LUKNII KARYII KABI RASAM JUKAMATI 10 - KARANU KABI SAMTAM

Jisunii mei reksanago lang ka-mpat

¹ Aitaito mpounii mei kakimei reksanago kalai takle, mpou- nii gong tang karam namdi hangki sateichii bamlyiihang kikii ahnyiigo hangna hangnapii mpou doikii lang matu takle.

² Sateichii mpounii ahnyii dakii tamle, “Lu rachet tang karam hangkii leile. Nlenii lu rachetpyii tang karam meinii moi- makle; teijangpiinii lu rachet tang karam Abangpiinii lu tha katiimeigo mpou lu nikii langkaipyii matu tang karam jangpiinii gonyiinii mpou dato khanglo.

³ Tat tulo, sangyii kak kikii Jaonah takumpii gonyiigo Inii lang mpat leile.

⁴ Sana takou, takou paitu, sateichii pichot hangninii kado pung sulo, sateichii pwidi lamto mei kagodo khesulo.

⁵ Sateichii gonyiinii mei kata hangninii ki kalung tat liitchii, aitiisii tamlo, ‘Ki aikito ka- majung tei kaswi matulo.’

⁶ Sateichii teikito kamajung mah nah Sapfii mpou tei bam lepochiinii, gonyii mah kamajung tei ah phyiiryiito bam tangle. Nlenii galeponii, teitei gonyiida nlaigong loi kaitangle.

⁷ Sateichii ahnyiinii kapyii hangtei chiisii saksii ki teiki teito gonyiinii bamlo. Dapo- chiinii tha katiimeinii mpoumah tha katiimai dou kajyiile. Ki hangninii kito ki hangniniiki tatpat tatliit sulo.

⁸ Sateichii gonyiinii namdiki kaliitta ahnyiinii gonyiigo lukaipyii lepochii- nii, ahnyiinii gonyii doikii kai mpat kapyii tei chiilo.

⁹ Sateichii teikito kalei katii kanhiimei hang gotei tii mbipyiilo, sateichii ahnyii dakii tamlo, ‘Saraa mah Sating Sazyii tei gonyiida manang gong leitakle.’

¹⁰ Nlenii gonyiinii namdiki kamaata ahnyiinii gonyiigo lukaipyii sule- ponii, teiki pwidi pwidi kitei tatpatsii tamlo,

¹¹ ‘gonyii mah namdi kito nyii piki mana kalu buinei katangpii gonyii phyiiryiikii sakchyii tiikama- ngou tiisii nyiinii buinei tei piitamtoi leile; nlenii gonyii ai tiwolo, Saraamah sating sazyii tei nagong leitakle.’

¹² Inii gonyii dakii tam leile, samtak katii piinei teimah namdi gotei sung Sodom namgo Saraanii kisii lungsyiipyii tangle.

Kamalum kaga nam

¹³ “Kadaziikapii kamage tangpo! He Korasin, Kadaziikapii kamage tangpo! He Bethsaida, gonyii dakii tiikapyii tha kadi hangtei Tair sateichii Sidon dakii tiipyii leponii, teikito kaleimei ahnyii teinii lung- kalisii alhiipei basii sateichii buinei manuksii ndouto bam tang takle.

¹⁴ Nlenii samtak katiiki gonyiigo sungnii Tair ninado Sidon go kisii Saraanii lungsyiipyii tangle.

¹⁵ Sa- teichii he Kaiparnam! Nangnii sating gam katang sagoinyii leipo? n-go mibam katang poi m-mang tangle.”

¹⁶ “Gonyii sam shiisii kalei mei teinii n-gu mazhii makle, sateichii n-gu mazhii kasumei teinii, n-gu lang m-mang kapyiipiigo mazhii makle.”

Tai kaswimei reksananii nlai kagong

¹⁷ Sateichii mei reksana teinii ntasii nlaigong tamle, “Bangpii, gozei kito sara kashyii hang teinado nyiikang nkangle!”

¹⁸ Teito mpounii ahnyii dakii tamle, “Sating gamto sating kalik kalei takumpiinii seitan nii kou kahum tei Inii ngoutakle.

¹⁹ Julo gonyiinii sanhii sateichii aga-nrek sateichii gonyiigo ngou karoumei mah tei maham matum madum phyiiryiikii Inii gonyiigo teimaham pyiibam takle, sateichii gonyiigo mah hangninii kaniido samah kado denglakle.

²⁰ Nlenii sara kashyii hangteinii gonyii sam swile katu aipii gonyiinii nta sulo; nlenii gonyii zei sating gamkii ryiibam taklesii ntalo.”

Jisunii tam kamatoi

²¹ Tei tinglang sek-kii mpounii rangii kamatei mah teimaham paito ka-ntapii tokryiisii tamle, “He gu pfii sating ninado Sazyii pouryii mah Bangpii, Inii n-go halang takle. Dapochiinii nangnii aihang aigo kasakai ninado katimei dato poi kabaibam siinii nahmei kacheng meihang dakii mangoupyii takle. Nle, gu pfii, dapochiinii aipiinii go mikjot kito kasat teile.

²² “Mahlyiihang gu pfiinii n-gu pyiitakle; sateichii pfii teisupiinii mei kaniido nah gotei tapo katu tei timakle, sateichii nah sapfii mpou teisupiinii sateichii nah sapfii mpou teinii mangoupyii matu kanyiimei tei supiinii mei kaniido Apfii gotei timakle.”

²³ Sateichii mpounii mpou bou- meida nryiigongsii makumpii tamle, “Gonyiinii kangou kangou gotei ngou kalu mik hangtei sadoibile!

²⁴ Ka- dapochiinii Inii gonyii dakii tam leile, Lungkakalingmei sateichii sagong- mei hangnii gonyiinii kangou tei ngounyiisii leile, nlenii ngoumakle; sateichii gonyiinii shiisii kalei tei ahnyiinii shiinyiisii leile, nlenii shiimakle.”

Kabi samariya mpfii mah ndasam

²⁵ Sateichii julo, ajaitingshang katimei hangninanii mpougo jai jutang karam jangpii tusat tosii tamle, “Madhiikapyiipii, kalui kaga karing tiilung doutang karam jangpii Inii dapei tiitangpo?”

²⁶ Jisunii mpougo khekalatle, “Ajaitingshang mah larekbung kikii kadapei ryiibampo? kada takumpii fiileipo?”

²⁷ Teito mpounii khekalatle, “Nangnii go Bangpii, go Saraago golung matum madumpii, rangii matum madumpii, teimaham matum madumpii sateichii goswi matum madumpii haisii lungsyii tangle, sateichii nangnii goki tiinanapameigo gopum sekgo nangnii lungkasyii takumpiinii lungsyii tangle.”

²⁸ Jisunii mpouda tamle, “Nangnii kasang tei khepyii takle, ai-ai tiilo, teitii lepochiinii nangnii ringtangle.”

²⁹ Nlenii mpounii mpou roinapii kasang katiijai tei tiinyii siinii Jisudakii tamle, “Bitakle, goki tiina- napamei tei tapo?”

³⁰ Jisunii khekalatle, “Mei hang- ninanii Jerosalem kito Jeriko ki katang tat hum leibangpii karagamei bahki liit takle; ahnyiinii mpougo datsii, tingrangpii kache chepyiisii katai karing tisupii kaibam siinii tat tutakle.

³¹ Sateichii aitiisii pat takle, katunii kanat kajum Atingmei hangninii teiki pwidi kitei tat humle, nlenii mpounii rajam kapungpii gotei ngouwo sek-kii, mpounii tat maryiisii pwidi liikuto tat tutakle.

³² Tei takumpii, Lebiamei hangniniido teibam kitei gongsii mpougo ngou wosii pwidi liikuto tat maryiisii tat tutakle.

³³ Nlenii Samariya mpfii hangninanii aitiisii mbui leibangpii mpounii kalei bam kitei gong siinii mpougo ngouwo sek-kii, mpou lungtei lungkasyii piinii tokryii takle.

³⁴ Mpounii ahda tatpat siinii mpoumah rajam hangki teikii thao ninado jou manuk kaipyii takle sateichii mpou mah Kounah gamkii kaiwosii siisang karhiiki hangninii kikii pang gong kaipyii takle.

³⁵ Sateichii supounei kakum mpounii mai kateeng sanahgyii hangna poi mpatsii siisang karhiiki koi kaleipii gotei pyii siinii tamle, ‘Aipougo tiigatpii juseilo; sateikii nangnii aipou gamkii pat kalei hangtei Inii nlai kagongki n-go ruipyii tangle!’ ”

³⁶ Mei hangtum aikak kito, tapiinii karagamei bah kito rajam kalupii mah ki tiinanapameipo, nangnii kada lesii maningpo?

³⁷ Teito mpounii tamle, “Mpougo lungsyii kapyiipii hangninii teile;” teito Jisunii mpou dakii tamle, “Tat tulo, nangniido tei takumpiinii tiilo.”

Martha nei Meri

³⁸ Jisu ninado mpou boumeinii ahnyii pwidi tat leibangpii, mpounii ranam hangniniiki gong takle. Sateichii Martha sii kalat sapwimei hangninanii mpougo mpoupei kikii lat magong takle.

³⁹ Sateichii Meri sii kalat mpoupei tai karhiipei hang- ninii bamle; mpoupeiniido Bangpii pibang kaswisii bamsii mpounii rali kapyii tei khoikingle.

⁴⁰ Martha nii anga ngatang karam hang gotei mpoupeinii lungnaang siinii, mpou- peinii patsii tamle, “Bangpii! anga ngatang karam hang ai gutaikarhii peinii n-gu roiniigo toidek katu ai nangnii maningsei lakde? N-gu tiihalosii mpoupeigo tamseilo.”

⁴¹ Teito Bangpiinii mpoupeigo khekalatle, “Martha, Martha! Nang- nii tha kamoi jangpii lungnaangsii kamage takle.

⁴² Nlenii tha hang- ninanii tiisu kashyii bamle, daponii Meri nii mpoupei dato poitoi kalak kabi njai tei kalai wotakle.”