MÜNGOKESÜ 21 - KETHOLESI KESAO N.T. (BSI)

¹ I tükesapü m cejü kesapü ngo; tüküvüo m cejü kevüo dita; jü kezho basamota.

² I, John nade kemesao ngo, Jerusalem kesao tüyo Jihova celü pari tibi.

³ Tüyo I thefü kerekrüpü se poti, hihe, Jihova kereshüce sü thüma zü ba te, pü uko zü hüto, uko pü thüma thi ta to, m Jihova uko zü bata to, de uko Rüo thitato.

⁴ Jihova uko mhüjüko shü mesovato; kesa basa mo ta to, lüshü lüzhe sheri, kekra sheri, kethi keni sheri bamota to; mhakerao basa mote.

⁵ Kedebayo pode, hihe, I mhakothi kesave, pü ace pode, thoyite, jü hiko ketho m kemelüzo.

⁶ M pü ace poti, “Süo thi süte, I Alpha (kerao) m Omega (kekhao), shudüo m thelao. Theri ketami I kerhü jüri mechü zode khasü tsüto.

⁷ Pü kukeyimi mhametü kalü thiyito; m I pü Rüo thi to de pü a nu thi to.

⁸ Veli mhapeketami, melü kemoko, rhoketako, kedokhrimi, therhekereshüko, kecejümi, meza m metsa thü kebalü uzathi ta to; hio sa kenao (Kesakenao).”

⁹ Tüyochoyimi thünako dolü mipü ace pheri de pü he lü tüsa 7 pü ta süko tüsa thülako pü ace poti, hice vorite, I zhosapü tha n meka sütomo, tekonu cemi.

¹⁰ Side pü Rüpü lü apüde cejütu kerekrü shu pü po yo vo ta, de nadeo tha amekasü, Jerusalem nade kemesao, Jihova celü tüyo kiri.

¹¹ Jihova zapozale püyota; pü keve ketsü uma kerüthopü bi, jasper vepü ketsü thüga bi.

¹² Pü sazho cho m zhophi, pü kharü 12 ba, m kha rüko lü choyimi 12 ba, uzako süko lü tho müta, Thüza süko Isrealmi shuye 12 ko za.

¹³ Nathoco kharü 3; mesoco, mekhroco kharü 3; nakroco kharü sü;

¹⁴ Nadeo sazho copü 12 ba, sükoyo Apostleko mi 12 za ba.

¹⁵ A züde mhapo kebao belü suna tekhrü kha mha mede ketipü ba, pü nadeo mede keto la, pü kharüko ri keto la, m pü sa zhoko mede keto la.

¹⁶ Nadeo sü kada (4) thi, ucho ri uzho düzo, pü sunatekhrü sü sü pü mede tsü, furlong nye keri kena (12, 000). Ucho, uzho m pü rekhü metü ketü.

¹⁷ Pü sazho mede sü ri 144cubit (Botho) pethimi botho the, m thüma süo tüyochoyimi.

¹⁸ Cekethi süo püsazhoko (jasper) ketsü uma kerü pü thi; nade pü thi, khriva kemesabi.

¹⁹ Püsa zho mejuko tisa ketsü ma kerü püthi, süo chalcedony, dao emerald;

²⁰ 5-o sardonyx; 6-o sardius, 7-o Chrysolites, 8-o beryl; 9-o topaz; 10-o chrysoprasus; 11-o gacinth; 12-o emethyst.

²¹ Kharü 12 ko pearl (ketsü umakerü) pü pü kha ti; nade chopüko sü suna kemesa pü thi, khriva pephayi keve bizo.

²² Sülü I kereshüce ngo mo; kekrelamori Niepoo therü kekuo m tekonu ri sülü kereshüce-o thi ketala.

²³ Nadeo nace khisa morive, mori khri sheri sülü keve thimorive; Jihova kevetho süla va nve tato, m tekonuo tho sülü keveo thi ta to.

²⁴ M kelayiketa shuyeko keve sülü chota to; cejülü kedeko zapozale m therho khi vorito.

²⁵ Pü kharüko khavaho tüsozhometülü kekrelamori sülü tüzü ba mo tila.

²⁶ Uko zapozale m thechu therhokhi vorito.

²⁷ Mha mesakemo püri sülü voriho, mha kehopüri ngokerütse kethi baho, mori kecejü kemeda baho; veli tekonuo kerhü pri lesida lü thopü kemetako lebi bato.