LUKE 17 - KETHOLESI KESAO N.T. (BSI)

Kejo keva thaka kesü

¹ Püsajiko cepo. Süziti mesümo, vele nümo kethiko vorato, vele sopü süo pü vori to sheri kesukerho.

² Ketsü mhagü ketipü khapü pü voyo khüsü de kegü düpü jü kezholü sü keva püla veku, natsi keni hiko nümo kethiceri.

³ Menu yite, n lano, nsazümi n nüthi ta lize, pü lekhu (rü) vate, mu mhace pülü redela lize pü kejo va süte.

⁴ Mhace pü va thüna n nümo thiva zhopünha, mu tüso pünha va thüna nece poti, I kekrite (alü redete) siti pota lize, pü kejo va süte.

⁵ Püsajiko püce poti, Niepoo hako kemelü thi meve sasüte.

⁶ Niepoo ukoce poti, nkemelü gakre sipü düri ba lize, lekubo hio ce, no nme rela pü jü kezholü lü shuyi tate, sizi sü zori süo nfü zü tato.

Yitho jüve

⁷ Vele neko sopü, cetami püce tefühete, mori metho vi tade vori lize püpo, tavo bayite, side mhati yite siti ba?

⁸ Püpo tavo kerede süde npo mhati yite, de achoyi thi süte, I mhati mhakrayi kemothe; süsalü no mhati mhakra to ho, si kemo ba?

⁹ Pü thekümi mezati bame, pü süko metü thipü pütsü kesü la.

¹⁰ Süla nekopo thino khakesüko metü thitso kevasa, poti meveyi kemo umi cetamiko, upothino kesüko uko thi süzo.

Mi keri thi kesürho kesü

¹¹ Pü Jerusalem lü kho kezüce Samaria mu Galilee kolü püthüvo,

¹² Pü rena pülü lüri lepra kethimi keri zü kesü, uko rapeco tha,

¹³ Uko füphra metode poti, Jisu, kemethao hako phimezhe süte.

¹⁴ Pü süko ngosü, ukoce poti, tavo neko püsü thevoko mengo süte, uko tavo züri uko kethi menüta (mesata)

¹⁵ Uko dolü mipü menü ketala regü sala vori de Jihova zapozale posüta.

¹⁶ Tavo nekitsü püphe ce züta, pü mezale zita, mu pü Samaria mipü.

¹⁷ Jisu püfü kelakesü, mikeri thi menü sü mome? Vele mi thecüko dipüce vota?

¹⁸ Uko sala vori Jihova zapozale posü mote, thümasovemi (sekemo) hio zo kemosa.

¹⁹ Pü püce pode, tasü tate de ta n chodelü vota te nkemelü tho nthi kesürho süteho.

Kede kethi rüpü ceco

²⁰ Jihova kede kethi dipü kethice vori to sheri Pharisee miko senyü ketala posüno zita, pü uko fü kela kesü, Jihova kede sü kepelü vori ho.

²¹ Mori uko poti, Hihe, hice bave, mori luce ba ziho, hihe, Jihova kede sü nlü ba.

Jisu lavori keto mejü mera po kesü Deu. 30:3 Act. 1:9-11

²² Pü püsajiko ce poti, neko Thümanu tüsozhoko ngonyüsa to vele ngoyiho.

²³ Uko nekocepoti, hice pete, mori luce pete süko sameji tahite mori süce vohite.

²⁴ Kekrelamori khüpüco tü reprü süyo tükhro sizide tükhro kekreco vevotayo; sübi thüma Nuo tüsozho nhari sizi zoto.

²⁵ Vele therace (kerace) pü kemezhe merato, mhakekrolü mu melavato, tsü kehü numi dolü.

²⁶ Noah kehü tüce bi thüma Nuo tülü ri sizi zoto.

²⁷ Uko mhati, mhakra, mu kesü keri (ceyo) ucemi yi, Noah rulü lüta kemothe jüde vori, uko metü mekava.

²⁸ Süsübi Lot tüce sheri, uko mhati mhakra, uko mhazhu mu khri, mhate mu cekothi ziba.

²⁹ Vele Lot tapra keta tüsozho nha, Sodom rüna lü merü süta tüyono. Side uko metü mekava,

³⁰ Thüma Nuo tüceri sübi mesemengo sü zoto.

³¹ Sütüce cetuyo kebami püzhü celü ba sheri püpo kiri süo pü hite, sübi yilü ketami po regü sala celü vori hite.

³² Lot cemi relela süte.

³³ Kehopü sheri upho merhüyi nyütimi medi vato, mu kehopü sheri püpho medi kevami süo merhüyito.

³⁴ I neko ce posüto, mikena thezipülü züto, mipü züyi tato mu kekreo khavato; süzi.

³⁵ Thenomi kena teha thobato, kezüde, mipü züyi to mu kekreo khava to.

³⁶ Mi kena yilü tato, mipü züyi to mu kekreo kha vato.

³⁷ Uko püfü kela kesü, dipüce sizita? Niepoo pü ukoupoti, dipüce kesamoko ba sheri thirhako vo sülü kengupü bayo.