TIILAMLWI KAPYIIMEI THA JUKAMATI 21 - KARANU KABI SAMTAM

Polnii Jerosalem ki kagong

¹ Sateichii nyiinii ahnyii dato tat n-nou kaleitai malyii gam tong gongsanii Kos ki katang pwidi tat majyiitok gongsanii, adoipiinei leimik kitei Roda ki sateichii Patara ki gong wotakle,

² Sateichii Phoni- siya ki tat majupat tang karam malyii dou wosanii, nyiinii tei tei tong wosii hoigong takle.

³ Sateichii nyiinii Kaipras tei ngou wosek-kii, tei tei abilamkii kai aisii Sairiya lam- pang hoigong sanii Tair ki khiitakle.

⁴ Sateichii boumeigo kadou wosii, teikito leimik sana bam takle, ahnyii teinii rangii kamatei paikito Polgo Jerosalem ki maa matulak tang karam jangpii sam tam takle.

⁵ Sateichii leimik tei sang sekkii aitiisii pat takle, nyiinii tat n-nou wosii nyii tiibui pwidi tei tat tutakle, sateichii ahnyii-noumei ninado ahnyii nah meihang kaswisii nyiigo namdi ki kajang katang tei kapoupyii takle, sateichii dwijaiku teito kok kumsii riitasanii nyii hangninanii hangni- niigo n-nou tang karam sam tam takle;

⁶ Sateichii nyiinii malyii gam tong wotakle sateichii ahnyiinii kilampang nlaitu takle.

Kaisariya ki kagong

⁷ Sateichii nyiinii malyii gamto katat tei sang aisii, Tair kito Tolema ki gong wotakle, sateichii nyiinii kangsanamei hang go salam tiisanii ahnyiigo kaswisii tingneikii bam takle.

⁸ Sateichii supounei leimik tei nyiinii tat n-nou aisii Kaisariya ki gong takle. Sateichii mei sana kak kiteito mei hangninii kabi rasam tam katatpii Philip ki kalung tei liit wosii mpougo kaswisii bam takle.

⁹ Sapfii mpou aipou kinah ralhiimeinah madai bamle, ahnyii tei Saraa sam katam meile.

¹⁰ Nyiinii tinglang shangniikii teiki bam leibangpii, Ju- diya kito Lungkakalingmei hangninii zei Agabas katupii tei gongle.

¹¹ Mpounii nyiida gongsii, Pol mah haikak teipii mpoupi mpoubah hangtei peinei aisii tamle, “Aitiisii rangii kamateinii tamle, ‘ai haikak apumpii aigo ai takumpii Jehudi- meinii Jerosalem kito peinei tangle, ninado ahnyiinii mpougo lui kakimei bah kikii pyiitoi aitangle.’ ”

¹² Ai ai nyiinii shii wosek-kii nyiinii ninado teikito kalei meihangnii Polgo Jerosalem kitei gongsulosii namle.

¹³ Nlenii mpounii khekalatle, “Gonyii kadapei tiileipo, aitiisii hatsii ninado gulung tiipaksii? Jerosalem kito n-gu reng peitang karam jangpiinii Inii tiikada takle.”

¹⁴ Sateichii mpougo hempei woka- lak kito, nyiinii tou aisii tamle, “Bangpii mah kamaning tei tiimatulo.”

¹⁵ Tinglang shangniikii teiki bam kaleitai, nyiinii nyiimah tiikada wosii, Jerosalem ki katang pitang karam jangpii tat tutakle.

¹⁶ Sa- teichii nyiigo Kaisariya kito boumei chengniikado kaswisii tatle, ahnyii- nii nyiigo ki rhii matutang karam jangpii ndou karei kak boumei hangninii, Kaipras kito kalungmei Manason ki kalungkii pang gong takle.

Polnii Jemsda kagong

¹⁷ Sateichii nyiinii Jerosalem ki gong sek-kii kangsanamei teinii ntasii lukai pyiitakle.

¹⁸ Sateichii adoipiinei leimik tei Polnii nyiigo kaswisii Jems kitei liit takle sateichii katingmei hangdo haile.

¹⁹ Teito mpounii ahnyiigo salam tiikaleitai, mpounii tha katii kito Saraanii lui kakimei kak kikii tiikapyii atha tei nsang nsangpiinii mpounii tam mpat tutakle.

²⁰ Sateichii ahnyiinii tei tei shii wosek-kii, Saraago tam matoile. Sateichii ahnyiinii mpou dakii tamle, “Kangsanapii Pol, nangnii ngoule, Jehudimei kak kito malum kalumei thang kadazii leipo? Sateichii ahnyii- hangnii ajai tingshang gotei kada- ziikapii lungliitpo?

²¹ Teijangpiinii kadapei tiitangpo? Kadapokii nang gongtakle katu ahnyiinii soisupii shiitang takle.

²² Teijangpiinii kadapei tiitangpo? Kadapokii nang gongtakle katu ahnyiinii soisupii shiitang takle.

²³ Teipiinii nyiinii godakii katam ai tiiseilo, ahnyii roinapii riishii tiikabam nyiimei sapfiimei madai leile.

²⁴ Ai sapfiimei ahnyiihang aigo pangsii ahnyiigo kaswisii nang roinapii tiimatei ailo, sateichii ahnyiinii ahnyii phyiitaitoi tang karam jangpii ahnyii mah pat kalei tei pung pyiilo; sateichii ahnyii dakii go kaang kito tam kalei samtei kasang makle, nlenii nangdo ajai- tingshang taiswisii ryiisii tat leile katu tei ahnyiihangnii titangle.

²⁵ Nlenii malum kalu lui kakimei kaang kito, Saraa dakii pyiitoi kalei pot, azai kachii, azai mpatsupii tiika- tat kamyii ninado sapwimei sapfiimei kashyii tha katii hang kito ahnyiinii mpou mpou roinapiinii mpaa matu tang karam jangpii nyiinii samtak tiisii larek ryiipyii aitakle.”

²⁶ Teito Polnii sapwimei hang gotei pangsii adoipiinei leimik tei ahnyiigo kaswisii mpoupum tiimatei aisii, ahnyii meihang jangpii pyiitoi tang karam pot tei pyiitoi kaleitai, tiikamatei mah leimik kashang mati tang karam jangpii Saraa kamaning kilung tei mpounii tatliitle.

Saraa kamaning kilungto Pol go jum kalu

²⁷ Sateichii leimik sana tei sang- tuna Asia kito Jihudimeinii mpougo Saraa kamaning kilungkii ngou wosek-kii, meihang gotei katwisii mpou phyiiryiikii bah kaisii,

²⁸ saa mpatle, “He Isrel ki sapfiimei, tiihalo! Bamlyii hang kito nyii meigo ajaitingshang go sateichii bam aigo tam mashyiisii meihang go rali- kapyiipii tei aile sateichii aidoito kisii mpounii Grikmeihang go Saraa kamaningki lung pangliitsii kamatei bam aigo tiimahong aitakle.”

²⁹ Kadaponii aisung kareiki ahnyiinii Iphisas mpfii Trophimas go mpounii kaswisii kalei tei namdi kikii ngoule. Sateichii mpougo Polnii Saraa kamaning kilungkii pangliit taklesii ahnyiinii maning wotakle.

³⁰ Teito namdi hang kitei akoi moitu takle sateichii mei hang kaswisii paksii ahnyiinii Polgo jum wosii, Saraa kamaning ki lung teito mpougo chyii mpat takle, sateichii teisek-kii takam hangtei kakam aitakle.

³¹ Sateichii ahnyiinii mpougo gitanglesii tiileibangpii, Jerosalem bamlyii hang rampou aitaklesii saryiimei kak kito kasagoi kadipii dakii sam ai poimakhii takle.

³² Teito mpounii saryiimei ninado saryiimei hai phyiiryiito apum katii katii- meihang go pangsii ahnyiida katang tei pak hum takle; teito ahnyiinii kasagoi kadipii ninado saryiimei gotei ngou wosek-kii, Polgo dat kalei tei toutakle.

³³ Teitinglang kitei kasagoipii kadipii teinii mpouda ma- nangliitsii mpougo jum wosii sagyii bah rangkat hangnapiinii peitang karam jangpii mwija pyiitakle, sa- teichii mpou ai tapo ninado mpounii kadapei tii aitakpo katu n-nhiitakle.

³⁴ Sateichii meihang kak kiteito mei kangkanii sam hangninii, kangkanii kaki sam hangninii saa mpat takle sateichii kasaa kalei koi nrung jangteipiinii mpounii kasang tei tipei wokalak jangpiinii mpougo sakui kilungkii pangliit kai ailosii mwija pyii aitakle.

³⁵ Sateichii mpounii pihai kitei tat khii sek-kii, meihang- piinii kalak kathai jangpiinii mpougo saryiimeinii kasisii poitatle.

³⁶ Kada- pokii meihang teinii “Mpougo gi ailo!” sii saasii saasii atai swi leile.

Polnii mpou roinapiinii dang katu

³⁷ Sateichii Polgo sakui kilung pangliit tuna mpounii kasagoi saryiiki kadipii dateikii tamle, “Inii godakii sam tamne!” Teito mpounii tamle, “Nang Grikmei lat timakpo?

³⁸ Tei- tiileponii, leimik aihang doiki teito meigo kagi sapfiimei thang madaigo katwisii sazyii kamarong kikii chyii ka-mpat Izip mpfii tei nang makde?”

³⁹ Nlenii Polnii tamle, “Silisiya kito kalei Tarsas, arou katii namdi kito lungkalei mei hangniniile, n-gu lungsyiisii meimoi dakii sam tam matulo.”

⁴⁰ Sateichii mpounii ahgo mazhii- pyii sek-kii, Polnii pihai gam teito tusat tosii meimoi dateikii mpou- bahpii kahai takle; sateichii meimoi teinii malhiisu takle sek-kii mpounii Hebru latpii malhiisii ahnyiidakii tamle.