JONNII KARYII KABI RASAM JUKAMATI 12 - KARANU KABI SAMTAM

Betani kito Jisugo thao manuk kapyii

¹ Katai kito Jisunii tiimaring kapyii, Lazarusnii kalei Be- tani kitei, kaakamaju mah takbai doi leimik saruk tang kasunii Jisunii gongle.

² Ahnyiinii teikikii mpou jangpii tingkhii malot tei tiikada wotakle; sateichii Marthanii nga ngale, ninado mpougo kaswisii tingkhii malot kachii tinglang kak, kaswisii kabam mei kak kito Lazarus tei hangniniile.

³ Teito Merinii kama- tei nard mah maikateeng kamanuk thao ser aphang hangninii poigong sanii, Jisu mah pi pazhii kikii manuk kaipyii takpokii, mpoupei mah phyii- taam teipii mpou pi tei piit mateipyii takle, sateichii ki kalung tei gam kamanuk mah kei manam kabi tei- piinii tokryii takle.

⁴ Nlenii mpougo schoi choikai tang karampii Judas Iskariot, boumei kak kiteito hang- ninii teinii tamle,

⁵ “Gam kamanuk thao ai dinar haitumpii joi wosii mah kagameigo kadajangpiinii pyiimakpo?”

⁶ Mpounii ai tam kalei ainii mah kagamei jangpii mpounii kasangpii maningsii tam makle, nlenii mpou ai karagameile ninado mpouda kalei sanahbung lung kiteikii kakai tei mpounii poi mpat kalei jangpiiniile.

⁷ Teijangpii Jisunii tamle, “Mpou- pei rang tiibamlo, mpoupei mah kabam tei n-gu tiikagoi piinei leimik jangpii mpoupeigo makai bamlo.”

⁸ Mah kagameinii gonyiigo kaswisii sating kata leile, nlenii Inii gonyiigo kaswisii taksupii bam makle.

Lazarus go gitang karam jangpii tiikatu

⁹ Jehudimei meimoinii mpou teiki leile katu tei tiwosanii, Jisu jangpii roinii supii, mpounii katai kito tiimaring kapyii Lazarus godo jutang karam jangpii ahnyiinii gong takle.

¹⁰ Teipiinii kanat kajum tingdimei hangteinii Lazarus godo gitang karam jangpii sam rashii wotakle;

¹¹ dapochiinii mpou jangpii Jehudi- mei kak kito mei hangkanii ahnyiigo mazhii supiinii Jisugo malum leitakle.

Jisunii takoigam tongsii Jerosalemki tat kaliit

¹² Adoipiinei leimik tei kaa- kamaju takbaiki kagongmei moi teinii Jisu Jerosalemki gonglei takle katu tei shiitakle.

¹³ Teijangpii ah- nyiinii kananhii tei poisanii mpougo kadoutang karam jangpii gongsii saasii tamle, “Hosanna! Bangpii zei kito gongkalei mpou ai sadoi bile. Isrel ki sagong go Saraanii satoi pyiile!”

¹⁴ Jisunii takoinah hangninii dou wosanii teiphyiiryiito tongtakle; aitiisii ryiikabam takumpii,

¹⁵ “Hing sulo Zaiyon mah namdi; Julo, takoinah gam tongsii, gonyii mah sagong aiki gong leile!”

¹⁶ Nunii mpou boumei hangteinii ai ai tiwo makle, nlenii Jisugo pumtei kava kikii tiimaring kapyiitainii ai ai mpoumah kaang kito ryiibamle katu ninado mpou dakii tiibam takle katu tei ahnyiinii maning gongtakle.

¹⁷ Mpounii roubam kito Lazarus go lat mpatsii katai kito tiimaring kapyii tinglang kak mpougo kaswisii kaleimei hangteinii sakchyii tei pyii- takle.

¹⁸ Aijangpiiniido meimoi teinii mpougo mang kadou takle, dapodin- chii mpounii tiikamangou siiti ai tiitakle katu tei ahnyiinii shiitakle.

¹⁹ Teito Farasismei teinii hangni- nanii hangniniigo tamle, “Julo, gonyiinii samah kado tiiwo lakle, julo, sazyii pouryiinii mpoutai switu takle.”

Grikmei kangkanii Jisugo fiikatu

²⁰ Takbai tinglang kak mata tang karam jangpii Jerosalemki kagongmei hangkak kitei Grikmei kangkii hai leile.

²¹ Teipiinii ahnyii teinii Galili kito kalei Bethsaida ki Filipda gong- sanii mpou dakii tamle, “Madhiika- pyiipii, nyiinii Jisugo junyiile.”

²² Filipnii Andruda gongsii tamle, sateichii Andrunii Filipgo kaswisii mpoupiinanii Jisu dakii tamle,

²³ Jisunii mpoupiinago khekalatle, “Meinah sapfii mpou teinii pumtei kava kadi doutang karam tinglang tei gongtakle.

²⁴ Kasang kasangpii Inii gonyii dakii tam leile, Gihuti hangninii ai sazyii takmangsanii tai kasutanii, tei tei mpouroinapii teitiisii leihumle, nlenii tei tei tai aileponii, ti hangka matile.

²⁵ Mpou- mah karing go lungsyiisii kaleimei teinii teitei magale, sateichii sazyii pouryii aito mpou mah karing go ngou karoumei teinii teitei kalui kaga karing jangpii kaibam tangle.

²⁶ Mei kata hangninanii gu nga ngasii leileponii, ahnii gutai switang karamle; sateichii Inii kalei nitei gu nga kangamei hangniido teiki tei leitangle; mei kata hangninanii gu nga ngasii leileponii, Pfiinii ahgo dzyiirou tangle.

Jisunii mpoumah katai kaang kito katam

²⁷ “Aitoinii gulung kamage takle, sateichii Inii kadapei tam tangpo? Pfii-o, tinglang aikito n-gu keipyiilo. Makle, kaang aijangpii tinglang aiki ai Inii gongtakle.

²⁸ Pfii-o, go zei dimatulo.” Teito sating gamto rok hangninii gong takle, “Inii teitei pumtei kava tiido tiimadi takle, sateichii teitei tiido tiimadiloi tangle.”

²⁹ Kuto sat kaleimeinii teitei shii wosii ai ai sating tuitakle sii tamle, kakimei kangkanii, “Sating gamlui hangninanii mpougo sam rashiitakle” sii tamle.

³⁰ Jisunii khekalatle, “Rok ai gujangpii gongmakle, nlenii gonyii jangpiile.

³¹ Sazyii pouryii aigo samtak tiitang karam tinglang tei aitoile, sazyii pouryii mah apum katiimeigo baatoi tang karam tinglang tei aitoile.

³² Sateichii sazyii pouryiito poimakhii sekchii, meihang gotei gudakii Inii chyii gong tangle.”

³³ Mpounii katam ainii mpounii taitang karam tei kada takumpiinii taitangpo katu tei mangoule.

³⁴ Meimoinii khekalatle, “Krista teinii kalui gasii ringtang lesii nyii- mah ajaitingshang kito tamle, teitiileponii, meinah sapfii mpou gotei poisagoi tang karamle katu nangnii kada takumpiinii tam wotangpo? Meinah sapfii mpou ai tapo?”

³⁵ Jisunii ahnyii dakii tamle, “Nlailoisii tinglang shangniikii kava tei gonyii go kaswisii gonyii kak kito leitangle, kamyii tei gonyii phyiiryii gong kasu tiisii, gonyiinii kava tei dou kalei kak-kii, tatlo, kadapokii kamyii kito tat kalei mei teinii kadaki tatziipo katu ahnii timakle.

³⁶ Kava tei gonyii da kalei kak-kii, kava mah nahmei tiitang karam jangpiinii, kava gotei malumlo.” Jisunii sam ai tam kaleitai, mpounii tat tutakle ninado ahnyii dato mbeiwo takle.

Meinah mah malum kasu

³⁷ Mpounii tiika- mangou siiti hangniikii ahnyii doito tiikido, ahnyiinii mpougo malum makle;

³⁸ teipiinii Lungkakalingpii Isaiyanii tam kabam sam hangtei kasangpii madou gong matutang karam jangpii katunii, “Bangpii, nyiinii katam samtam tei tanii malumpyiipo? Sateichii tapiidakii Bangpii mah teimaham tei mati mangoupyiipo?”

³⁹ Teijangpii ahnyiinii malumpei wolak kiile, dapodinchii Isaiyanii nlailoisii tamle,

⁴⁰ “Ahnyiinii mik ngou matulak tang karam jangpii ninado ahnyii mah lungswi teinii timatulak tang karam jangpii ninado ahnyiinii guda nlaigongsii, Inii ahnyiigo rakani tei tii mbipyii matulak tang karam jangpii, Saraanii ahnyii mik tiimachet aitakle, sateichii ahnyii mah lungswi tei tiimatai aitakle.”

⁴¹ Isaiyanii Jisu mah pumtei kava tei ngou kalu jangpii mpounii mpoumah kaang kito tamle.

⁴² Teitiikido Jehudimei ki teima- ham kajum mei hangkanii mpougo malum wotakle, nlenii Jehudimei mah ndwini teito paktoi kasu tiisii, Farasismeigo kahing jangpii ahnyiinii teimah kaang kito madupii rashii makle.

⁴³ Kadapokii Saraanii tam kamatoi sung meinii tam kamatoi tei ahnyiinii kisii marai takle.

Jisu mah samkang piinii samtak katii

⁴⁴ Jisunii rok sagoisii tamle, “N-gu kamalum ahteinii n-gu roinii malum makle, nlenii n-gu lang kama- gong mpou godo malumle.

⁴⁵ N-gu kangoumei hangteinii n-gu lang kamagong mpou godo ngou leile.

⁴⁶ N-gu kamalum mei hangteinii kamyii kito lei matulak tang karam jangpii, Inii kava tiisii sazyii pouryii gongtakle.

⁴⁷ Mei kata hangninanii gusam shii wosii teigotei swisu leponii Inii ahgo samtak tiimakle; kadapokii Inii sazyii pouryiigo samtak tiitang karam jangpii gong- makle, nlenii Inii sazyii pouryiigo keipyii tang karam jangpii gongle.

⁴⁸ N-gu mazhii kasu ninado gusam lukasu ahgotei samtak tiitang karam hangninii leile, Inii tam kabam sam teipiinii kalui piinei leimik mpoumah samtak tiitangle.

⁴⁹ Kadapokii Inii gumah teimaham kito tam makle, nlenii n-gu lang kamagong Pfii teinii, Inii kadapei tam tangpo ninado kadapei malhii tangpo katu mpounii n-gu kakhatpyii takle.

⁵⁰ Mpoumah kakhatsam ainii kalui kaga karingle katu Inii tile; teipiinii Inii tam kalei ai Pfiinii gudakii katam tei Inii tam leile.”