Galatiamiko 2 - KETHOLESI KESAO N.T. (BSI)

¹ Süsa tetse kerida sa I ta Jerusalem lü sala vo, Barnabas zü devo mu Titus zü asa mejita.

² Mu resü reva keta I kehapü uko mese sü, I jüyikeve zhopo thipü Gentilemi (Jewkemoko) dolü sü, side tavo kemelemiko zü kesüsü, sizimolize I thi ketako kemethu thiva moketola.

³ Sütüce Titus, pü Greekmi pü püyirü molu, azüta, pü kemuthi püyi kerülü sü molu.

⁴ Kekrelamori kemeda sazüjürako, ulüba kemolü tavori mekhrü zode ure ula ta ukekha kedilü Khrista Jisu yo ungo keyilü utüzüvo thejü thiva veba tila.

⁵ Sükola thethi pü tsüsü, mu hathi kerenu pütsü, bavüdo püri kemo jüyikeve ketho po nekozü sezi sü tavo ketola.

⁶ Vele thüma hiko mhapüri zomo sheri mhapü bi ketako, kehopü bi sheri, uko la hayo mhapüri zo tamo; Jihova thümapü ri rho mekre ta yomo, thüma mhapüri zokemoko mhapü bi ketako la, I süko la mhapüri bizo ta mozo.

⁷ Vele mha kedekesü pü uko kengoce, yirü kemokola jüyikeve kha amelü keva, sübi yikerümiko la jüyikeve kha Peter melü sü.

⁸ Kekrelamori Peter yikerü kola apostle mhatholü thizü zo, sübi Gentilemiko la jüyikeve kushuzo ayo sheri.

⁹ James, Cephas, John hiko bodü tsüko jüyikeve kha amelü kesü yirü kemoko la uko se mu ngo keyice sübi yi kerü miko la jüyikeve kha Peter melüsü; siti ngoyi.

¹⁰ Uko mhakedimila mhalü rekra sü ti mesüzo ziti lebi, sübi apo sheri sülü mhatho thivota keto ketsü süto.

¹¹ Vele Peter ta Antioch lü vori, I püzü ketüta pü mhüjülü mhotsu zode, pü mejota;

¹² Kekrelamori sümhüjü James celü voriti, pü Gentile (Jewkemomi) zü mhati, vele uko tavori tice pü resüta, de kre tata; side yi kerüko mpe ta.

¹³ Jewmiko sübi püzü kreta, sübi zode Barnabas sheri ukro kre ketako zü tata.

¹⁴ Vele uko pütülü jüyikeve kemezilü tamo ketala (ketholü tamo) I uko metü mhüjülü mhotsu zode Peter ce pota, mhace no Jewmipü lize Gentilemi zhorele hüta teme, Jewmiko zholü hü mode, sizi lize dipüla Gentilemiko kemu thi ukopo Jewmiko zhoko züno ziyo?

Kemelü la thi kematho keyi, thezho kezülümo

¹⁵ Uko süculü Jewmi, mu Gentile mimo kephomako kro.

¹⁶ Thezholü mipüri thi kematho yimo ziti uko seba, vele Jisu Khrista kemelü lüzo, süla uko Jisu Khrista melü tate, side Khrista yo lü uko thi kematho yi ketola, kemelülü; thezho kezülü mozo; kekrelamori thezho mhatho kethilü mipü thi uphosheri thi kemathoyi mo

¹⁷ Vele mhace uko thikemathoyi ketola Khrista phu kevoce uko kephomalü tazo siti ngoyiyo, size Khrista kephoma kezhoo teme? Kenitho (Jihova po süo khava te).

¹⁸ Kekrelamori I meka kevao thi salazü zü ketala, I vajo ketami tazo.

¹⁹ Kekrelamori I thezho zü ketalü la thezholü sate, side I therüo la rhüyi to.

²⁰ I Khrista zü Cross yo guve, siri I rhütazo, süo I moli Khrista lü zo, (Khrista alü rhü ta ketala), kehü I tsü hü kebahi athiapho Jihova Nu kemelülü hü tate, pü a kekhrülü, pü kha atsükesülü.

²¹ I Jihova kekhrü thi kechoza va mozo, mhace kemezi thezho kezülü vorito lize, süsa Khrista ula sa kesüo kemethu thite.