ᑎᐱᑦ ᐅᓂᑭᒧᐅᓇ 101 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ1 ᓂᑭ ᓂᑭᒧᓐ ᒋᔅᑎᒪᒐᔨᒋᒐᐅᓐ ᑭᔭ ᑎᐸᔅᑯᓂᒐᐅᓐ ᐅᒡ: ᒋᔾ, ᐅ ᑎᐸᔨᒋᒐᓱᐤ, ᒋᑭ ᓂᑭᒧᔅᑕᑎᓐ᙮ 2 ᓂᑭ ᑭᒐᑕᐤ ᐃᔨᑎᓐ ᐸᔭᒋᐃᑕᑎᓯᐅᓂᒡ᙮ ᐅ, ᑕᐃᔅᐱ ᒐ ᐸᒋ ᓇᓯᔨᓐ ? ᓂᑭ ᐱᒧᑕᓐ ᐱᒡ ᓂᒋᒡ ᑯᐃᔅᑯᑕᐊᐅᓂᒡ᙮ 3 ᓇᒪᐎᔾ ᒥᒋ ᒐᒂᓐ ᓂᑭ ᐎᔨᔅᑎᒪᓱᓐ; ᓂ ᐛᐧᑲᑕᒺᓐ ᐅᑦ ᐊᑐᔅᒐᐅᓄᐛᐤ ᑲ ᐱᔅᒐᒡ; ᓇᒪᐎᔾ ᒋᑭ ᐱᓯᑯᒧᔪᐤ ᐊᑕᐅᒡ᙮ 4 ᐊᓏᔨᑎᒧᐤ ᒥᑕᐃ ᓂᑭ ᓂᑭᑎᑯᓐ: ᓇᒪᐎᔾ ᓂᑭ ᒋᔅᒐᔨᒪᐤ ᐊᐛᓐ ᑲ ᒥᒋᑥᑦ᙮ 5 ᐊᐛᓐ ᒋᒧᑦ ᑲ ᐸᒂᓄᒪᑦ ᐎᒡ ᐃᔪᐛ, ᐊᐅᒄ ᒐ ᒋᒥᓱᒄ: ᐊᓐ ᑲ ᐃᔅᐸᔨᒥᓱᑦ ᑭᔭ ᑲ ᒋᔅᑕᔨᒧᑦ ᐅᑕᐃᒡ, ᓇᒪᐎᔾ ᓂᑭ ᒥᔽᐱᒪᐤ᙮ 6 ᓂᑭ ᑭᓄᐛᐱᒪᐅᒡ ᑲ ᑯᐃᔅᑯᑎᒡ ᐊᔅᒋᒡ, ᒐᒋ ᐎᒋᒥᒡ: ᐊᓐ ᑯᐃᔅᒄ ᑲ ᐃᑕᑎᓯᑦ, ᓂᑭ ᐊᑐᔅᑲᒄ᙮ 7 ᐊᓐ ᑲ ᑭᑭᒋᔭᓂᓱᐤ ᐃᔨᑎᑦ ᓇᒪᐎᔾ ᒋᑭ ᐎᒍᐤ ᓂᒋᒡ: ᐊᓐ ᑲ ᑭᑭᒋᔭᑦ ᓇᒪᐎᔾ ᒋᑭ ᑕᐤ ᐊᓐᑕ ᐊ ᐃᑕᐅᒡ᙮ 8 ᐎᐱᒡ ᓂᑭ ᓂᓱᐅᓇᒋᐊᐅᒡ ᒥᓯᐛ ᐅᒥᒋᑥᐅᒡ ᐊᔅᒋᒡ; ᒐᒋ ᒋᒥᓱᒂᐤ ᒥᓯᐛ ᑲ ᒥᒋᑐᑕᒡ ᑎᐸᔨᒋᒐᓱᐛ ᐅᑦ ᐃᑕᐅᓂᔨᒡ ᐅᒡ᙮ |
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
Wycliffe Bible Translators, Inc.