2 TIMOTHI 4 - KARANU KABI SAMTAM

¹ Saraa doito sateichii karingmei nei kataimeigo samtak tiitang karam Krista Jisu doito mpoumah mangoukapyii ninado mpoumah sagong mah sating sazyiigo latsii Inii pyiileile.

² Samtei tam ralipyiilo, tinglang kido, tinglang kasu kido tiisii leihumlo, lungleh kati sateichii ralikapyii hangteipii njasii swiki liit matulo n-gipyiilo, ninado lung tiimadi pyiilo,

³ kadaponii kabi ralikapyii gotei meinahnii shii kalak tinglang gongtangle, nlenii ahnyii pumzai mah kamarei ka-nta hang teitei switangle sateichii ahnyiinii shiinyiisii khoi mataksii kalei sam tei ahnyiigo tampyii tang karam ma- dhiikapyiimei gotei ahnyiinii ahnyii jangpii kisii kisii poi nkomtu tangle.

⁴ Ahnyiinii kasang sam shiitang karam kiteito mpaasii tat nrek tutangle sateichii meinahnii likalu kakadak rasam hang kiteikii ahnyiinii lung maswitangle.

⁵ Nlenii nangnii mahlyiihang kito lung nlaisupii sangtingsii satlo, kamage kalak tei lehlo, kabi rasam tam rali kapyiimei tha tei tiilo, sateichii neikii neikii tiikamajyii gotha hangtei nangnii Saraa nga kangamei hangninii tiisii tiilo.

⁶ Kadapokii gujangpiinii karat toitang karam tinglang toi gongtakle; ai karing aigo toi aitang karam tinglang tei aiki leitakle.

⁷ Kabi sa- ryii katii tei Inii tiitakle, pak kamaga tang karam tei Inii tiisang aitakle, kamalum tei Inii ryii wotakle.

⁸ Aitoisekpiinii kasang kamajyii mah phyiihung tei gujangpiinii kaidek- bam takle, teitei kasang kamajyii samtak katii Bangpii teinii teipiinei leimik gudakii pyiitangle, sateichii teitei gudakii roinii makle, nlenii mpoumah nlai kagong maraisii koikalei meihang dakiido pyiitangle.

Nli sam

⁹ Kalangsii guda gong kalu tiilo.

¹⁰ Kadapokii Demasnii sazyii pouryii aigo lungkasyii kito n-gu toi aisii Thesolonika ki tat tutakle; Kresens- nii Galatiyaki tat tutakle, sateichii Taitasnii Dalmotiyaki tat tutakle.

¹¹ Luk roinii n-gu kaswisii leitakle. Mark go fiisii n-go kaswisii mpougo pang gonglo; daponii tha katii kito mpou ai n-gu tiiha wobuile.

¹² Taichikas go Inii Iphisas kikii lang matu takle.

¹³ Nangnii kagong tinglangki, Troas ki karpas dakii Inii kaikabam paijou kathang kadi tei sateichii larek hang teido sateichii routiisii kounah tiigyiipii katii larek tei poi gonglo.

¹⁴ Sagyii karakipii Alekjender teinii n-gu hangkapii kashyii tiibamle; mpounii tiikabam tha taiswisii Bangpiinii mpougo alangh pyiitangle.

¹⁵ Nangniido mpou dato sakai wolo; daponii mpounii nyiimah kabi rasam aigo mazhiisang mazhii makle.

¹⁶ Gumah karei dangtang karam sam katam tinglang kak mei kaniido gulam satpyii makle; nlenii mei hangnii n-gu toimareile, ahnyii phyiiryiikii Saraa nii ai ai fiisei sumatulo.

¹⁷ Nlenii Inii kabi rasam tei mashangsii tam mpat kabui tiisii, sateichii Jehudimei kasu lui kakimei hangnii samtei shii matutang karam jangpii, Bangpiinii guda satpyiisii gudakii teimaham kaipyii takle; sateichii kounungsa mah mwi kito n-gu keipyii takle.

¹⁸ Sateichii Bang- piinii kashyii kahong hang kiteito n-gu keipyiisanii mpoumah sating gam sagong sazyii jangpii n-gu keipyii tangle. Mpou dakii kalui gasii tam kamatoi tei matulo. Amen.

Kaluimah salam

¹⁹ Prescilla, Akuila sateichii Onisiporas ki kalungto kalei hang go gumah salam tei pyii leile.

²⁰ Irastasnii Koren kito ntak tutakle, sateichii Trophimasnii rakani jangpii Miletas kikii Inii kai aitakle.

²¹ Sataidou gong kasunakii gong kabui tiisii tiigatlo. Eobulas, Pudens, Linas, ninado Kloudiyanii ahnyii mah salam tei magong leile, sateichii Kristen kang sanamei hangnii teitakumpii salam pyiileile.

²² Bangpiinii gorangii go kaswi pyii matulo. Jumage kapyii tei gonyiihang go kaswipyii matulo.