JEMS 4 - KARANU KABI SAMTAM

Sazyii pouryiigo kanghe katii

¹ Gonyii kak kito satii saryii ninado n-gi razyii hang ai kada kito patpo? Gonyii pumpotmah njai hang kito saryii tiisii kalei gonyiimah kamarei ka-ntha hang kito makpo?

² Gonyiinii mah mareile, nlenii go- nyiinii doumakle, teijangpii gonyiinii gile. gonyiinii hangkapii mah kata mareile, nlenii gonyiinii doupei lakle, teijangpii gonyiinii ka n-gile ninado saryii tiile, kadapokii gonyiinii khang makle.

³ Gonyiinii khangle sateichii doumakle, kadapokii gonyiimah pum- zainii kamarei ka-ntha hang kiteikii tiimaga tang karam jangpii gonyiinii maning maasii khangle.

⁴ Gonyii sapwimei sapfiimei kashyii kahong tha katiimei! Sazyii pouryiigo kanghe katii ai Saraago ngou karoumeile katu gonyiinii timakde? Teijangpii kata kangkanii sazyii pouryiigo kanghe tiikanyiimei teinii ah roinapiinii ahgo Saraamah angouroumei tiisii leile.

⁵ Mak-kii “Saraanii nyii lung kikii kai kabam rangii ai hangkapiinii mahungsii doukanyiipii tokryiile sii kabi rasam kito tam kalei ai kasang maklesii gonyiinii maning leipo?”

⁶ Nlenii Saraanii jumage kapyii tei kisii pyiile; teijangpii kabi rasam kito tamle, “Detkadi meigo Saraanii mazhii makle, nlenii lung kamanoi meigo jumage kapyii tei pyiile.”

⁷ Teijangpiinii gonyii roinapii gonyii Saraa dakii pyii ailo, Sara kashyii gotei saryii tiilo, teito ahnii gonyii dato pakga tangle.

⁸ Saraada manang liitlo, teito mpounii gonyiida manangliit pyii tangle. Gonyii bah tiimatei ailo, gonyii kem kama mei, sateichii gonyii lung tiimatei ailo, gonyii lungswi hangna kapungmei!

⁹ Swi kamagelo, mageelo, ninado hat tulo, gonyii mah kanui tei kahat kikii, sateichii gonyiimah ka-nta tei swi kasyii kikii tiikali ailo.

¹⁰ Gonyii roinapii gonyii Bangpii doito sanasii lung manoilo, teito mpounii gonyiigo poisagoi pyii tangle.

Go kangsanapii phyiiryiikii samtak tiisulo

¹¹ Kangsanamei, hangninanii hang- ninii phyiiryiikii sam kashyii tam sulo, Kangsanapii phyiiryiikii sam kashyii katam mak-kii kangsanapii go samtak katii ah teinii ajaiting- shang go tam mashyii leile sateichii samtak tiileile, gonyiinii ajaiting- shang go samtak tiileponii, gonyiinii ajaitingshang tai kaswimei makle, nlenii ajaitingshang go samtak katiimeile.

¹² Keipyii kabui ninado tiimaga kabui ajaitingshang kapyiipii ninado samtak katiipii ah teinii hang- ninii roile. Nlenii goki tiinaniipa- meigo samtak tiikalei nangnii tapo?

Det palhii disulo

¹³ “Tingnei mak-kii supounei nyii- nii teiki namdi kitei maasanii, teikito tingkumkii bampii lilaa tiitakpokii, katong fiitanglesii tam kaleimei gonyii, aitoi patlo.”

¹⁴ Supounei kadapei pat tangpo katu katangdo gonyiinii timakle, gonyiimah tiilung ai kada- peipo? Gonyiinii tinglang shangniikii jangpii gongsii gakatu kamong takumle.

¹⁵ Tei tungpii “Bangpiinii mazhiipyii leponii, nyiinii ringsii ai ai mak-kii tei tei tiitangle” sii gonyiinii tam tang karamle.

¹⁶ Nlenii aitoinii gonyiinii det palhii tiile, ninado aghang tiile. Tei kakum aghang katii hang ai kashyiile.

¹⁷ Teijangpii kadapei tiichii bipo katu tisii kabi tei tiikasu ai ah jangpiinii kamale.