MARK 4 - KARANU KABI SAMTAM

Lwi karali mah ndasam

¹ Jisunii Galili dwijai kuto nlai- loisii ralipyii loile, mei gong ndwi katu tei moi katu jangpii mpounii malyii gam tong wosii dwijai phyii- ryiito bam takle, sateichii meimoi teinii dwijai lamkii ju karyiisii sazyiito bamle.

² Sateichii mpounii nda tiisii sam hangka ahnyiigo tam ralipyiile; ninado mpounii rali kapyii sam kiteito tamle:

³ “Koikinglo! lwi karalimei hang- ninanii lwi rali tang karam jangpii tatpat takle.

⁴ Sateichii aitiisii pat takle, mpounii lwi rali kalei kito kangkanii pwidiki takliit takle, sateichii sating gam ruinahnii jung gongsii madou kai wotakle.

⁵ Lwirou kangkanii sazyii rangrhii moi kasu tu-tiirou phyiiryii takliit takle, sateichii sazyii rangrii moi kasu jangpiinii binasek-kii pokpat takle,

⁶ nlenii leimik tei sagoitu sek-kii lwi tei raguitu takle ninado taang gatakle; amaa kaga jangpiinii;

⁷ sateichii lwirou kangkanii atu tiirat kak takliit takle, sateichii atu tiirat teinii pokpat sek-kii, giitnei wotakle sateichii ati mati sutakle.

⁸ Nlenii lwirou kangkanii sazyii kabiki takliit takle, sateichii pokpat takle, moibui- buitu takle sateichii atido matitu takle, kangkanii ati tamrhii matile, kangkanii ati reksiirok matile, sateichii kangkanii ati haido matile.”

⁹ Jisunii tamle, “Shiitang karam jangpii khoi pungkalei meihang teinii shii matulo.”

Jisunii nda tiisii katam kaang

¹⁰ Jisunii mpou roinapii kalei tinglangki mpougo bam maguisii kalei mei teinii Jisu boumei keariisiinakhiigo kaswisii nda tiisii katam samtei dapei goposii Jisu dato n-nhiile.

¹¹ Mpounii ahnyii dakii tamle, “Gonyii dakii Saraa mah kamakum tei pyiibam takle, nlenii sabato kalei kakimei goteinii mahlyii hangtei nda tiibamle.

¹² Teipiinii ahnyiinii jutangle, nlenii ngoulakle, sateichii ahnyiinii shiitangle, nlenii tilakle; kadapokii ahnyiinii tiwo- ngouwo leponii ahnyiinii Saraada nlaigong mpounii ahnyiigo kaleipyii aitangle.”

Jisunii lwi karali ndasam kaang kito ralikapyii

¹³ Sateichii mpounii ahnyii dakii tamle, “Gonyiinii ai ndasam ai timakpo? Teitiileponii gonyiinii ndasam hangtei kada takumpiinii tiwo tangpo?

¹⁴ Lwi karalipii teinii abangpii samtei rali leile,

¹⁵ pwidi kukikii ralikai kabam bam kito kalei ahnyii teinii aile: ahnyiinii shii wosek-kii seitan teinii gongsii, ahnyii dakii ralikai kabam sam tei poi toile.

¹⁶ Tei takumpiinii, shii wosek-kii ntasii lukai kalu mei tei tu tiirou kak-kii ralikai kabam takumle.

¹⁷ sateichii ahnyii tei amaa gale, teipiinii sat mathang makle, kabi rasam jangpii ajai kaju mak-kii, tiikamage katu tinglang tei gong sek-kii ahnyiinii kousekle.

¹⁸ Satei- chii atu-tiirat kak tak kaliitmei teinii ahnyiinii kabi rasam tei shii wotaklepokii,

¹⁹ sazyii pouryiigo kamarei, kani kahiigo kamarei mei ninado kaki kaki kamaning kamarei tei liitsii kabi sam gotei tiimaga kaleimei teinii, atu tiirat teinii pokpat giitrangsii ati mati kasu takumle.

²⁰ Sateichii sazyii kabi kikii ralikai kabam ahnyii teinii sam tei shii wosii lungkikii lukai wole sateichii ati tei kangkanii tamrhii, reksiirok, ninado hai katang matile.”

Thaomi mah ndasam

²¹ Sateichii mpounii ahnyii dakii tamle, “Thaomi tei maseisii razyii kangkii mak-kii azyii kangkii kai leipo? Thaomi tei mpoumah kadung bamnikii kai leimakpo?

²² Kadapokii mangou supii poi kabai wotang karam samah kado gale, sateichii makum wotang karam samah kado gale; nlenii poi kamakum hangtei kava kikii poi mpat tangle.

²³ Shiitang karam jangpii khoi pung kalei mei hangnii shiilo.”

²⁴ Sateichii mpounii ahnyii dakii tamle, “Gonyiinii shiikalu tei tiigat- piinii lukai wolo, nangnii meigo ma- dhii kapyii teipii n-godo madhiipyii tangle, kisiido pyiitangle.

²⁵ Kadapokii kalei mei dateikii kisii pyiitangle, nlenii kagamei dateitonii ah dato kalei hang teido poitoi aitangle.”

Pokpat kalei lwirou mah ndasam

²⁶ Mpounii tamle, “Saraa mah sating sazyii teinii mei hangninanii sazyiikii lwi marou kalei takumle.

²⁷ Sateichii tinghum zyiitu takle ninado tingchoi gungtule, sateichii lwirou teinii kada takumpiinii pokpat takpo katu tikasu takumle.

²⁸ Kadapokii sazyii teinii karei reisang kito arhiibang sateichii arhiibwi, ninado arhiibwi kikii ati mati matule.

²⁹ Sateichii arhiibwi tei mwi sek-kii ahnii kadao poisii arhii tei gat tule, kadapokii karachet tinglang tei gongtakle.”

N-jang gaiti lwirou mah ndasam

³⁰ Sateichii mpounii tamle, “Nyii- nii Saraa mah sating sazyii tei kada takumle tangpo? Mak-kii nyiinii kadapei nda poisii tam tangpo?

³¹ Teithiinii sazyiikii rali kalei sazyii pouryii hang kakto cheng kaki n-jang gaiti lwirou takumle.

³² Nlenii n-jang gaiti lwirou tei ralikai wosii pokpat sek-kii sagei hiinhii hang kakto ditupiile, sateichii kaa nrangpat tule, sating gam ruinahniido ahmah khii kangto matiit chyii wole.”

³³ Sateichii ahnyiinii shii wokabui tiisii Jisunii aikakum ndasam hangka tiisii ahnyii dakii samtei tam ralipyiile.

³⁴ Nlenii mpounii tam ndasupii ahnyiigo sam tam leimakle, sateichii ahnyii roinapii kalei tinglang kak mpounii mpou-boumei dakii kalai kaga tam ralipyiile.

Tingkai tingrotdo Jisunii katam swile

³⁵ Teipiinei leimik tei tingkhii liitsek-kii, mpounii mpouboumei da- kii tamle, “N-je nyiinii dwijai lugang kaapat tule.”

³⁶ Toinii ahnyiinii meimoi gotei kaibamsanii tatpat takle. Jisunii bam kalei malyii gam- tei Jisutai kaswimei teinii tongwo takle, sateichii malyii kacheng kakido mpougo kaswisii leile.

³⁷ Binasek-kii tingkai katei gongsii dwi ka-nlem teipii malyiilung rot-tu takle, teipiinii malyii tei dwipii tokryii pilei takle.

³⁸ Nlen ii Jisunii malyii tailampang teito zyiikum gamkii aphyii makum bamsii zyiisii bamle, mpou boumei teinii mpougo makeng matusii tamle, “Madhiika- pyiipii, Nyiigo magale kajyii ai bangpiinii tisei lakde?”

³⁹ Teito mpounii gungtu satsii tingkai ninado dwijaigo tamle, “Majung tulo, nkam tulo!” Sateichii tingkai katei tei tou aisii majung makung takle.

⁴⁰ Nlenii mpounii ahnyii dakii tamle, “Kadajangpiinii gonyii hing leipo? Toi katangpii kamalum tei gonyiinii gapo?”

⁴¹ Teito ahnyiinii hingbeidiju aisii, hangninanii hangninii dakii tamle, “Mei aipou ai tapo? tingkai tingrot katangpiinado mpousam swile.”