GALATIMEI 4 - KARANU KABI SAMTAM

¹ Nlenii Inii tam leile, katunii, mahtou toutang karampii teinii tiimasii kaleita teinii ahnii mahlyii- hang go kasangpii Apum tiisii jumsii leikado, kikaleimei hangninii doito mahkado thamki makle.

² Nlenii pfiinii retkabam leimik tei gongtang kasuta ahnii katingmei ninado mahbam kajumei kang nkangsii leile.

³ Teitakumpii nyiinii tiina kaleidou sazyii pouryiigo apum tiisii kalei rangiihang kang nkang matusii nyiigodo paineisii kaibamle.

⁴ Nlenii kadou tinglang tei kagong kak, Saraanii mpounah sapfii mpougo lang m-mangpyiile. Mpounii meinah sapfii mpou hangninii tiisii gongle, sateichii Jehudimei mah ajaiting- shang kangto lungle,

⁵ dapokii ajaitingshang kangto kalei meigotei kalei mpatpyiisii, Saraa nah sapfiimei hang tiimatu tang karam jangpii,

⁶ Gonyii ai mpounah sapfiimei hangle katu mangoutang karam jangpii “Abba! Gu Pfii!” Sii saa ka-mpat, mpounah sapfii mpoumah rangii tei Saraanii gonyii lung kikii langkai pyiitakle.

⁷ Teipiinii gonyiinii kikaleimei taisutakle, nlenii nah sapfii mpou tei takle; sateichii nah sapfii mpou teileponii, Saraa paito mahtou katou teido takle.

Galatimei jangpii Polnii kamaning

⁸ Gonyiinii Saraago tisupiinii kalei karei tinglangki, nunuto sara kasuhang go gonyiinii maningsii leile.

⁹ Nlenii aitoinii gonyiinii Sa- raago tigong takle, nle, teidoito kisii Saraanii gonyiigo tigong taklepokii, kasui ninado ka-nkhii rangii hang datei kada takumpii gonyiinii nryiigong loitupo? Teikito nlailoisii gonyiinii kikaleimei katii tei mareipo?

¹⁰ Gonyiinii leimik sakhii tinglang ninado tingkum hang ryiile.

¹¹ Inii gonyii jangpii tha katii tei kadak taklesii Inii gonyii jangpii hingle.

¹² Kangsanamei, Inii gonyiigo khangleile, Gu takumlo, kadapokii I-do gonyii takumle. Gonyiinii n-gu makado tiima makle;

¹³ nlenii gonyiinii tile katunii, gupum kasui jangpii karei tinglangki Inii gonyii dakii kabi rasam tam ralipyii takle.

¹⁴ Sateichii gupum katii teipii gonyiigo jaikaju hangninii katii tei gonyiinii maning kamala mak-kii mazhii kasu tiisii makle; nlenii sating gamlui hangniniigo takumpii, nle, Krista Jisu sekgo takumpii gonyiinii n-gu lukaipyii takle.

¹⁵ Gonyiinii hangkapii ka-ntatei kada takumpii tutakpo? Gonyiinii gonyiimah mik katangdo lat mpat tobui leponii, lat mpat tosii gonyii mah mik katangdo n-gu pyii kabui takumpii leilesii Inii tam wobuile.

¹⁶ Teitiileponii, gonyii dakii kasang tam kalei teipii Inii gonyiimah angouroumei tiitu takpo?

¹⁷ Mei kakimei teinii gonyiigo hangkapii lungkaring tei mangousii leile, nlenii ahnyii lungswi teinii bimakle, ahnyiinii kamarei teinii kadapeipokii gudato gonyii aigo paitam tang karam aile kadaponii ahnyiinii gonyiigo lungkaring kabam takumpii ahnyii lungto kalei lungkaring tei gonyiiniido bam matu tang karam jangpiile.

¹⁸ Kadapokii Inii gonyiigo kaswisii kalei ting- langki roinii supii, tinglang kaleita kabi tha jangpii lungkaring kabam tei bile.

¹⁹ Lungkasyii gunahmei! Gonyii lungto Krista mah jaitalui tei tiimakhii kasuta pwinii nah kamanaa- ki kamage kalei takumpii Inii gonyii jangpii Kamagesii bamle.

²⁰ Sateichii Inii aitoi gonyiigo kaswisii kabam ninado gurok shii kathai tang karam jangpii maningsii leile, kadapokii gonyii jangpii Inii lung kamage takle.

Hagar nei Sarah dato doukalu ndasam

²¹ Ajaitingshang kang nkang kanhyiimei n-gu tampyiilo. Gonyiinii ajaitingshang teinii kada lesii tampo katu gonyii shii makde?

²² Kadapokii aitiisii ryiibamle, katunii, Abraham nah sapfiimei hangna leile, hangni- nanii kabang peipwi nahle, sateichii hangninanii bang kasupei pwi nahle.

²³ Nlenii kikaleipei nah teinii pum taiswisii lungle, nlenii kileikasupei nah tei riishii paikito lungle.

²⁴ Aitoinii ai ai Saraanii tiidasii poi mpat kabam nda rasam teile. Ai sapwimei hangna ai Sat tang karam samtam hangna teile, hangninii teinii sinai-zang gamtole, kikalei mei tiimatu tang karam jangpii nah kalung Hagar teile.

²⁵ Arab sazyii kito kalei Sinai zangtung tiisii kabam Hagar ai aitoitoi kalei Jerosalemgo raile, daponii lupeinii mpoupei nahmeihang go pangsii kikaleimei tiisii bamle.

²⁶ Nlenii longryii lamto kalei Jerosalem teinii mpou rangra katii peile, sateichii mpoupeinii nyii pwile.

²⁷ Kadapokii aitiisii ryiibamle “Nah kaga sapwimei hang gonyii ntalo nah kalungmah mage dousang doukasu sapwimei gonyii ka-ntapii karuk karangsii saalo; kadaponii naanii toisang toikasu sapwi mpei mah nah sung mpoupei roinapiinii kalei sapwi mpei mah nah teinii kisii moitangle.”

²⁸ Aitoinii kangsanamei, nyiinii Isak takumpii riishii tiikabam mah nahmei hangle.

²⁹ Nlenii pum zai taiswisii lungkalu ahgo teitinglang ki kaset kalak kapyii takumpii, aitoido teitiisii leile,

³⁰ nlenii kabi rasam teinii dalesii tampo? “Kikalei sapwi mpei ninado mpoupei nah sapfii mpou gotei baatoi ailo, kadapokii kikalei sapwi mpeinah sapfii mpou teinii kileikalupei nah sapfii mpougo kaswisii pfiimah mahtou tei dou njoilakle.”

³¹ Teijangpiinii kangsa- namei, nyiinii kikalei sapwi mpei mah nahmei makle, nlenii rangra katiipei nahmeile.