JOHN KÜRAO 1 - KETHOLESI KESAO N.T. (BSI)

Kürhü dzüo

¹ Nnhannhalü küta, u seküyi, u mhüri pü ngoküvayo, u tho pede u benyirei püdzüzoküvayo süo kürhü dzüo zo.

² Kürhü süo pü mi müsemüngo vate, mu hakorei ngoi de pü zhopo thiyo, Silizo küchothe kürhü süo u Poo züküta-o ha müsemüngoküsüo thapü nekoce süyo.

³ Süosü hakorei ngo mu se küyio phrapü neko ce süsüyo, mu neporei küveo lü hazü de u Po mu Nuo Jisu Khrista zü kükrotho ta küto la.

⁴ Muhakorei dzü hiko thopü neko ce süyo, nekünüyo po tsüyiküto la Jihova Küve-o zo.

Khrista kerhü keveo zo

⁵ Silizo hako pu celü thüdzu seküyiyo mu phrapüh neko ce küsüo sü Jihova küveo zo, mu küzü pührei püyolü tayo moto zo küti-o zo.

⁶ U püzü kükrothoyo küti poyo de küzülü tayo lizo, u müdabate, mu küthoo thiyiyo mo.

⁷ Sirei u mhanuü pü küveo lü tayo lizo, püe küvelü tayo küzho kümha deu rei hunehu zü kükrothoyo. Mu pu nu Jisu Khrista za la küphoma mütülü u khrü kümüsa vayo.

⁸ Mhanuü u uküphoma bamoü poyo lizo, u tho u swükütsi küba zo. Mu küthoo u yolü bamo.

⁹ Mhanuü u küphomako pophrasü lizo. Pü zoe dzütho mu matho de uküphomako vasütole mu matho kümoko lü u küphoma khrükümüsa sütole bazo.

¹⁰ Mhanuü u küphoma bamoü poyo lizo u pu yisü kücejüo thiyo, mu pudzüko rei ulülü bamo zo.