JONNII KARYII KABI RASAM JUKAMATI 20 - KARANU KABI SAMTAM

Kamarong roubam

¹ Hapta kito leimik karei piinei leimik tingchoi nukii myii- leipiinii Meri Mekdolennii roubam kitei gongkii roubam kiteito kuitu tei poitoi kalei tei ngoutakle.

² Teipiinii mpoupeinii pakmaa sanii Saimon Pitar ninado Jisunii lungkasyii boumei kaki hangninii datei gongsii ahnyii dakii tamle, “Ahnyiinii Bang- piigo roubam kiteito poitoi aitakle sateichii ahnyiinii mpougo kada kikii kai aipo nyiinii timakle.”

³ Teito Pitar ninado boumei kaki hangninii teinii tatpat sii roubam lampang tat tutakle.

⁴ Ahnei hangna teinii pak leile, nlenii boumei kaki hangninii teinii Pitargo pak maju wosii, roubam kitei gongrei wotakle.

⁵ Sateichii nkwimang kajukak mpou- nii peira kamajyii kalei tei ngoutakle, nlenii mpounii lungtei liitmakle.

⁶ Teito Saimon Pitar niido mpoutai swigongsii roubam lungtei liit takle; sateichii peira kamajyii kaikabam,

⁷ ninado mpou phyii gamto kalei peijuipei tei peira kamajyii gotei kaswisii bamsupiinii ahroinapiinii kajui wosanii bam hangniniiki kabam tei mpounii ngoutakle.

⁸ Teito rou- bamki gongrei katu boumei kaki hangninii teiniido lungtei tatliit takle sateichii mpounii ngoutakle ninado malum wotakle;

⁹ Kadapokii mpounii kataimei kak kiteito ringkhii tang karamle katu kabi rasam tei ahnyiinii tei tinglang kak timakle rei.

¹⁰ Teito boumei teinii ahnyii mah kilam pang nlaitu takle.

Jisunii Meri Mekdolen mangou kapyii

¹¹ Nlenii Merinii hatsii roubam mah saba teito sat takle sateichii mpoupeinii hatsii hatsii nkwimang roubam lung teikii jukaile;

¹² sa- teichii Jisu mah pumrong kaikabam nitei peimani kaha kaikalei sating gamlui hangna, hangninanii phyii- bunglam pang ninado hangninanii pilam pangto bam kalei tei mpou- peinii ngoutakle.

¹³ Teito ahnyiinii mpoupei dakii tamle, “He, sapwi mpei nang kadajangpii hat leipo?” Mpoupeinii ahnyii dakii tamle, “Dapodinchii ahnyiinii gu Bangpiigo poitoi aitakle sateichii ahnyiinii mpougo kada kikii kai aitakpo Inii tisutakle.”

¹⁴ Mpoupeinii ai ai tamsii nryiigong sek-kii, Jisunii satsii kalei tei ngoutakle, nlenii mpoupeinii teitei Jisule katu timakle.

¹⁵ Jisunii mpoupei dakii tamle, “Sapwi mpei, nang kadajangpii hat leipo? Nang tago fiileipo?” Mpoupeinii mpougo toipyiilu kashangmeile sii maning wosanii, mpou dakii tamle, “Oja, nangnii mpougo poitoi aileponii, nangnii kada kikii kaibampo n-gu tamseilo, Inii mpougo poitune.”

¹⁶ Jisunii mpoupei dakii tamle, “Meri” mpoupeinii nryiigong mpou dakii Hebru latpii tamle, “Rabboni!” (Katunii Madhiikapyiipii katu gole.)

¹⁷ Jisunii mpoupei dakii tamle, “N-gu deng sulo, kadapokii Inii gu pfii bamki pi womakle rei, nlenii gukangsanamei hangda mangsanii ahnyii dakii tampyiilo, Inii gu pfiido gonyiipfiido, gu Saraado gonyii Saraado tiisii kalei Ah bam kitei pitune leitakle.”

¹⁸ Meri Mekdolennii mangsii bou- mei hang dakii tamle, “Inii Bangpiigo ngoutakle”; sateichii mpounii aihang ai mpoupei dakii tampyii takle katupii mpoupeinii ahnyii dakii tam takle.

Jisunii mpou boumeida mangou kapyii

¹⁹ Hapta kito leimik karei, teipii- nei tingkhiilam pang tei, Jehudimeigo kahing jangpii boumeinii kalei ki takam hangtei takam aisii kabam kito, Jisunii gongsii ahnyii kak kito satsii ahnyii dakii tamle, “Kamajung tei gonyiigo kaswi matulo.”

²⁰ Mpounii ai tam kaleitai, mpounii ahnyiigo mpou mah bah ninado mpou mah kalaat tei mangou takle. Teito boumei hangteinii Bangpiigo ngou wosek-kii ahnyii tei nta takle.

²¹ Jisunii ahnyii dakii nlailoisii tamle, “Kamajung tei gonyiigo kaswi matulo. Gu Pfiinii n-gu lang ka-mpat takumpii, Iniido gonyiigo lang mpat leile.”

²² Mpounii ai tam kaleitai, mpounii ahnyii phyiiryiikii chyiihoi kaipyiisanii tamle, “Rangii kamatei gonyiinii dou wolo.

²³ Gonyiinii mei kata mah kem tei kaleipyii leponii, ahnyiigo kaleipyii aitakle, gonyiinii mei kata mah kem tei kaibam leponii, kem tei kaibamle.”

Jisu ninado Thomas

²⁴ Keariisiinakhii kak kito mei hangninii, (mbiitnah sii kalat) Tho- mas tei Jisunii kagong kak, ahnyiigo kaswisii bam makle.

²⁵ Teipiinii boumei kakimeinii mpou dakii tamle, “Nyiinii Bangpii go ngoutakle.” Nlenii mpounii ahnyii dakii tamle, “Inii mpou bah hangna kikii jotpyii jam tei ngou kasuta, gubah jungna teipiinii jotpyiijam kiteikii karingkai kasuta, sateichii Inii gubah ai mpoumah kalaat kikii kaikasuta, Inii malum makle.”

²⁶ Leimik siisattai, mpou mah boumei hangtei nlailoisii kilungto leile, sateichii Thomasdo ahnyiigo kaswisii leile. Takam hangtei takam aitakle, nlenii Jisunii gongsii ahnyii kak kiteito sat tosii tamle, “Kama- jung tei gonyiigo kaswi matulo.”

²⁷ Teito mpounii Thomas dakii tamle, “Gobah jungna tei aikikii kailo, sateichii gubah hangna ai julo ninado gobah hampatsii gumah kalaat kikii kailo, go mah malum kasu tei tou ailo ninado malum wolo.”

²⁸ Thomasnii mpougo khekalatle, “Gu Bangpii ninado gu Saraa!”

²⁹ Jisunii mpou dakii tamle, “Nangnii n-gu ngoukalu jangpii nangnii malum wotakpo? Ngou supiinii malum kalumei tei kadazii- kapiinii sadoi bipo!”

Kabi rasam karyii mah kaang

³⁰ Larek aikikii ryiikai kasu kaki kaki tiikamangou siiti hangkado mpou boumei hangdoito Jisunii tiitakle;

³¹ nlenii Jisu ai Saraa nah sapfii mpou Kristale katu tei gonyiinii malum matutang karam jangpii sateichii malum wosii gonyiinii mpou zei kito karing tei doumatutang karam jangpii aihang ai ryiikai bamle.