MÜNGOKESÜ 7 - KETHOLESI KESAO N.T. (BSI)

¹ M I hisa lü ngo ketsü tüyochoyimi da cejü kü da tha, tükhra da cejülü kebako püba, tükhra po cejülü khra sa mota, mori jü kezho lü ri, mori süboyo ri.

² M tüyochoyimi kekrepü nathoco kirizü, rhüketa Jihova mohor püde; füphra meto shude tüyochoyimi da kocepoti, uko po cejü kezhoko methi takebako.

³ Cejü mu jü kezhoko methi hite, sü ri, Jihova yithomiko utükhalü mohor vüyi kemothe,

⁴ I se keti, mohor vü keyiko phri kesü 144000 Jihova choyimiko Israel lü.

⁵ Judah shuye lü mi nye keri kena. Reuben shuye lünye keri kena. Gad shuye lü mi nye keri kena.

⁶ Asher shuyelü mi nye keri kena. Naphtali shuyi lü mi nye keri kena. Manasseh shuye lü mi nye keri kena.

⁷ Simon shuye lü mi nye keri kena. Levi shuye lü mi keri kena. Issachar shuye lü mi nye keri kena.

⁸ Zabulun shuye lü mi nye keri kena. Joseph shuyelü mi nye keri kena. Benjamin shuyelü mi nye keri kena, hiko mohor vüyi.

⁹ Hisa I ngo tsü, hihe, makro krode, mipüri phri tsoyi keho, kede kekrekretsülü, shuye kekre ketsü, thüma kekre ketsü, cejü kekre ketsü kedeba mhüjülü fü kemega be, sini kemejo (Palm) ni ube lü tha.

¹⁰ Uko füphra meto de poti, “kelakeyi sü uko Rüo zo, kedeba lü kebao, tekonuo.”

¹¹ M tüyo choyimiko kedeba khü whi pfüba, pethi mehiko, mu khonu dako uko rüzü tsü Jihova reshüta.

¹² Uko pode, “Amen, thejokepü, zapozale, mhase, Kemeza khakesü, therho, keku, kemeco matüko uko Rüo zhü kechothe vo kechothe ketso, Amen;”

¹³ M pethi pü a cepode, “kede füne kemega khi kebako hi puco dipü? Süsa uko kipüce voria?”

¹⁴ M I püce poti, “Kezhoo, no se batho.” Pü a ce pode, “Thüma hikopo kemezhe shutsü thethilü vori, uko füneko tekonu zalü khrü kemesa kevako.”

¹⁵ Süla uko Jihova kedeba mhüjü tha, de tüso tüzü metülü kereshücelü pü choyi thi ba yo; mu kedebayo kebao hiko dolü hü hü yo.

¹⁶ Uko theri meri saho, nace kethi mu pü keve pü uko va saho.

¹⁷ Kekrelamori tekonu kedeba metsulü kebao uko vathi to, m ukozü (Chotha) rhü keta jüri lüvoto, Jihova uko mhüjüko shü meso vato uko mhükoyo.