ᑲᓚᓯᔭᓇ 6 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

ᐛᐎᒋᐃᑐᑕᐤ ᐊᓐᑕ ᒪᒋᐱᔭᐧᒄ

¹ ᓂᐧᑲᓂᓯᑐᒄ, ᒧᔭᒻ ᓴᐧᑯᒋᐃᑯᒐ ᐊᐛᓐ ᒥᒐᑎᓯᐅᓂᔪᐤ ᒋᔨᐛᐤ ᑲ ᐱᒋᔅᑲᑕᒄ ᑲ ᐸᔭᒋᓯᑦ ᐊᒐᐧᒄ ᒋᐸ ᐎᒋᐊᐛᐤ ᐊᓐ ᐊᐛᓐ ᒋᔭᒻ ᒐᒋ ᒥᔪᐱᔨᑦ ᑕᓐ ᐛ ᐃᓯ ᐱᔅᒐᐱᔨᑦ᙮ ᐃᔭᒂᒥᔅᑕᓱᒄ ᑭᔭ, ᒐ ᐊᑲ ᒋ ᐊᔅᒋᐱᔨᔭᒄ ᑭᔭ ᒋᔨᐛᐤ ᒐᒋ ᐊᑎ ᒥᒋᑐᑎᒪᒄ᙮

² ᒪᒥᔅᑯᒡ ᐎᒋᐃᑐᒄ ᐊ ᐊᔨᒥᐅᔭᒄ᙮ ᐅ ᑎᔭᒂ ᒋᑭ ᐃᑐᑎᒺᓇᐛᐤ ᑕᓐ ᑲ ᐃᑎᓱᐛᑦ ᙭᙮

³ ᒧᔭᒻ ᐊᐛᓐ ᒋᒋᐛ ᐊ ᐃᑕᔨᒥᓱᑦ ᐊᑎ ᒪᒃ ᐊᑲ ᒐᒂᔪᐤ ᐃᑕᔨᑕᑯᓯᑦ ᐎᔾ ᓇᔅᒡ ᐎᔭᓯᒥᑎᓱᐤ᙮

⁴ ᒥᓯᐛ ᐸᐸᐃᒄ ᐊᐛᓐ ᒋᐸ ᓇᓂᑐ ᒋᔅᒐᔨᒥᓱᐤ ᑯᐃᔅᒄ ᑲ ᑎᒂ᙮ ᑯᐃᔅᒄ ᒪᒃ ᑲ ᑎᒂ, ᑭᑈ ᒐ ᒪᒥᒋᐃᓱᑦ, ᓇᒪ ᐛᐛᒡ ᒋᑭ ᐅᒋ ᑭᓄᐛᐸᑎᒺᐤ ᑯᑎᑲ ᐊᐛᔪᐛ ᑕᓐ ᑲ ᐃᑎᔨᒋ᙮

⁵ ᐛᔅ ᒥᓯᐛ ᐊᐛᓐ ᑎᐸᓐ ᒋᐸ ᐃᑐᑎᒻ ᑕᓐ ᐊᓂᔭᔪᐛ ᑲ ᐃᑎᓱᒥᑯᑦ ᒋᓴᒪᓂᑐᐛ ᐎᔾ ᒐ ᐃᑐᑕᐧᒃ᙮

⁶ ᐊᓐ ᐊᐛᓐ ᑲ ᒋᔅᑯᑎᒧᐛᑭᓄᐅᑦ ᒥᔽᒋᒧᐅᓂᔪᐤ ᒋᐸ ᒥᔭᐤ ᐊᓂᔭᔪᐛ ᑲ ᒋᔅᑯᑎᒪᑯᑦ ᒐᒋ ᐊᐱᒋᑕᔨᒋ ᒥᓯᐛ ᑕᓐ ᐊ ᐃᓯ ᒥᔪ ᐊᔭᑦ ᒐᒂᔪᐛ᙮

Galatians 6.7-16 (Proper-9 Year C)

⁷ ᐊᑲᐎᔾ ᐎᔭᓯᒥᑎᓱᒄ, ᓇᒪ ᐊᐛᓐ ᒋᑭ ᒋ ᐎᔭᓯᒪᐤ ᒋᓴᒪᓂᑐᐛ᙮ ᐛᔅ ᐊᓂᔭ ᒐᒂᔪᐤ ᒐ ᐱᔅᑎᓂᒧᒂ ᐊᐛᓐ ᐊᓐᑕ ᐊᔅᒋᒡ ᐊᐅᑯᓐ ᐊᓂᔭ ᒐ ᓂᑕᐅᒋᓂᔨᒡ ᐊᓐᑕ᙮

⁸ ᐊᐛᓐ ᒪᒃ ᐱᓯᒄ ᓂᑎᒥᒄ ᑲ ᐃᓯ ᐱᒪᑎᓯᑦ ᒋᑭ ᐃᓯᓇᑯᓂᔪᐤ ᒐᒃ ᒐ ᐊᑎ ᓂᓱᐅᓇᒋᑕᑦ ᐅᐱᒪᑎᓯᐅᓐ᙮ ᐊᑯ ᒪᒃ ᐊᐛᓐ ᒥᒄ ᐊ ᐃᓯ ᓂᑐᐛᔨᒥᑯᑦ ᑲ ᐸᔭᒋᓯᔨᒋ ᐊᒐᒂ ᐃᓯ ᐱᒪᑎᓯᒐ ᒋᑭ ᐊᔭᐤ ᑲᒋᒡ ᐱᒪᑎᓯᐅᓂᔪᐤ᙮

⁹ ᐊᑲᐎᔾ ᒋᑭ ᐅᒋ ᑕᔅᑎᑲᒋᓇᓄᐤ ᐊ ᒥᔪᑐᑎᒪᐧᒄ᙮ ᐛᔅ ᒋᑭ ᐅᑎᒋᐱᔪᐤ ᑕᓐᑕ ᒐ ᒥᔨᑯᐅᔭᐧᒄ ᒋᑎᐸᐊᒪᑯᓯᐅᓄᐛ ᐊᑲ ᐳᓂᔭᒂ ᐊ ᒥᔪᑐᑎᒪᐧᒄ᙮

¹⁰ ᒥᒄ ᒪᒃ ᒐ ᐃᔅᐱᔅ ᒥᔨᑯᐛᐅᒂ ᒐᒋ ᒥᔪᑐᑎᒪᐧᒄ ᐊᐅᑯᓐ ᒧᔅ ᐃᓯ ᑯᒋᑕᑕᐤ ᒐᒋ ᐃᓯ ᒥᔪᑐᑎᒪᐧᒄ, ᒧᔅ ᒥᓯᐛ ᐊᐛᓐ ᒐᒋ ᐛᐎᒋᐊᐧᒄ᙮ ᐊᑐᐎᔅ ᒪᒃ ᐊᓐᒡ ᑲ ᑕᑈᔭᔨᒪᒡ ᒋᓴᓴ ᒋᐸ ᐎ ᒥᔪᑐᑐᐛᓄᐅᒡ᙮

ᑈᓪ ᒪᔅᑕᔾ ᑲ ᐃᓯ ᐃᔨᒪᐊᑦ ᐊᓂᔭᔪᐛ ᑲᓚᓯᔭᓇ

¹¹ ᓂᔾ ᑈᓪ ᑲ ᒥᓯᓇᐊᒪᑎᑯᒡ᙮ ᒋ ᐛᐸᑕᓇᐛᐤ ᑕᓐ ᐊᔅᐱᔅ ᒪᒥᐧᑭᔅᑕᔭᓐ ᐊᑯ ᐊ ᒥᓯᓇᐃᒐᔭᓐ᙮

¹² ᐊᓐᒡ ᑲ ᐎ ᓯᒋᒥᑕᑯᒡ ᒐᒋ ᒋᔅᒋᓄᐛᒋᐃᑕᑯᒡ ᒥᒄ ᐎ ᓄᑯᐃᓱᐅᒡ ᐊ ᓂᓇᐃᑕᒡ ᒍᐤ ᐊᔭᒥᐊᐅ ᐎᓱᐛᐅᓇ ᑭᔭ ᓂᑐᐛᔨᑎᒧᒡ ᒐᒋ ᒥᔽᒋᒪᑭᓄᐎᒡ᙮ ᐊᔪᐅᒄ ᐅᔭ ᐊ ᐃᑎᒡ ᒐ ᐊᑲ ᒋ ᓂᓇᐧᑲᑕᔨᒧᐊᑭᓄᐎᒡ ᐊ ᐊᔨᒧᒪᒡ ᙭ᑕ ᐅᒋᐱᔭᑎᑯᒥᔪᐛ᙮

¹³ ᓇᒪ ᐛᐛᒡ ᓂᓇᐃᑎᒧᒡ ᒍᐤ ᐊᔭᒥᐊᐅ-ᐎᓱᐛᐅᓇ ᐊᓐᒡ ᑲ ᐱᔅᑎᓂᓱᒡ ᒐᒋ ᒋᔅᒋᓄᐛᒋᔄᑭᓄᐎᒡ᙮ ᒋ ᓂᑐᐛᔨᒥᑯᐛᐅᒡ ᒐᒋ ᒋᔅᒋᓄᐛᒋᐃᑕᑯᒡ ᒥᒄ ᒐᒋ ᒪᒥᒋᒧᒡ ᑭᔭ ᒋᔨᐛᐤ ᐊᒋ ᐃᑐᑕᑕᑯᒡ ᒐᒋ ᒋᔅᒋᓄᐛᒋᐃᑯᐅᐛᒄ᙮

¹⁴ ᓂᔾ ᒪᒃ ᐎ ᒥᒄ ᐸᐃᒄ ᒐᒂᓐ ᓂ ᒪᒥᒋᐃᑯᓐ, ᐊᐅᒄ ᐅᑎᐸᔨᒋᒐᐤ ᒋᓴᔅ ᙭ ᐅᒋᐱᔭᑎᑯᒪ᙮ ᐛᔅ ᐊᓂᔭ ᑕᓐ ᑲ ᐃᑎᑦ ᙭ ᒋᐱᔭᑎᑯᒡ ᐊᐅᒄ ᐛᒋ ᐊᑲ ᐊᐱᑕᔨᑎᒥᐃᑯᔭᓐ ᐊᓂᔭᔪᐛ ᒐᒂᔪᐛ ᐊᓐᒡ ᐊᑲ ᑕᑈᐅᒐᔨᒪᒡ ᒋᓴᓴ ᓇᔅᒡ ᒋᒋᐛ ᑲ ᐃᑕᔨᑎᒥᐃᑯᒡ᙮ ᑭᔭ ᐎᔨᐛᐤ ᒪᒃ ᓇᒪ ᓇᔅᒡ ᐊᐱᑕᔨᑎᒧᒡ ᐊᓂᔭᔪᐛ ᒐᒂᔪᐛ ᓇᔅᒡ ᒋᒋᐛ ᑲ ᐃᑕᔨᑎᒥᐃᑯᒡ᙮

¹⁵ ᒐᔅᒋᓄᐛᒋᐊᑭᓄᐅᒂ ᐊᐛᓐ ᒪᒃ ᐊᑲ ᒐᔅᒋᓄᐛᒋᐊᑭᓄᐅᒂ, ᓇᒪ ᒐᒂᓐ ᐊᓐ᙮ ᒋᓴᒪᓂᑐᐤ ᐊᒋ ᒥᔨᑕᐧᒄ ᐅᔅᒋ ᐱᒪᑎᓯᐅᓂᔪᐤ ᐊᐅᒄ ᒋᒋᐛ ᐊ ᐃᑕᔨᑕᒂᒡ᙮

¹⁶ ᐊᑯ ᒪᒃ ᒥᓯᐛ ᐊᓐᒡ ᑲ ᓇᓴᐊᒡ ᐅᔭ ᒋᔅᑯᑎᒪᒐᐅᓂᔪᐤ, ᒋᓴᒪᓂᑐᐛ ᒋᑭ ᒥᔨᑯᐅᒡ ᒋᔭᒪᔨᑎᒧᐅᓂᔪᐤ ᑭᔭ ᒋᑭ ᒋᔅᑎᒪᒐᔨᒥᑯᐅᒡ ᑭᔭ ᐊᐅᑯᓐ ᒐ ᐃᑐᑐᐛᑦ ᒥᓯᐛ ᐅᑦ ᐃᔨᒪ᙮

¹⁷ ᐊᑲᐎᔾ ᐊᐛᓐ ᓂᑭ ᐎ ᓂᓇᐧᑲᒋᐃᒄ᙮ ᑎᑯᓐ ᑕᓐ ᑲ ᐃᓯ ᓂᒪᐃᑯᐅᔭᓐ ᓂᔭᒡ ᙭ ᐅᒋ ᐊ ᐊᑐᔅᑯᐅᒃ᙮

¹⁸ ᐅᑎᐸᔨᒋᒐᐤ ᒋᓴᔅ ᙭ ᒋᑭ ᓱᐛᔨᒥᑯᐛᐤ, ᓂᐧᑲᓂᓯᑐᒄ᙮ ᐊᒥᓐ᙮