PILIPIMEI 4 - KARANU KABI SAMTAM

Tam ralikapyii

¹ Teijangpii, Inii lungkasyii ninado mangwisii kalei gukangsanamei, gumah ka-nta ninado gumah phyiihung tiisii kalei mei, Bangpii dato sangtingsii satpyiilo, gumah lungkasyiimei!

² Bangpii dato lungswi hangninii tiimatu tang karam jangpii, Inii Iodiya ninado Suntuki go khangleile.

³ Kamaswi pot pung njoi katu meihang, karing mah larekbung ki zei kalei, sapwimei aimeigo tiihalosii gonyii godo Inii khangleile, Daponii Klement sateichii n-gu njoisii tha katiimei hang go kaswisii kabi rasam tam katat kito ahnyiinii n-gu kaswisii teisii tha tiibamle.

⁴ Bangpii zei kito tinglang kaleita ntalo, nlailoisii Inii tam tangle, ntalo.

⁵ Gonyii lung kamanoi tei mei- hangnii timatulo, Bangpiinii kalangsii gong leile.

⁶ mah kata hangninii jangpiiniido lungnaang sulo, nlenii gonyii mah kariita hang kito tinglang kaleita hakalangmah lungteipii gonyiinii kamarei hangtei Saraa dato khanglo.

⁷ Sateichii meinahnii tipei kalak Saraa mah kamajung teinii Krista Jisu njasii hangninii tiikalu kito gonyii swi gonyii lung hangtei koipyii tangle.

⁸ Kalui kito kangsanamei, kasang kasang, sadzyii ngariit tiikabui hangtei, kamajyii hangtei, kamatei hangtei, ngoukabi hangtei, samlat kabi hangtei, kabi jaishang kado leileponii, sateichii dzyiirou kabui kado leileponii, aihang ai swi ma- shaklo.

⁹ Gonyiinii gudato ralikalu doukalu, shiikalu ninado ngoukalu hang ai tiilo; teito kamajungmah Saraa teinii gonyiigo kaswipyii tangle.

Tiikaha jangpiinii hakalang

¹⁰ Inii Bangpii zei kito hangkapii ntale, katunii, gonyiinii gujangpii aitoido nlailoisii swi maningsei takle; gonyiinii gujangpiinii kasangpii swi maningseile, nlenii tinglang kabi tei gonyiinii doumakle.

¹¹ Inii tang kasu jangpii tam makle, kadapokii Inii kabam gumah teipii shaatsii lung- tang karam tei Inii ralitakle.

¹² Kada takumpii mah gasii sana tangpo Inii tile, sateichii kada takumpii moi- tangpo Inii tile. Bamlyii hang kito sateichii tinglang kaleita katokryii kitodo, kamazyii kitodo, kamoi kitodo, tangkasu kitodo, kamakum tei Inii raliwo takle.

¹³ N-gu teima- ham pyiisii tiisangting kapyii Krista zei kito Inii mahlyii hang tiiwo buile.

¹⁴ Nlenii gonyiinii gumah kamage kalak hang pung njoi kapyii kito hangkapii bitakle.

¹⁵ Sateichii gonyii Philipi kito kaleimei gonyiiniido tile, katunii, kabi rasam tamtat saroisekto, Inii Mesidoniya kito tat katu tinglang kak, gonyii supii charsh hangninii kaniido kasei ninado kadou kito n-gu njai poi njoi katu tei gale,

¹⁶ kadapokii Theso- lonika todo gonyiinii n-gu tiikaha tei nlailoisii mpot magong pyiile.

¹⁷ Mah kapyii gotei Inii fiikatumah makle, nlenii gonyiimah bitang karam jangpii moiki katu riiti tei Inii fiile.

¹⁸ Inii dou lahok takle, sateichii teitei moipou moiju takle, gonyiinii mpot kamagong mah pot hangtei keirum kabi, Saraanii lukasei ninado dzyii karanga kakarat pyiikatoi pot tiisii, Ipaproditas bah lungto dou wosii I-tokryii takle.

¹⁹ Sateichii gu Saraanii gonyiimah kamarei hangtei Krista Jisu paikito mpoumah pumtei kava kito kalei kani kahii taiswisii gonyiigo pyiitakle.

²⁰ Nyii Saraa ninado nyii Pfii dakii kalui gasii tam matoi matulo, Amen. Kaluimah salam kapyii

²¹ Kamateimei hang go Krista Jisu zei kito salam pyiilo, N-gu kaswisii kalei kangsanameinii gonyiigo salam pyii leile.

²² Kamateimei hangnii, sateichii aroutiisii Kaisar ki kalung- meinii gonyiigo salam pyii leile.

²³ Bangpii Jisu Kristamah jumage kapyii tei gonyiimah rangiigo kaswi- pyii matulo.