HEBRUMEI 13 - KARANU KABI SAMTAM

Kada takumpii Saraa dzyii karanga tiitangpo

¹ Sung kating taikarhii mah kalungsyii katu tei taksupii leimatulo.

² Juti kasumeigo lung- kasyii mangoutang karam tei mangai sulo, kadapokii aitiisii mei kangkanii tisang tisupii sating gamlui hang go lukai takle.

³ Kabang kilungto kalei ahnyiigo gonyiinii kaswisii bang kabam tiisii kalei takumpiinii maning gonglo; ahnyii takumpii gonyiiniido kamage kalak pung leile katupii, kamage kalak pungsii kalei ahnyiigo maning gonglo.

⁴ Kalakna katii ai meihangnii dzyiirou tang karamle, sateichii kalakna katii zyii tei hong matu sulo. Kadapokii sapwimei sapfiimei kashyii kahong tha katii ninado masung maha katumei hang go Saraanii samtak tiitangle.

⁵ Gonyiimah tiilung tei sanah marei matusulo, gonyiinii gonyiimah kabam teipii lung kashaat tei dou- matulo; kadapokii Saraanii tamle, “Inii n-go mpatsang mpat lakle sateichii Inii n-go toisang toipyii lakle.”

⁶ Teijangpii nyiinii lungdisii tamwo buile, “Bangpii ai n-gu tiiha kapyiipiile, Inii hinglakle, meinii n-gu kadapei tiiwo tangpo?”

⁷ Gonyiimah doimajang katatmei, gonyii dakii Saraa samtam tam kapyiimei hang gotei maning gonglo, sateichii ahnyiimah tiilung kito pat kalei tei maninglo, sateichii ahnyii- mah kamalum mah ajai-gok tei rali wolo.

⁸ Jisu Kristanii ndaneido, ting- neido kalui kaga tinglang katangdo njoile.

⁹ Kataam ninado katwum katwum ralikapyii hang teipiinii gonyiigo kasang pwidi kiteito chyiisii tat matu sulo; chiitak mah ajaitingshang go swikatu teisupiinii, Saraamah jumage kapyii kiteito alungmah teimaham doukatu ai bile, Aihang aigo swikalumei hang gotei tei teipiinii kabi tei pyiimakle.

¹⁰ Jehudimei mah kamata bam kito nga ngasii kalei kanat kajum atingmei hangnii nyiimah pyiikatoi- bam gamto kalei kakarat pot hangni- nii kado chiitang karam majyii gale.

¹¹ Kadapokii kem jangpiinii pyiitoi tang karam jangpii kanat kajum atingmeinii kamatei bam lung poiliit katu zai teimah kounah hang mah pumrong hangtei kikajangto rutoi aileile.

¹² Mpoumah zai sekpiinii meinahgo kem kito tiimatei pyii tang karam jangpii Jisuniido namdimah sabato taipyii takle.

¹³ Teijangpii nyiiniido mpoumah ka-nrou njai tei dou njoitang karam jangpii namki saba mpou datei tat tude.

¹⁴ Kadapokii sazyii pouryii aito nyii jangpiinii bamsang bam tang karam namdi tei gale; gongtang karam namdi gotei nyiinii jusii leile.

¹⁵ Tei- jangpii mwipiinii kapyii kakarat katunii, mpougo Bangpii tiisii, Jisu paikito Saraa dakii nyiimah kakarat tei taksupii nyiinii pyiide.

¹⁶ Kabi tiitang karam ninado hangninanii hangniniigo tiiha tang karam tei mangai sulo, dapodinchii ai kakum kakarat hang aipii Saraago dzyii karanga tei tiile.

¹⁷ Gonyiimah doimajang katatmei sam swilo, sateichii ahnyii kang nkanglo, kadapokii gonyiinii tha tiikabam mah azhii mashak kabam tei ahnyiinii Saraa dakii pyiitang karam taiswisii, ahnyiinii ntasupii gonyiimah rakot hang go jupyiisii leile. Ahnyiinii katam tei gonyiinii swileponii, ahnyiinii ahnyii tha tei nta ntasii tiitangle, teisu dinchii ahnyiinii lung magesii tiitangle, sateichii tei teinii gonyii jangpii kabi tei gatangle.

¹⁸ Nyii jangpii riitaseilo, kada- pokii mahlyii hang kito kasang tei tiinyiisii kalei, kabi kashyii tikabui lungswi kamatei tei nyiida leile katu nyiinii malumle.

¹⁹ Sateichii Saraanii n-gu gonyii dakii magongpyiiloi kabui tiisii riita seilo sii Inii kisii gonyiigo khang leile.

Kalui mah kariita sam

²⁰ Aitoinii kalui gasii sat tang karam samtam mah zai teipiinii Jaonah mah kadi Jao kakoipii, Nyii Bangpii Jisugo katai kito tiima- ringloi kapyii,

²¹ Kamajungmah Saraa teinii Jisu Krista paikito mpou mikjot kito dzyii karanga tei nyii lung kito tiipyiisii, mpoumah kamaning kamazhii tiitang karam jangpii kabi tha hang kito gonyiigo tiimatui tiimashangpyii matulo; ahgo kalui tiisupii tam kamatoi tei matulo, Amen.

Kalui sam

²² Kangsanamei, Inii gonyiigo khang leile, lung tiikamadimah sam tei leh pyiilo, kadapokii Inii gonyii dakii dwisii ryiipyii bamle.

²³ Nyii sanapii Timothigo kabang kito mpat- pyii aitakle, katu tei Inii gonyiigo timatunyiile, mpounii kalangsii gong- leponii, Inii mpougo kaswisii gonyiigo gong kadou tangle.

²⁴ Gonyiinii doimajang katatmei hang go sateichii kamateimei hang go nyii mah salam tei pyiiseilo.

²⁵ Saraamah jumage kapyii tei gonyii hang go kaswipyii matulo. Amen.