MARK 11 - KARANU KABI SAMTAM

Jisunii takoi gam tongsii Jerosalemki kaliit

¹ Sateichii ahnyiinii Jerosalem- ki liit manang sek-kii, Olip zang gamto kalei Bethpage ninado Betani kikii, Jisunii mpou boumei hangnago lang matu takle.

² Sa- teichii mpounii mpoupiina dakii tamle, “Gonei doito kalei nam kitei tatliitlo, goneinii teiki tei tatliit sekchii, mei kaniido tongsang tong kasu takoinah hangninii reng kuika- bam ngoutangle, teitei reng hek mpat tosii aiki baagonglo.

³ Teito mei kata kangkanii goneigo, ‘ai kadajangpii aitiiziikhe?’ sii tam lepochiinii, ‘abang- piinii aigo mareile ninado manoisek aiki baapatpyii loitang lesii tamlo.’ ”

⁴ Teito mpoupiinanii tat tutakle, sateichii puibak kadi, ki kamwiku kikii takoi nah reng kuikabam tei ngoutakle; sateichii mpoupiinanii rengtei hektoi aitakle.

⁵ Sateichii teikito satsii kalei mei teinii mpou- piina dakii tamle, “Gonei dajangpii takoinah gotei reng hektoi leipo?”

⁶ Teito mpoupiinago Jisunii tam kapyii takumpii mpoupiinanii ah- nyiigo tam takle, sateichii ahnyiinii mpoupiina gotei mpat pyii takle.

⁷ Sateichii mpoupiinanii takoinah tei Jisuda baagongle sateichii ahnyii pei tei takoinah gamkii kam wotakle, sateichii Jisunii takoinah gam tei tong wotakle.

⁸ Sateichii mei kang- kanii ahnyii pei tei pwidikii kamle, sateichii kaki mei teinii lu kito ting hiinhii keksii pwidikii kampyiile.

⁹ Sateichii mpou doito rei kaleimei ninado mpou-tai switat kalei mei hangteinii saatu takle, “Hosanna! Bangpii zei kito kagongpii tei doibile!

¹⁰ Nyii pfii Devit mah gong kalei Sagong sazyii tei doibile, Hosanna, kasagoi goisang kito.”

¹¹ Teito mpounii Jerosalemki liitle, sateichii Saraa kamaningki lungtei tatliitle; sateichii mpounii n-nuk nryiisii mahlyii hang go jule, nlenii tinglang tei rigong sek-kii, mpouboumei keariisiinakhiigo ka- swisii Betani ki tat-tu takle.

Jisunii kadiitbang go sheeng kapyii

¹² Kanapiinei leimik ahnyiinii Betani kito kagong tinglang kaktei mpou moi majyii takle.

¹³ Sateichii kadhii kito ju mpat anhii kalei kadiit- bang hangninii mpounii ngoutakle, teito Jisunii kadiit-ti mati leido malahlesii tatpat jule, mpounii kadiitbang kutei tatliit jukii samah kado ngoumakle, nlenii kadiitnhii roinii ngoule, dapochiinii kadiit-ti kamati tinglang makle.

¹⁴ Teito Jisu- nii kadiitbang gotei tamle, “Tingnei sekpii mei kaniido godato ti chiika- nhiilo.” Sateichii mpouboumeinii teitei shiitakle.

Jisunii Saraa kamaningki tiikamatei

¹⁵ Teito ahnyiinii Jerosalemki liitle, sateichii mpounii Saraa kama- ning kilungtei liitsii tei kito ali-ala tiisii kaleimei gotei baatoitu takle sateichii sanah-swi heksii kalei mei mah tebel tei tuikalui toi aitakle sateichii mahou joi kaleimei bam teido tuikalui toi aitakle.

¹⁶ Sateichii Jisunii Saraa kamaning kilungto mah kado poitat matu sutakle.

¹⁷ Sateichii mpounii ralipyiisii ahnyiigo tamle, “Gu ki ai lui hang jangpii kariitaki lat tanglesii ryiibam makpo?”

¹⁸ Sateichii tingdimei ninado ajaitingshang kati ojamei hangteinii ai ai shii wotakle, teipiinii ahnyiinii Jisugo gitang karam bak fiitu takle, ahnyiinii mpougo hingle, dapochiinii mpounii ralikapyii kito mei kalei kaga sung gatakle.

¹⁹ Sateichii tingkhii lam liit sek- kii, Jisu ninado mpou boumei hang teinii teiki namdi kiteito tatpat takle.

Ragui kaga kadiitbang kito madhii kalu

²⁰ Kanapiinei tingchoi nukii, ah- nyiinii pwidi tat kapat tinglang kak, kadiitbang tei bang amaa katang tai kaga tei ahnyiinii ngoutakle,

²¹ teito Pitarnii pat kalei tei maning gongsii Jisuda tamle, “Madhiikapyiipii, julo, nangnii sheeng kalei kadiitbang tei tai takle.”

²² Teito Jisunii ahnyiigo kheka- latle, “Saraa dakii kamalum tei leilo.

²³ Inii gonyii dakii kasangpii tam leile, ‘Mei kata kangkanii zang aigo, nang tusii dwijai lungkii toikai ailo,’ sii tam leponii sateichii ah lungto maning kariirhii tei galeponii, ahnii katam tei madou supii patling tangle katu malum leponii, teitei ah dakii tiipyii tangle.

²⁴ Teijangpii Inii gonyii dakii tam leile, nangnii riitasii mah kata kara kakhang tinglang kak, teitei nangnii doutakle katupii nang- nii malumlo.

²⁵ Sateichii gonyiinii riita tang karam jangpii tu kasat tinglang kak, mei kata hangninii gamkii gonyii lung samou kasu tei leile dinchiinii, gonyiinii magapyiilo, sating gamto kalei gonyii pfiiniido gonyii mah kakui kama hangtei ma- gapyii tang karam jangpii.”

²⁶ (Nlenii nangnii magapyii suleponii, sating gamto kalei go pfii teiniido gokem kama tei magapyii lakle.)

Jisu mah teimaham jangpii kachyiinhii katu

²⁷ Ahnyiinii Jerosalemki nlaigong loile, Jisunii Saraa kamaning ki lungto tat kalei tinglang kak tingdimei, ajaitingshang kati ojamei sateichii katingmei hangteinii mpouda gongle.

²⁸ Teito ahnyiinii Jisu dato n-nhiile, “Nang kada tei leilesii tha hang ai tiileipo?”

²⁹ Teito Jisunii ahnyiida tamle, “Inii gonyiigo sam kaangkii n-nhiitangle, teito gonyiinii n-gu khelapyii leponii, Inii kada tei leisii tha hang ai tiileipo katu Inii gonyiigo tampyii tangle.

³⁰ Jon dwi mpum kapyiipii mah tei ai kada kito gongpo? Mei dato manii Saraa datopo?” N-gu tampyiilo.

³¹ Teito ahnyii roinapiinii kara- shiitu takle, “Sating gamto lesii nyiinii tam leponii, sateinii ‘gonyiinii dajangpii mpougo malum makpo?’ tangle.

³² Nlenii nyiinii ‘mei dato lesii tam depo’?” ahnyiinii meigo hingtakle, dapochiinii Jon aigo Lungkaka- lingmei hangninii kasangle katupii poi lahokle.

³³ Teipiinii ahnyiinii Jisugo khekalatle, “Nyiinii timakle,” teito Jisunii ahnyii dakii tamle, “Kadapei tei leisii Inii tha hang ai tiileipo katu Iniido gonyii dakii tampyii lakle.”