ᑎᐱᑦ ᐅᓂᑭᒧᐅᓇ 110 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ1 ᑎᐸᔨᒋᒐᓱᐤ ᒋ ᐃᑕᐤ ᓂᑎᐸᔨᒋᒐᓯᒪ, “ᐊᐱ ᓂᒥᔪᐅᓂᒡ, ᐸᑎᒪ ᐃᓯᐃᒂᐛ ᑲ ᐛᐧᑲᑎᔅᒡ ᒐᒋ ᐅᑕᑯᔅᑲᒋᑭᓂᔨᓐ᙮” 2 ᑎᐸᔨᒋᒐᓱᐤ ᒋᑭ ᒋᑎᓴᐊᒻ ᒋ ᒪᔅᑲᓱᐎ ᒥᔅᑎᑯᒥᔪᐤ ᓴᐃᔭᓂᒡ ᐅᒡ: ᑎᐸᔨᒋᒐ ᐊᓐᑕ ᐊ ᐃᑕᒡ ᑲ ᐛᐧᑲᑎᔅᒡ᙮ 3 ᒋᑦ ᐃᔨᒥᒡ ᒋᑭ ᓇᐊᔨᑎᒧᒡ ᑲᔅᒋᐅᐎ ᒋᓯᑲᒥᒡ, ᐊ ᒥᔪᓇᑯᐃᑯᒡ ᐸᔭᒋᓯᐅᓂᔪᐤ, ᐊᐛᔅᑕ ᐃᔅᐱᔅ ᐊ ᒐᒋᓴᐸᔭᒡ: ᒋᑦ ᐊᔭᓐ ᐊ ᐊᑯᓯᐸᔭᒡ ᒋᑦ ᐅᔅᒋᓂᒋᐅᓐ᙮ 4 ᑎᐸᔨᒋᒐᓱᐤ ᒋᒋᐛ ᒋ ᐃᔪᐤ, ᓇᒪ ᒪᒃ ᒋᑭ ᒂᔅᒐᔨᑎᒻ, “ᒋᔾ ᒋᒋᓴᐊᔭᒥᐊᐅᒋᒪᐅᓐ ᑲᒋᒡ ᐅᑦ ᐃᑕᒋᒥᑯᓯᐅᓂᒡ ᒪᓪᑭᓴᑕᒃ᙮” 5 ᑎᐸᔨᒋᒐᓱᐤ ᒋᒥᔪᐅᓂᒡ, ᒋᑭ ᐅᑕᒪᐊᒺᐤ ᒋᓴᐅᒋᒪᐛ ᐅᑦ ᐊᐧᑯᔪᐛᓱᐎ ᒋᓯᑲᒥᒡ᙮ 6 ᒋᑭ ᑎᐸᔅᑯᓇᐤ ᐊᑲ ᐊᔭᒥᐊᔨᒋ, ᐊᓐᑕ ᒪᒃ ᒋᑭ ᓴᑭᔅᒋᓂᑕᐤ ᑲ ᓂᐱᒥᑭᓂᔨᒋ ᒥᔪᐛ ᐅᒡ, ᒋᑭ ᒥᔄᑭᓂᒐᐤ ᐊᓂᔭᔪᐛ ᑲ ᑎᐸᔨᑎᒥᔨᒋ ᒥᒐᑦ ᐊᔅᒋᔭ᙮ 7 ᒋᑭ ᒥᓂᒂᑕᒻ ᓯᐱᓯᔪᐤ ᒪᔅᑭᓇᒡ: ᐊᔭᔪᐤ ᐅᒋ ᒋᑭ ᐅᐱᓂᔎᔪᐤ᙮ |
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
Wycliffe Bible Translators, Inc.