MARK 16 - KARANU KABI SAMTAM

Jisunii ringkakhii

¹ Sateichii bam ntak piinei leimik tei sangsek-kii Meri Mekdolen, Jems pwi Meri ninado Salomi ahnyii teinii mangsii mpougo manukpyii tang karam manam kabi thao tei lyii wotakle.

² Hapta kito kareipiinei leimik tingchoi nukii leimik pat manoi ahnyii roubam kitei mangle.

³ Teito ahnyii rangtiisii sam rashiitu takle, “Tanii nyiigo rou kamwi tukam tei koktoipyii tangpo?”

⁴ Teito ahnyiinii jumakhii kuitu tei koktoi kabam tei ngoutakle kuitu tei hangkasii dile.

⁵ Sateichii ahnyiinii rou lungtei tat kaliit kak, peira kaha bakalei sapfiimei karanumei hang- ninii ajiilam teito bam kalei tei ngou wosii ahnyii hangkapii sung gatakle.

⁶ Nlenii mpounii ahnyii dakii tamle, “Sung gasulo, krosh gamkii gikalei Nazaret ki Jisugo gonyiinii fiileile, Mpounii ringkhii takle, mpounii aiki gale, julo, ahnyiinii mpougo tiikagoi bamtei.

⁷ Nlenii tat tulo, mpou-boumeigo ninado Pitargo tam mangoulo, mpounii gonyii doi reisii Galiliki tatliit takle, mpounii gonyii dakii tam kapyii takumpiinii gonyiinii mpougo teikito ngou- tangle.”

⁸ Teito ahnyiinii nlai patsii roubam kiteito paktu takle; dapokii ahnyii tei ka-nchyiipii ninado sung gatakle sateichii ahnyiinii kahing jangteipii meida kado mah kado tam makle.

Meri Mekdolen-nii Jisu ringkakhii kangou

⁹ Jisunii katai kito ringkhii kalu taihapta kito karei leimik piinei tingchoi nukii, mpounii sara kashyii sana baatoi kapyiipei Meri Mek- dolenda karei reisang kito mangoule.

¹⁰ Teito mpoupeinii mpou-boumeigo tampyiile, ahnyiitei magesii ninado hatsii bamle;

¹¹ nlenii Jisu ringkhii takle ninado mpoupeinii ngoutakle katu tei shii wosii, ahnyiinii malum sutakle.

Jisunii mpou-boumei hangdakii kamangou

¹² Sateichii aitai, mpouboumei mei hangnanii sazyii ram hang- niniiki tatliit kalei kak ajai kataam hangniniipii mpounii mpoupiina dakii mangoupyiile.

¹³ Teito mpou- piinanii nlaigong kakimei dakii tam- pyiile, nlenii mpoupiinanii katam samtei ahnyiinii malum sutakle.

Jisunii keariisakankii dakii kamangou

¹⁴ Kana nasang kito Jisunii kea- riisakankii dakii mangoule ahnyii mahchii kalei kak, mpounii ahnyiigo n-gile, dapokii ahnyiinii lung teisii malum kasu jangpii ninado mpounii ringkhii kalu tei mpougo ngou kalumeigo ahnyiinii malum kasu jangpii.

¹⁵ Mpounii ahnyii dakii tamle, “Tat tulo, sazyii pouryii bam- lyii hangki sateichii meilui kalung hangda kabi rasamtei tam ralipyiilo.

¹⁶ Malum kalumei ninado dwi mpum kalumei hang go tei keipyii tangle; ninado malum kasumei hang gotei tam mashyii tangle.

¹⁷ Sateichii tiikamangou siiti aihang aipiinii kamalum meihang go kaswi tangle katunii: Gu zei kito ahnyiinii sara kashyii hang go baatoi tangle lat ka- taam kataam tam tangle;

¹⁸ ahnyiinii gu zei kito sanhii poimakhii tangle sateichii ahnyiinii taitang karam dwi kara kata sak wokido, tei teipiinii ahnyiigo samah kado denglakle; ahnyiinii rakanimei phyii ryiikii ahnyii bah poikai tangle, teito ahnyiinii katchii kanhii hangtei tii-mbipyii tangle.”

Jisugo sating gam pang kakhii

¹⁹ Aitiisii ahnyii dakii tam kalei tai Bangpii Jisugo sating gam pang makhii takle ninado mpounii Saraamah bah ajiilamto bam takle.

²⁰ Teito ahnyiinii mangsii bamhang kikii kabi rasamtei tampyii takle; Bangpiinii ahnyiigo kaswisii tha tii njoipyii takle, ninado kaswi kalei tiikamangou siiti hang teipiinii samtei tiisangting pyii takle. Amen.