1 THESOLONIKAMEI 4 - KARANU KABI SAMTAM

Saraa dzyii karanga katii tiilung

¹ Kalui kito, kangsanamei, gonyii- nii kada takumpii lung tangpo, sateichii kada takumpii Saraa dzyii karanga tiitangpo katu nyii dato gonyiinii doukalu takumpii, sateichii gonyiinii tiido tiisii kalei takumpii, gonyiinii kisii kisii tiimatu tang karam jangpii Bangpii Jisu zei kito nyiinii gonyiigo khangdo khang leile sateichii katwido katwi leile.

² Kadapokii nyiinii gonyiigo tiilosii tam kapyii ralikapyii hangtei gonyiinii tile.

³ Saraanii gonyiigo mateisii sateichii sapwimei sapfiimei kashyii kahong tha katii kito sajek gasii lung matunyiile; katunii, (matei kasu kiteito gonyiinii mazhii sulo.)

⁴ Saraago tikasu luikakimei takumpii, pumzaimah marei majang kito supii,

⁵ gonyii meihangnii mpou mpou nougo kamatei ninado dzyii ka-nrou kito lungti tang karamle.

⁶ Sateichii mei kata hangninaniido mpou sanapiigo aikaang kito tiima- jusii kama tei tiilak tang karamle, kadapokii nyiinii gonyii dakii tiiloi sulosii reipii kakhat kabam sateichii sakchyii pyii kalei takumpii, aihangmah kaang kito powrui tang karam teinii Bangpiile.

⁷ Kadapokii Saraanii nyiigo kashyii kahong kito lung matu tang karam jangpii latmakle, nlenii kamatei kito lung matu tang karam jangpii latle.

⁸ Tei- jangpii aigo mazhii kasumei teinii meigo mazhii kasu tei makle, nlenii gonyii dakii mpoumah rangii kamatei pyiisii kalei Saraago mazhii makle.

⁹ Gonyii kangsanameigo kalungsyii matutang karam mah kaang kito mei kaniido gonyii dakii ryiitang karam kabi tei gale. Kadapokii hangninanii hangniniigo kada takumpii kalung- syii tangpo katu tei gonyiigo Saraanii ralipyii takle.

¹⁰ Sateichii kasangle gonyiinii Mesidoniya kito kalei kangsanamei hang go kalungsyiile. Nlenii kangsanamei, teisungdo kisii kisii tiisei losii nyiinii gonyiigo tam katwi leile,

¹¹ sateichii sabato kaleimei mah adzyii ka-nrou katii tei gonyiinii ngam wokabui tiisii, satei- chii gonyiinii mahkado tang kalak tiisupii,

¹² majungsii lungtang karam tiilung, mpou mpou mah tha tiitang karam, sateichii gonyii bahpii tha tiitang karam jangpii, nyiinii gonyiigo reipiinii tam kabam takumpii gonyiinii tiilo.

Bangpiinii gong tang karam

¹³ Nlenii kangsanamei, maning kamalum kaga kakimei takumpii gonyiinii lungswi kamagelak tang karam jangpii taikaleimeimah kaang kito gonyiinii tikasu tei nyiinii mareimakle,

¹⁴ dapokii Jisunii katai sateichii ringkakhii tei nyiinii malum leponii, tei takumpii, Jisumah paikito tai kaleimei godo Jisugo kaswisii Saraanii pang gong tangle.

¹⁵ Kadapokii Bangpiimah samtam teipii ai ai nyiinii gonyii dakii tam leile, katunii, Bangpiinii kagong tinglangki mashak kalei nyiinii tai kaleimei doi tei reisang reilakle.

¹⁶ Kadapokii Bangpii pumsekpiinii sating gamto kahum mah kasagoi rok teipii, aphyii kasat sating gamlui mah rok teipii, sateichii Saraamah buika koi teipii kaswisii Bangpiinii sating gamto hum tangle; Sateichii Krista dato tai kaleimei teinii reipii ringkhii tangle;

¹⁷ teito teiki ting- langki ringsii kalei nyii aigo ahnyiigo kaswisii Bangpiigo kadoutang karam jangpii kamong kito sating gam pangkhii pyii tangle, sateichii aitiisii nyiinii tinglang kaleita Bangpiigo ka- swisii bamtangle.

¹⁸ Teijangpii gonyii hangninanii hangniniigo samtam hang aipii lung tii ntapyiilo.