃᔅᑯᑕᑎᓯᐅᓐ ᑲᒋᒡ ᑎᑯᓂᔪᐤ; ᐅᑦ ᐊᔅᑭᓐ ᒋᑭ ᐃᔅᐸᔨᑕᑯᓂᔪᐤ ᒋᔅᑕᔨᑕᑯᓱᐅᓂᒡ᙮

¹⁰ ᐅᒥᒋᑥᐤ ᒋᑭ ᐛᐸᑎᒻ, ᑭᔭ ᒋᑭ ᒥᑕᒋᔨᐛᓱᐤ; ᒋᑭ ᒪᑥᔭᐱᑕᓯᓐ, ᑭᔭ ᒋᑭ ᑎᒋᐱᔪᐤ; ᐅᐱᑯᓴᔨᒧᐅᓐ ᐅᒥᒋᑥᐤ ᒋᑭ ᓂᓱᐅᓇᑎᓂᔪᐤ᙮