ᒐᓂᓯᔅ 10 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

ᓄᐛ ᐅᑯᓴ ᐅᑦ ᐊᓂᔅᑯᑕᐸᓂᔪᐛ

¹ ᐊᐅᑯᐤ ᐊ ᐃᓯ ᑎᐸᒋᒪᑭᓄᐅᒡ ᓄᐛ ᐅᑯᓴ, ᓴᒻ, ᐊᒻ, ᑭᔭ ᒐᐸᑦ ᐅᑦ ᐊᓂᔅᑯᑕᐸᓄᐛᐛ, ᑲ ᐃᔪᔨᒋ ᑲᒋ ᐃᔅᒋᐸᔨᒡ᙮

ᒐᐸᑦ ᐅᑦ ᐊᓂᔅᑯᑕᐸᓇ

² ᒐᐸᑦ ᒋ ᐅᑯᓱᐤ ᑯᒪᕐ, ᒪᑯᒃ, ᒪᑕᐃ, ᒐᐸᓐ, ᑐᐸᓪ, ᒥᓴᒃ, ᑭᔭ ᑎᕋᔅ᙮

³ ᑯᒪᕐ ᒋ ᐅᑯᓱᐤ ᐊᔅᑭᓇᔅ, ᐎᐸᑦ ᑭᔭ ᑐᑲᕐᒪ᙮

⁴ ᒐᐸᓐ ᒋ ᐅᑯᓱᐤ ᐃᓕᓴ, ᑕᕐᓯᔅ, ᑭᑎᒻ ᑭᔭ ᕈᑕᓂᒻ᙮

⁵ ᐅᒡ ᐃᔪᒡ ᒥᒋᒪ ᐎᓂᐸᑯᒡ ᒋ ᐎᒍᐅᒡ ᑕᑎᐸᓐ ᐅᑦ ᐊᔅᒋᐛᒡ, ᑎᐸᓐ ᐊ ᐃᓯ ᐃᔨᒥᒡ ᑭᔭ ᐊ ᐃᑎᔅᑲᓇᓯᒡ᙮

ᐊᒻ ᐅᑦ ᐊᓂᔅᑯᑕᐸᓇ

⁶ ᐊᒻ ᒋ ᐅᑯᓱᐤ ᑯᔅ, ᒥᔅᕋᐃᒻ, ᐳᑦ ᑭᔭ ᑲᐃᓇᓐ᙮

⁷ ᑯᔅ ᒋ ᐅᑯᓱᐤ ᓯᐸ, ᐊᐱᓚ, ᓴᑉᑕ, ᕋᐊᒪ ᑭᔭ ᓴᑉᑎᑲ᙮ ᕋᐊᒪ ᒋ ᐅᑯᓱᐤ ᓯᐸ ᑭᔭ ᑎᑕᓐ᙮

⁸ ᑯᔅ ᒋ ᐅᑕᐎᑕᑯᐤ ᓂᒻᕋᑦ, ᐎᔾ ᐅᔅᑭᒡ ᓇᔅᒡ ᐊᒋ ᓱᒋᓯᑦ ᓇᐸᐤ ᐅᑕ ᐊᔅᒋᒡ᙮

⁹ ᒋᒋᐛ ᒋ ᓂᑕᐤ ᓂᑐᐎᔪᐤ ᐊ ᐎᒋᐃᑯᑦ ᑎᐸᔨᒋᒐᓱᐛ, ᐎᔾ ᓂᒻᕋᑦ ᑲ ᐅᒋ ᐃᔅᒋᔄᓄᐎᒡ, “ᒋ ᓂᑕᐤ ᓂᑐᐎᓐ ᒧᔭᒻ ᓂᒻᕋᑦ ᑎᐸᔨᒋᒐᓱᐤ ᐊ ᐎᒋᐃᔅᒃ᙮”

¹⁰ ᑯᔅ ᓂᔅᑎᒻ ᒋ ᐅᒋᒪᐤ ᐊᓐᑕ ᐸᐱᓗᓐ, ᐊᕋᒃ, ᐊᑲᑦ ᑭᔭ ᑲᓂ, ᐊᓐᑕ ᓯᓇᕐ ᐊᔅᒋᒡ᙮

¹¹ ᐊᓯᕆᔭ ᒋ ᐃᑐᑕᐤ ᑭᔭ ᒋ ᒋᒥᑕᐤ ᓂᓇᐸ ᐅᑕᓇᔪᐤ᙮ ᐎᔾ ᒋᒡ ᒋ ᒋᒥᑕᐤ ᕋᐅᐳᑦ-ᐊᕐ ᑭᔭ ᑲᓚ,

¹² ᑭᔭ ᕋᓯᓐ ᑎᔅᑐᐎᒡ ᓂᓇᐸ ᑭᔭ ᑲᓚ, ᐊᐅᑯᐤ ᐊ ᒥᔅᑎᐅᑕᓇᐅᒡ᙮

¹³ ᒥᔅᕋᐃᒻ ᒋ ᐅᑕᐎᑕᑯᐤ ᓗᑎᒻ, ᐊᓇᒥᒻ, ᓚᐊᐱᒻ, ᓇᑉᑐᐃᒻ,

¹⁴ ᐸᑦᕈᓯᒻ, ᑲᔅᓗᐃᒻ (ᐊᓐᑕ ᐛᒋᐱᔨᒡ ᐱᓕᔅᑕᐃᓐ ᐃᔪᒡ) ᑭᔭ ᑲᑉᑐᕆᒻ᙮

¹⁵ ᑲᐃᓇᓐ ᒋ ᐅᑕᐎᑕᑯᐤ ᓴᐃᑐᓐ, ᐅᓂᔅᑎᒧᓴᓇ ᑭᔭ ᐊᑦ,

¹⁶ ᑭᔭ ᒐᐱᐅᔅ ᐃᔪᐛ, ᐊᒧᕆ ᐃᔪᐛ, ᑲᕐᑭᔅ ᐃᔪᐛ,

¹⁷ ᐃᑉ ᐃᔪᐛ, ᐊᕐᑲ ᐃᔪᐛ, ᓯᓇ ᐃᔪᐛ,

¹⁸ ᐊᕐᐸᑦ ᐃᔪᐛ, ᓴᒪᕐ ᐃᔪᐛ ᑭᔭ ᐊᒪᑦ ᐃᔪᐛ᙮ ᓇᓇᒐ ᑲᐃᓇᓐ ᐃᔪᒡ ᑕᑎᐸᓐ ᒋ ᐃᑐᑕᐅᒡ᙮

¹⁹ ᐊᑯ ᑲᐃᓇᓐ ᐃᔪᒡ ᓴᐃᑐᓐ ᒋ ᐅᑦ ᐊᔅᒋᐅᒡ ᑭᔭ ᑭᕋᕐ ᐃᑕᒐ ᐃᔅᐱᔅ ᑲᓴ ᑭᔭ ᓱᑕᒻ, ᑯᒧᕋ, ᐊᑦᒪ ᑭᔭ ᓴᐳᐃᒻ ᐃᔅᐱᔅ ᓚᓴ᙮

²⁰ ᐊᐅᑯᐤ ᐅᔭ ᐅᑦ ᐊᐛᓯᒪ ᐊᒻ, ᑲ ᐃᓯ ᑕᑐᐃᒋᓯᒡ, ᑲ ᐃᓯ ᐃᔨᒥᒡ, ᑲ ᐃᓯ ᐅᑦ ᐊᔅᒋᒡ ᑭᔭ ᑲ ᑕᑐᔅᑲᓇᓯᒡ᙮

ᓴᒻ ᐅᑦ ᐊᓂᔅᑯᑕᐸᓇ

²¹ ᓴᒻ ᒋ ᑕᔪᐛ ᐅᑦ ᐊᐛᓯᒪ, ᒋ ᐅᑕᐎᒪᐤ ᒥᓯᐛ ᐃᐳᕐ ᐅᑦ ᐊᐛᓯᒥᔪᐛ ᑭᔭ ᒐᐸᑕ ᒋ ᐅᔅᑕᓱᐤ᙮

²² ᓴᒻ ᒋ ᐅᑯᓱᐤ ᐃᓚᒻ, ᐊᔅᐅᕐ, ᐊᕐᐸᑭᓴᑦ, ᓗᑦ ᑭᔭ ᐊᕋᒻ᙮

²³ ᐊᕋᒻ ᒋ ᐅᑯᓱᐤ ᐅᔅ, ᐅᓪ, ᑲᑐᕐ ᑭᔭ ᒪᔅ᙮

²⁴ ᐊᕐᐸᑭᓴᑦ ᐎᔾ ᒋ ᐅᑕᐎᒪᐤ ᓴᓚ᙮ ᓴᓚ ᐎᔾ ᒋ ᐅᑕᐎᒪᐤ ᐃᐳᕐ᙮

²⁵ ᒋ ᓂᓯᔪᐛ ᐃᐳᕐ ᐅᑯᓴ᙮ ᐸᓚᒃ ᐸᐃᒄ ᒋ ᐃᓯᓂᐧᑲᓱᔪᐛ, ᐊ ᐃᑎᔅᑲᓇᓯᒡ ᒋ ᑎᐸᓂᒧᒡ ᐊᔅᒋᔪᐤ ᑲᒋ ᑕᑦ᙮ ᒍᒃᑕᓐ ᒋ ᐃᓯᓂᐧᑲᑕᑭᓄᐅᔪᐛ ᐅᓯᒪ᙮

²⁶ ᒍᒃᑕᓐ ᐎᔾ ᒋ ᐅᑕᐎᒪᐤ ᐊᓪᒧᑕᑦ, ᓯᓚᑉ, ᐊᓴᕐᒪᐸᑦ, ᒋᕋ,

²⁷ ᐊᑐᕋᒻ, ᐅᓴᓪ, ᑎᒃᓚ,

²⁸ ᐅᐸᓪ, ᐊᐱᒪᐃᓪ, ᓯᐸ,

²⁹ ᐅᐳᕐ, ᐊᐱᓚ ᑭᔭ ᒍᐸᑉ᙮ ᒍᒃᑕᓐ ᐅᔭ ᒥᓯᐛ ᐅᑯᓴ᙮

³⁰ ᒥᓴ ᐊᔅᒋᒡ ᐅᒡ ᐃᔅᐱᔅ ᓯᐸᕐ ᒋ ᐎᒍᐅᒡ ᐛᐱᓄᑕᒡ ᐱᔅᑯᑎᓇᒡ᙮

³¹ ᐊᐅᑯᐤ ᐅᔭ ᑲ ᐃᓯ ᐎᔭᑭᓄᔨᒋ ᓴᒻ ᐅᑦ ᐊᐛᓯᒪ, ᑲ ᐃᑎᔅᑲᓇᓯᒡ ᑭᔭ ᑲ ᐅᑦ ᐊᔅᒋᒡ᙮

³² ᐊᐅᑯᐤ ᑲ ᐃᓯ ᐎᔭᑭᓄᔨᒋ ᓄᐛ ᐅᑯᓴ ᐅᑦ ᐊᓂᔅᑯᑕᐸᓂᔪᐛ, ᒋ ᒥᒐᑐᔅᑲᓇᓯᔨᐛ ᐅᑦ ᐊᓂᔅᑯᑕᐸᓂᔪᐛ ᑭᔭ ᒥᓯᐛ ᐊᔅᐱᑎᔅᑭᒥᑲᔨᒡ ᐅᑕ ᐊᔅᒋᒡ ᒋ ᑕᔪᐛ ᑲᒋ ᐃᔅᒋᐸᔨᒡ᙮