ROMEMIKO 16 - KETHOLESI KESAO N.T. (BSI)

Paul kelü kesü jü

¹ I uko lipü-o Phoebe ketsüpü nekoce süzüho, pü Cenchrea kehucelü yitho kethi püpü.

² Niepoo zalü pü züyite, kemesako meso keyi bide, pü mhatho dipülü neko kekhrühi sü moze shüba sheli pü khrühi süte; pü thüma kekro kekhrühi khimo keshülü khrühi bayo: sübi a yo sheri sizi ba yo tila.

³ Priscilla m Aquila ni kelu süte, uni akekhrühimi Jisu Khrista zalü.

⁴ Alano uni kehüri (univo) kha süzo, Uni lebi kemeza zomori Judahmi kemo kehuce kolü kebako metüla.

⁵ Sübi unicelü kehu sheri kelu süte. Akekhrü-o Epaenatus kelu süte, Achaia lü püse kerao Khrista ceco.

⁶ Mary rho süte, pü ukola mhatho thi shu kesüla.

⁷ Andronicus m Junia ni kelu süte, ashuyemi, m azüde thejü kethini, apostlemi dolü seta moze keshüni, uni amhüjü Khrista se ta ketani.

⁸ Amplias kelü süte Niepoo zalü akhrüo.

⁹ Urbane, Khrista zalü hako kekhrühio, m Stachys akekhrü-o kelü süte.

¹⁰ Apelles Khrista nü medo-o kelü süte, Aristobulus cekrolü kebako kelü süte.

¹¹ Herodion ashuyemi, kelü süte, Narcissus cekro kebako Niepoo melü ketako kelü süte.

¹² Tryphena m Tryphosa Niepoola mhathi kebani kelü süte. Persis Niepoola mhathi shu kesüo kelu süte.

¹³ Rufus Niepoo keda keyio m püzupü azurizo kelü süte.

¹⁴ Asyncritus, Phlegon, Hermas, Patrobas, Hermes, usazüjüra m lipüneko sülü cekroko kelü süte.

¹⁵ Philologus, Julia, Nereus, pülipü, m Olympas, m kemesako metü süko zükebako kelü süte.

¹⁶ Kemesami kemeboti khi hunehu kelü süte. Khrista kehuko neko kelü süho.

¹⁷ Tsüo azüneko, I nekoce choyo, kedipüla neko thezho seyi ketako varhü m keza kekre ti prarita yosheri süko seyite; m süko thera yite.

¹⁸ Kekrelamori süko Niepoo Jisu Khrista choyi thi mori utho uva yitho thita yo, uko jükeve m kemenü jüpode thüma kemoko shu ketse tayo.

¹⁹ Kekrelamori neko jüzü kethi chozu metü seba, süla I anü tayo nekola; sizosheri I nekopo kevelü tsü mhase tanyü: vele mhakesukolü nejomo yite.

²⁰ Jihova kezükevelü Satanpü nephekhro kedü vato mecho mode. Uko Niepoo Jisu Khrista ngokemezhepo neko züba yite. Amen.

²¹ Timothy, mhatholü abesüo, süsa Lucius m Jason, Sosipater, ashuyeko neko kelü süho.

²² I Tertius, lesi hio kethoo Niepoo zalü neko kelü süho.

²³ Gaius aso-o, m kehu metü neko kelü süho. Erastus nadelü presa kesüo neko kelü süho, m Quartus usazüo sheri.

²⁴ Jisu Khrista uko Niepoo kekhrüpo neko metü züba yite.

Jüthela tsale

²⁵ Tsüo Jisu Khrista Jüyikeve I po ketao lü Jihova tho neko thi kemetü yito hala püpra ketekhri kethi mese mengo kesü yono, cejü thiyi culü kevapü ketako.

²⁶ Vele tsüno süko mese süte, m sajukeseko popü kemetako süculü keta Jihova kha kesüjüko; shuye metüpo kemelülü jüzü thi keyi.

²⁷ Pülebi mhakese Jihova po zapozale thiyi te Jisu Khrista yono kechothe. Amen.