ᒐᓂᓯᔅ 18 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

ᑲ ᓂᔅᑎᒡ ᒪᓐᑕᐅᒡ Genesis 18.1-15 (Proper-6 Year A) Genesis 18.1-10a (Proper-11 Year C)

¹ ᑎᐸᔨᒋᒐᓱᐤ ᒥᓐ ᒋ ᓄᑯᓯᔅᑐᐛᐤ ᐊᑉᕋᐊᒪ ᐊᓐᑕ ᒪᒻᕋ ᒥᒋᒪ ᒥᔅᑯᐛᐤ ᒥᔅᑎᒂ ᐊ ᑕᔨᒋ᙮ ᒋᐱᔎᒡ ᒋ ᐊᐳᐤ ᐅᐱᒍᐎᔭᓂᒋᐛᐱᒡ ᒪᒂᒡ ᐊ ᒋᓯᑕᔨᒡ᙮

² ᐊᑉᕋᐊᒻ ᒋ ᐅᐸᐳᐤ ᑭᔭ ᒋ ᐛᐱᒪᐤ ᓂᔅᑐ ᐊᓐᒋᓇ ᒥᒋᒪ ᑲ ᓂᐳᔨᒋ᙮ ᐃᔅᐱ ᐎᔭᐱᒪᑦ, ᒋ ᓂᑭᑎᒻ ᐅᐱᒍᐎᔭᓂᒋᐛᑉ ᑭᔭ ᒂ ᒋᒋᓇᑦ ᒐᒋ ᓂᒋᔅᑯᐛᑦ᙮ ᒂ ᓂᐱᔅᑯᐱᔅᑐᐛᑦ ᐊ ᒋᔅᑕᔨᒪᑦ᙮

³ ᒂ ᐃᑕᑦ ᐊᓂᔭ ᐸᐃᒄ, “ᓂᑎᐸᔨᒋᒐᓯᒻ, ᐊᑕᔨᒧᐅᓇ ᐊ ᒋᔅᑕᔨᑕᑯᓯᔭᓐ, ᐊᑲ ᓴᐳᑐᐛᔅᑯᐤ ᒋᑦ ᐊᐱᒋᐊᑭᓐ᙮

⁴ ᓂᑭ ᓂᑐᐛᔨᑕᓐ ᓂᐱᔾ ᒐ ᐸᑥᑯᐅᔭᒄ ᒐᒋ ᒋᔅᑕᐸᐅᑕᔭᒄ ᒋᓯᑐᐛᐛ, ᐊᐱᒄ ᑭᔭ ᐊ ᐊᔅᑕᔭᔅᑯᐃᑎᓱᒄ ᐊ ᐊᒋᑲᔅᑕᓯᒧᔭᒄ ᐅᑕ ᒥᔅᑎᑯᒡ᙮

⁵ ᓂᑭ ᐸᑕᓐ ᒥᒋᒻ ᒐ ᒥᒋᔭᒄ ᒐᒋ ᓴᐱᓯᔅᑲᑯᔭᒄ, ᐊᑯ ᐸᑐᔅ ᒐ ᒪᒋᔭᒄ᙮ ᓂ ᒥᔽᔨᑕᓐ ᒐᒋ ᐃᑐᑕᑎᑯ ᐊᓄᒡ ᐱᔭᑐᑕᔭᒄ ᐅᑕ ᓂᒋᒡ᙮” ᒂ ᓂᔎᐅᓯᐃᑯᑦ ᐊ ᐃᑎᑯᑦ, “ᐊᑯᓐ ᒧᔭᒻ, ᑐᑕ ᐊ ᐃᔅᒋᔄᔨᓐ᙮”

⁶ ᐊᑉᕋᐊᒻ ᒋ ᑭᒐᐃᐱᔪᐤ ᑲ ᐃᑐᑕᑦ ᐅᐱᒍᐎᔭᓂᒋᐛᐱᒡ ᑭᔭ ᒋ ᐃᑕᐤ ᓴᕋᔨᒋ, “ᒋᐱᔾ, ᐅᑎᓂᒡ ᐱᔅᒐ ᐊ ᒥᔪᓯᒡ ᔪᔎᐛᓂᒡ ᑭᔭ ᒐ ᐱᒥᓄᐛᔨᓐ ᐸᒂᓯᑭᓐ᙮”

⁷ ᐊᑯ ᐊᑉᕋᐊᒻ ᒂ ᐃᔅᐸᑕᑦ ᐊᓐᑕ ᒥᒋᑎᒂ ᐊ ᑕᔨᒋ, ᒋ ᐅᑎᓇᐤ ᐸᐃᒄ ᐊ ᐎᔪᐎᔨᒋ ᒥᒋᑎᐧᑯᓴ ᑭᔭ ᒋ ᒥᔭᐤ ᐅᑦ ᐊᐱᒋᐊᑭᓇ ᒐᒋ ᓂᐸᐃᔨᒋ ᑭᔭ ᐱᒥᓄᐛᔨᒋ᙮

⁸ ᒋ ᐸᑐᑐᐛᐤ ᒋᒋᓇᐳᔭ, ᑲ ᒥᔅᑯᐛᔨᒡ ᑭᔭ ᐎᔭᓯᔪᐤ, ᒂ ᒥᔭᑦ ᐊᓂᔭ ᐊ ᓂᔅᑎᔨᒋ ᐊᓐᒋᓇ᙮ ᒪᒂᒡ ᑲ ᒥᒋᓱᔨᒋ, ᐊᑉᕋᐊᒻ ᒥᒋᒪ ᓯᐸᔭᒋᔅᑎᑯᒡ ᒋ ᐅᒋᑲᐳᔅᑐᐛᐤ᙮

⁹ ᐊᑯ ᑲ ᑯᒂᒋᒥᑯᑦ, “ᑕᓐᑕ ᐊ ᑕᑦ ᒋᐅ ᓴᕋ ?” ᐊᑉᕋᐊᒻ ᒋ ᐎᑎᒧᐛᐤ, “ᐊᓐᑕ ᐱᒍᐎᔭᓂᒋᐛᐱᒡ ᑕᐤ᙮”

¹⁰ ᑎᐸᔨᒋᒐᓱᐤ ᒂ ᐃᑕᑦ ᐊᑉᕋᐊᒪ, “ᒋ ᐸᐃᑯᔅᑕᐤ ᑕᑐᐤ ᐱᓯᒺᔭᒐ, ᑲᐤ ᐅᑕ ᓂᑭ ᑎᑯᓯᓐ ᑭᔭ ᓴᕋ ᒋᑭ ᐅᑯᓱᐤ᙮” ᓴᕋ ᐅᑕᒡ ᒋ ᐅᒋᑲᐳᔅᑐᐛᐤ, ᒋᐱᔎᒡ ᐅᒡ ᐅᐱᒍᐎᔭᓂᒋᐛᐳᐛᒡ ᐛᒋ ᓂᑐᑐᐛᑦ᙮

¹¹ ᑕᐱᔅᑯᓐ ᐊᑉᕋᐊᒻ ᑭᔭ ᓴᕋ ᓴᔅ ᒋ ᒋᓴᐃᔪᐎᒡ᙮ ᓴᕋ ᓇᒪ ᐅᒋ ᐅᑦ ᐊᐛᓯᒧᐤ ᐊ ᒋᓴᐃᔎᐅᑦ᙮

¹² ᐊᑯ ᓴᕋ ᒂ ᐸᐱᑦ ᐊ ᐃᑕᔨᑕᐧᒃ, “ᑕᐱᔅᑯᓐ ᐊᑉᕋᐊᒻ ᑭᔭ ᓂᔾ ᓂ ᒋᓴᐃᔪᐅᓇᓐ᙮ ᓴᔅ ᐎᒪᐱᔪᐤ ᒐᒋ ᑭᓄᐛᔨᑎᒪᓐ ᒥᔽᔨᑎᒧᐅᓐ ᐊ ᐅᑦ ᐊᐛᓯᒥᓇᓄᐅᒡ᙮”

¹³ ᐊᑯ ᑎᐸᔨᒋᒐᓱᐤ ᐊᑕᑦ ᐊᑉᕋᐊᒪ, “ᒐᒂᓐ ᒪᒃ ᐛᒋ ᐸᐱᑦ ᓴᕋ ᐊᓂᔭ ᑲ ᐃᔅᒋᔄᐅᒡ ? ᒐᒂᓂᔪᐤ ᐛᒋ ᐊᓏᑕᐧᒃ ᒐ ᐅᑦ ᐊᐛᓯᒥᑦ ᐊ ᒋᓴᐃᔎᐅᑦ ?

¹⁴ ᓇᒪ ᑎᑯᓂᔪᐤ ᒐᒂᓂᔪᐤ ᒐ ᐊᑲ ᒋ ᐃᑐᑕᐧᒃ ᑎᐸᔨᒋᒐᓱᐤ᙮ ᒧᔭᒻ ᑲ ᐃᔅᒋᔄᔭᓐ, ᒋ ᐸᐃᑯᔅᑕᐤ ᑕᑐᐤ ᐱᓯᒺᔭᒐ ᑲᐤ ᐅᑕ ᓂᑭ ᑎᑯᓯᓐ ᑭᔭ ᓴᕋ ᒋᑭ ᐅᑯᓱᐤ᙮”

¹⁵ ᓴᕋ ᒋ ᑯᔅᑕᒍᐤ, ᐊᑯ ᒂ ᐎ ᑭᑭᒋᔭᑦ ᑭᔭ ᒂ ᐃᔅᒋᔄᑦ, “ᓇᒪ ᓂ ᐅᒋ ᐸᐱᓐ᙮” ᑎᐸᔨᒋᒐᓱᐛ ᒂ ᐃᑎᑯᑦ, “ᓂᐦᐃ, ᔅᒋ ᐸᐱᓐ᙮”

ᑲ ᓂᑐᑎᒪᔅᑎᒧᐛᑦ ᐊᑉᕋᐊᒻ ᑲ ᒥᔽᑎᓯᔨᒋ

¹⁶ ᑲᒋ ᒋᓯᒥᒋᓱᒡ, ᒂ ᔅᑐᑕᒡ ᐊ ᓂᔅᑎᒡ ᐊᓐᒋᓐᒡ ᑭᔭ ᒂ ᐃᑐᑕᒡ ᐊᓐᑕ ᒐ ᐅᒋ ᐛᐸᑕᒡ ᓱᑕᒻ ᐅᑕᓇᔪᐤ᙮ ᐊᑉᕋᐊᒻ ᒋ ᐊᑎ ᐎᒐᐛᐤ ᒐᒋ ᐛᒋᔭᒪᑦ᙮

¹⁷ ᐊᑯ ᑎᐸᔨᒋᒐᓱᐤ ᒂ ᐃᑎᓱᑦ, “ᓇᒪ ᓂᑭ ᒋ ᑲᑐᐛᐤ ᐊᑉᕋᐊᒻ ᒐᒂᓂᔪᐤ ᐛ ᑐᑕᒧᒡ᙮

¹⁸ ᐛᔅ ᐊᑉᕋᐊᒻ ᐅᑦ ᐊᓂᔅᑯᑕᐸᓇ ᒋᑭ ᒥᒐᑐᔅᑲᓇᓯᔨᐛ ᑭᔭ ᒋᑭ ᓱᐧᑲᑎᓯᔨᐛ ᑭᔭ ᐎᔾ ᐅᒡ ᓂᑭ ᐅᒋ ᒥᔪᑐᑐᐛᐅᒡ ᒥᓯᐛ ᐊ ᑕᑐᔅᑲᓇᓯᒡ ᐅᑕ ᐊᔅᒋᒡ᙮

¹⁹ ᐛᔅ ᐎᔾ ᓂᒋ ᐛᔭᐱᒪᐤ ᒐᒋ ᒋᔅᑯᑎᒧᐛᑦ ᐅᑦ ᐊᐛᓯᒪ ᑭᔭ ᒐ ᐊᓂᔅᒐ ᐱᒪᑎᓯᔨᒋ ᐅᑦ ᐊᓂᔅᑯᑕᐸᓇ ᒐᒋ ᓇᐊᔨᑎᒥᔨᒋ ᓂᑦ ᐃᑎᓱᐛᐅᓇ ᑭᔭ ᐃᑐᑎᒥᔨᒋ ᑯᐃᔅᑯᑐᑎᒧᐅᓂᔪᐤ ᑭᔭ ᑎᐸᔅᑯᓂᒐᐅᓂᔪᐤ ᑭᔭ ᐊᑯ ᒪᒃ ᒐ ᒥᔨᒃ ᐊᑉᕋᐊᒻ ᒥᓯᐛ ᒐᒂᔪᐤ ᑲ ᐃᓯ ᐊᓱᑎᒧᐅᒃ᙮”

Genesis 18.20-32 (Proper-12 Year C)

²⁰ ᐊᑯ ᑎᐸᔨᒋᒐᓱᐤ ᐊᑕᑦ ᐊᑉᕋᐊᒪ, “ᓂᒋ ᐸᑎᒺᓐ ᐊ ᑕᑈᓯᒡ ᐊᓐᒡ ᐊ ᐊᑲ ᒥᔪᑐᑕᑯᒡ ᓱᑕᒻ ᑭᔭ ᑯᒧᕋ ᐃᔪᐛ᙮ ᒪᔭᑎᓂᔪᐤ ᐊ ᑐᑕᒡ ᐊᓐᒡ ᐃᔪᒡ᙮

²¹ ᓂᑭ ᐃᑐᑕᓐ ᒐᒋ ᐛᐸᑎᒧᒡ ᒐᒂᓂᔪᐤ ᑲ ᐃᓯ ᑐᑕᒡ᙮ ᐊᑯ ᒐᔅᒐᔨᑎᒧᒡ ᑎᔭᑈᓄᐎᒂ᙮”

²² ᐊᑯ ᓂᓱ ᐊᓐᒋᓐᒡ ᒋ ᓂᑭᑕᐅᒡ ᐊᑉᕋᐊᒪ ᑭᔭ ᒂ ᐃᑐᑕᒡ ᐊᓐᑕ ᓱᑕᒻ ᐅᑕᓇᔪᐤ, ᒥᒄ ᑎᐸᔨᒋᒐᓱᐤ ᒋ ᑕᐤ ᐊ ᐎᒋᑲᐳᔅᑐᐛᑦ ᐊᑉᕋᐊᒪ᙮

²³ ᐊᑉᕋᐊᒻ ᒥᒋᒪ ᒋ ᓇᑕᐤ ᑎᐸᔨᒋᒐᓱᐛ ᑭᔭ ᒋ ᐃᑕᐤ, “ᒋᑭ ᓂᓱᐅᓇᒋᐊᐅᒡ ᐊ ᒪᒧᐤ ᐊᓐᒡ ᑯᐃᔅᒄ ᑲ ᑐᑕᒡ ᒋᒡ ᐊᓐᒡ ᐊ ᒪᔭᑎᓂᔨᒡ ᑲ ᑐᑕᒡ ?

²⁴ ᒥᒄ ᒪ ᐱᑕᑕᒡ ᑕᑐᔪᐤ ᑕᑎᓯᑥᐛ ᑲ ᑯᐃᔅᑯᑕᑎᓯᒡ ᐃᔪᒡ ᐊᓐᑕ ᐅᑕᓇᒡ, ᒋᑭ ᓂᓱᐅᓇᒋᑕᓐ ᐊ ? ᒋᑭ ᐱᒪᒋᑕᓐ ᐊ ᐊᑯ ᒪᒃ ᒐ ᐊᑲ ᐳᓂᐱᒪᑎᓯᒡ ᐊᓐᒡ ᐱᑕᑕᒡ ᑕᑐᔪᐤ ᑲ ᑯᐃᔅᑯᑕᑎᓯᒡ ᐃᔪᒡ ?

²⁵ ᓂ ᒋᔅᒐᔨᑕᓐ ᒐ ᐊᑲ ᓂᓱᐅᓇᒋᐃᑥᐤ ᑲ ᑯᐃᔅᑯᑕᑎᓯᒡ ᐃᔪᒡ ᐊᓯᒡ ᐊᓐᒡ ᑲ ᒥᒐᑎᓯᒡ ᐃᔪᒡ᙮ ᒋᔾ ᐅ ᐅᑎᐸᔅᑯᓂᒐᐤ ᐅᑕ ᒥᓯᐛ ᐊᔅᒋᒡ ᑭᔭ ᒋᑦ ᐃᑐᑕᓐ ᒐᒂᓐ ᐊ ᒥᔽᒡ᙮”

²⁶ ᑎᐸᔨᒋᒐᓱᐤ ᒋ ᐃᑕᐤ, “ᒥᔅᑯᒂᐛ ᐱᑕᑕᒡ ᑕᑐᔪᐤ ᑲ ᑯᐃᔅᑯᑕᑎᓯᒡ ᐃᔪᒡ ᐊᓐᑕ ᓱᑕᒻ ᐅᑕᓇᒡ, ᓇᒪ ᓂᑭ ᒋ ᓂᓱᐅᓇᒋᑕᓐ ᐅᑕᓇᐤ ᐎᔨᐛᐤ ᐅᒋ᙮”

²⁷ ᐊᑯ ᐊᑉᕋᐊᒻ ᒥᓐ ᐊ ᐃᔨᒥᑦ, “ᑎᐸᔨᒋᒐᓱᐤ, ᓂᑭ ᒥᔅᑲᓐ ᓱᒋᑕᐅᓐ ᑭᔭ ᒥᓐ ᒐᒋ ᐃᔨᒥᑕᓐ, ᐛᔅ ᐅ ᓂᔾ ᒥᒄ ᓇᐸᐤ, ᓇᒪ ᑭᔭ ᓂ ᑎᐸᒐᔨᑕᑯᓯᓐ ᒐᒋ ᐃᔨᒥᑕᓐ,

²⁸ ᒂᔄᓐ ᒥᒄ ᓇᐎᔪᐤ ᐊᓱ ᐱᑕᑕᒡ ᐊᑎᓯᐛᐛᒂ, ᒋᑭ ᓂᓱᐅᓇᒋᑕᓐ ᐊ ᓄᑎᒻ ᐅᑕᓇᐤ ᐅᓴᒻ ᐊᓐᒡ ᐱᑕᑕᒡ ᑲ ᑯᐃᔅᑯᑕᑎᓯᒡ ᐃᔪᒡ ?” ᑎᐸᔨᒋᒐᓱᐤ ᒋ ᐃᑕᐤ, “ᒥᔅᑯᒂᐛ ᓇᐎᔪᐤ ᐊᓱ ᐱᑕᑕᒡ ᑲ ᑯᐃᔅᑯᑕᑎᓯᒡ ᐃᔪᒡ, ᓇᒪ ᓂᑭ ᒋ ᓇᓱᐅᓇᒋᑕᓐ᙮”

²⁹ ᐊᑉᕋᐊᒻ ᒥᓐ ᐸᐃᒂᐤ ᐊ ᐃᔨᒪᐊᑦ, “ᒂᔄᓐ ᒪ ᓇᐎᔪᐤ ᒥᒄ ᒥᔅᑯᐛᑭᓄᑥᐛ ᑲ ᑯᐃᔅᑯᑕᑎᓯᒡ ᐃᔪᒡ ᐊᓐᑕ ?” ᑎᐸᔨᒋᒐᓱᐤ ᒂ ᐃᑕᑦ, “ᐊᑎ ᒥᒄ ᓇᐎᔪᐤ ᑕᑥᐛ ᑲ ᑯᐃᔅᑯᑕᑎᓯᒡ ᐃᔪᒡ, ᓇᒪ ᓂᑭ ᒋ ᓂᓱᐅᓇᒋᑕᓐ ᐊᓐ ᐅᑕᓇᐤ᙮”

³⁰ ᐊᑯ ᐊᑉᕋᐊᒻ ᐊᑕᑦ, “ᑎᐸᔨᒋᒐᓱᐤ, ᒋ ᐱᑯᓴᔨᒥᑎᓐ ᒐ ᐊᑲ ᒋᔄᐱᔅᑐᐎᓐ, ᒥᒄ ᓇᐃᒥᔾ ᒐᒋ ᒥᓐ ᑯᒂᒋᒥᑕᓐ, ᒐᒂᓐ ᒐ ᐃᑐᑎᒥᓐ ᒥᒄ ᓂᔅᑐᔪᐤ ᑕᑎᓯᑥᐛ ᑲ ᑯᐃᔅᑯᑕᑎᓯᒡ ᐃᔪᒡ ᐊᓐᑕ ᐅᑕᓇᒡ ?” ᑎᐸᔨᒋᒐᓱᐤ ᒋ ᐃᑕᐤ, “ᓂᑭ ᐱᒪᒋᐊᐅᒡ ᒥᓯᐛ ᑯᑎᑭᒡ, ᒋᒡ ᐊᓐᒡ ᓂᔅᑐᔪᐤ ᐃᔪᒡ ᑲ ᑯᐃᔅᑯᑕᑎᓯᒡ᙮”

³¹ ᐊᑯ ᐊᑉᕋᐊᒻ ᐊᑕᑦ, “ᑎᐸᔨᒋᒐᓱᐤ, ᐛᐸᔨᑎᒧᐎ ᐊᓐ ᐊᓱᒋᑕᔭᓐ ᒐᒋ ᒥᓐ ᑯᒂᒋᒥᑕᓐ, ᒥᒄ ᒐᒂᓐ ᒐ ᐃᑐᑎᒥᓐ ᒥᒄ ᓂᓱᔪᐤ ᑲ ᑯᐃᔅᑯᑕᑎᓯᒡ ᐃᔪᒡ ᒥᔅᑯᑥᐛ ?” ᑎᐸᔨᒋᒐᓱᐤ ᒋ ᐃᑕᐤ, “ᐊᑎ ᒥᒄ ᓂᓱᔪᐤ ᑕᑥᐛ ᑲ ᑯᐃᔅᑯᑕᑎᓯᒡ ᐃᔪᒡ, ᓇᒪ ᓂᑭ ᒋ ᓂᓱᐅᓇᒋᑕᓐ ᐊᓐ ᐅᑕᓇᐤ᙮”

³² ᐊᑉᕋᐊᒻ ᒥᓐ ᑲ ᑯᒂᒋᒪᑦ, “ᑎᐸᔨᒋᒐᓱᐤ, ᒋ ᐱᑯᓴᔨᒥᑎᓐ ᒐ ᐊᑲ ᒋᔄᐱᔅᑐᐎᓐ, ᐊᐅᑯᐤ ᒪᔅᑕᔾ ᒐ ᐃᔨᒥᔭᓐ, ᒐᒂᓐ ᒐ ᐃᑐᑎᒥᓐ ᒥᒄ ᐸᐃᑯᔪᐤ ᑲ ᑯᐃᔅᑯᑕᑎᓯᒡ ᐃᔪᒡ ᒥᔅᑯᑥᐛ ?” ᑎᐸᔨᒋᒐᓱᐤ ᐃᑕᐤ, “ᐊᑎ ᒥᒄ ᐸᐃᑯᔪᐤ ᑕᑥᐛ ᑲ ᑯᐃᔅᑯᑕᑎᓯᒡ ᐃᔪᒡ, ᓇᒪ ᓂᑭ ᒋ ᓂᓱᐅᓇᒋᑕᓐ ᐊᓐ ᐅᑕᓇᐤ᙮”

³³ ᐃᔅᐱ ᑎᐸᔨᒋᒐᓱᐤ ᑲᒋ ᐃᓯ ᐃᔨᒪᐊᑦ ᐊᑉᕋᐊᒪ, ᒋ ᔅᑐᑕᐤ ᑭᔭ ᐎᔾ ᐊᑉᕋᐊᒻ ᒂ ᒋᐛᑦ᙮