MARK 15 - KARANU KABI SAMTAM

Jisugo Pailat doi pang kakhii

¹ Tingchoi nukii Atingmei hangnii, katingmei hang go, Ajai tingshang kati ojamei hang go ninado sam katiimei hang go kaswisii sam rashiisii, Jisugo ring pei aitakle sateichii pangpatsii Pailat dakii pyii aitakle.

² Teito Pailatnii mpougo kachyiinhiile, “Nang Jehu- dimei mah Sagongpo?” Teito Jisunii mpou dakii Khekalatle, “Nangnii katam teile.”

³ Atingmei hang teinii Jisu gamkii kashyii hangkii tamkaile.

⁴ Teito Pailatnii mpougo kachyiinhii loile, “Nang mah kado khekalat lakpo? Julo, ahnyiinii go phyiiryiikii daziika tam mashyii leipo.”

⁵ Nlenii Jisunii makado nlailoisii khesutakle, teijangpii Pailatnii sung gatakle.

Jisugo katai samtak tiikapyii

⁶ Kaakamaju hang-ngi piinei leimik tei kabang kito kaleimei kak kito machiinii kamareimei hang- niniigo Pailatnii ahnyii jangpii mpat kapyii ajai bamle.

⁷ Sateichii Barabas katu mei hangninii siiset saryii tiikakaimeigo kaswisii bang bamle, teisam kapat kiteito tei mei teinii meigo gitakle.

⁸ Sateichii mei machii teinii tatpisii mpounii ahnyii jangpii ajaitai swisii tiipyii tang karam jangpii khangtu takle.

⁹ Pailatnii ahnyiigo n-nhiile, “Gonyii jangpii Inii Jehudimei Sagong gotei mpat kapyii marai makpo?”

¹⁰ Atingmei hangteinii Jisugo kamaimhii jangpii mpou dakii pyii- bamle katu tei Pailatniido tiigatpii tile.

¹¹ Nlenii tei tei supiinii Barabas go mpounii ahnyii jangpii mpatpyii matu tang karam jangpii, Ating- meihang teinii mei machii gotei kathwitu takle.

¹² Sateichii Pailatnii meimoi dakii nlailoisii tamle, “Teitii- leponii gonyiinii Jehudimei Sagong- sii lat kaleipii gotei Inii dapei tiilopo?”

¹³ Teito ahnyiinii nlailoisii saale, “Mpougo krosh gamkii gi ailo,”

¹⁴ Teito Pailatnii ahnyii dakii tamle, “Dajangpii, mpounii dapei kashyii tiipo?” Nlenii ahnyiinii kisii saatu takle, “Mpougo krosh gamkii gi ailo.”

¹⁵ Teito Pailatnii machiigo lung kamang tiikanyii kito ahnyii jangpii Barabasgo mpatpyii takle, sateichii mpounii Jisugo lak lakpyiisii Krosh gamkii gitang karam jangpii pyiitoi aitakle.

Saryiimeinii Jisugo hoksii kanui

¹⁶ Saryiimei teinii mpougo Praetorium, katunii Sagong kilung pangliitle, teito ahnyiinii saryimei hang gotei lat ndwi takle.

¹⁷ Sateichii ahnyiinii mpougo mazyiitoitoi katu paigang bakaipyiile, tu phyiihung hangninii ki wosii mpougo choipyii takle.

¹⁸ Sateichii ahnyiinii mpougo matatu takle, “Mata leile, Jehudimei mah Sagong!”

¹⁹ Teito ahnyiinii mpougo tingrangpii phyiibung lakle, jukikii poktai maswijoile ninado ahnyiinii kok-kumsii mpougo matale.

²⁰ Ahnyiinii mpougo hoksii nuisang sek-kii, ahnyiinii mpou gamto kamajyiipei peigang tei loktoipyii takle sateichii mpou nat tei kaipyiiloi takle, teito ahnyiinii mpougo krosh gamkii gitang karam jangpii pangsii tat tutakle.

Jisugo krosh gamkii kagi

²¹ Sateichii namdi kaki kito Sagong Alekjender nei Rofos pfii Simon katupii Sairen kito kaleimei tei teiki gongle, teito ahnyii hangpii mpougo Jisu mah krosh tei pung matu tang karam jangpii keishyiipii jumtakle.

²² Sateichii ahnyiinii Jisugo Golgotha (katunii Phyiibung- rou bam) sii lat katu bam kitei pang gongle.

²³ Teito ahnyiinii myrrh-go ryii kaja katu jou tei mpougo pyiile, nlenii mpounii sak makle.

²⁴ Satei- chii ahnyiinii mpougo krosh gamkii gi aitakle ninado ahnyii kakto doi kabi tei jusii, mpou peimani tei ahnyii kakto njai takle.

²⁵ Sateichii ahnyiinii mpougo krosh gamkii kagi tei tingchoi pung sokchyii tinglangle.

²⁶ Mpougo tam mashyiisii ryii kabam teinii: “Jehudimei mah Sagong.”

²⁷ Teito ahnyiinii Jisugo kaswisii ka- ragamei hangna godo krosh gamkii gile, hangniniigo mpoubah ajiilam ninado hangniniigo abilamkii.

²⁸ (aitiisii kabi rasam kito: “Mpounii meigo kagi kabamei mah sadoi kashyiitei dou njoi takle” sii tam kabam samtei gong matwi takle.)

²⁹ Sateichii teiki tatpat tatliit katumei hangteinii aphyii kangumsii mpougo sam kashyii tamle; “Oh! saraaki tiikousii jangtumnii lungki- kii tiimakhii tang karampii!

³⁰ toinii krosh gamto humsii go rangtiisii goroinapii kei wolo.”

³¹ Tei takumpii atingmei hang teiniido, ajaitingshang kati ojamei hang go kaswisii ahnyii roipii ahnyii kakto hoksii nuisii tamle, “Mei kakimei gonii mpounii keipyiile, nlenii mpou roipii mpou gonii keiwo makle.

³² Toinii Krista, Isrelmei mah Sagong, toinii krosh gamto hum matulo, nyiinii ngousii malum kabui jangpii.” Sateichii mpougo kaswisii krosh gamkii gi kabampiina niido mpougo tam mashyiile.

Jisunii katai

³³ Pung saruk sekto sokchyii katang kaktei sazyii pouryii matum madum tei myii ai takle.

³⁴ Sateichii pung sokchyii kata tinglang kaktei Jisunii rok sagoisii saale, “Eloi, Eloi, lama sabachtani?” Katunii “Gu Bangpii, Gu Bangpii, nangnii n-gu dajangpii toi aipo?”

³⁵ Teikito kaleimei kangkanii mpougo shii wosii tamle, “Koikinglo, mpounii Ilaijahgo lat leile.”

³⁶ Sa- teichii mei hangninanii pakmaa, sponze hangninii kikii kahengdwi sumwosii ating hangninii toikii sabiit tosii mpou mwi kikii kaipyiisii tamle, “Koilo, Ilaijahnii gong mpougo krosh gamto poimang pyii pyiilakpo, nyiinii jule je.”

³⁷ Teito Jisunii rok sagoisii saasii taitakle.

³⁸ Teito karataki lungkii lam kabam peira tei aphyiito akang katang hetriit hangna tiitakle.

³⁹ Sateichii Jisugo ju karyiisii kuto sat kalei saryii mpfii kadipii teinii abangpii teinii aitiisii katai tei ngou wosekkii, mpounii tamle, “Mei aipou ai Saraa nah sapfii mpou kasang teile.”

⁴⁰ Sateichii sapwimei kangkado kak dhiihaisii jusii leile, ahnyii kaktei Meri Mekdolen, Jems kara- nupii nei Joseph pwi Meri ninado Solomi haile.

⁴¹ Jisunii Galili kito kalei kak, ahnyiinii mpou-tai swisii anga ngapyiile sateichii mpougo ka- swisii Jerosalemki kagong sapwimei kaki kadaziikado haile.

Jisugo kagoi

^42-43 Sateichii tingkhii lamtei gong kado, bam ntak piinei leimik gong kasunii tiikakada piinei leimik katu taiswisii, katingmei hang kak kito adzyii ka-nroumei, mpouroi- piinado Saraa sating sazyii gongtang karam gotei koisii kalei Arimatiya mpfii Joseph tei gongle; mpounii kahing gasii Pailatda liitsanii Jisu mah pumrong tei khang wotakle.

⁴⁴ Sateichii Jisu taitakle sek-kii Pailat teinii sung gatakle ninado saryiimei mei haimah kadipii gotei lat tosii Jisu tai kalei katangkii takdesii mpou dato n-nhiile.

⁴⁵ Sa- teichii mpounii saryiimei mei haimah kadipii dateito tei tei tiwosek-kii, Joseph go katai pumrong tei pyii aitakle.

⁴⁶ Teito mpounii kounah- maipei hangninii lyii wosii mpougo poi m-mangsii kamajyii kounahmai pei teipii kajyiisii, kuitu kadi kikii biit kabam roubam kikii mpougo goi aitakle sateichii mpounii roubam mah takam ki teikii kuitu kadi hangniniipii kalwi makat aitakle.

⁴⁷ Teito Meri Mekdolen ninado Joseph pwi Meri teinii mpougo goi kabam nitei ngou takle.