1 KORENMEI 9 - KARANU KABI SAMTAMTiilamlwi kapyiimei hangninii mah majyii ninado tiikamajyii tha 1 I gu rangra tiisii kalungmei makpo? I tiilamlwi kapyiimei hangninii makpo? Inii Jisu nyii Bangpiigo ngoutak makpo? Bangpii jangpii Inii tha katii kito gonyii ai ti mati kalumei makpo? 2 Mei kakimei dato I-ai tiilamlwi kapyiimei hang- ninii mak kido, gonyii datonii I-ai tiilamlwi kapyiimei hangninii sekle; Kadapokii Inii tiilamlwi kapyiimei hangninii tiisii kalei mah siiti tei Bangpii lamto gonyiile. 3 N-gu jai kajumei dakii gumah dang tang karam samtei aile: 4 Inii gutha jangpii kachii kasak pyiimatu tang karam gumajyii lei makpo? 5 Tiilamlwi kapyii kakimei sateichii Bangpii taikarhiimei, sateichii Kaifas, ahnyii takumpii nyiinii Kristenmei nou hangniniigo nyiimah mbuini kaswisii katat tei nyii majyii gapo? 6 Mak-kii tha katii ntak tang karam jangpii I-nei Barnabas roinii majyii tei gapo? 7 Tanii mpoumah lei teipii saryiimei mah tha katii leipo? Riitilu tasanii teimah riiti tei chii kasu ta leipo? Sateichii jaokoi kikii makotsanii teimah nadwi sak kasu ta leipo? 8 Ai ai Inii meinah mah teimaham kito tam leipo? Ajaitingshang teiniido tei takumpii tam makpo? 9 Kadapokii Mosesmah ajaitingshang kiteikii ai ai ryiibam takle, “Arhii kusii padiit matu kalei twom madang gotei nangnii mwipei lakle.” Saraanii maning kalei tei twom madang jangpiiniipo? 10 Mpounii nyii jangpiinii tam leimakpo? Nle, ai ai nyii jangpiinii ryiibam takle, kadaponii lu rak kaleipii teinii njai dou njoi tangle katu mah maning kamalum kito lu rak tang karamle, sateichii lu karachetpii teinii njai dou njoi tangle katu mah maning kamalum kito rhiitei rachet tang karamle. 11 Nyiinii rangii mah kabi lwirou tei gonyii kak kikii ralikai bam takleponii, nyiinii gonyii dato apum mah riiti tei rachet toleponii, teitei moiju takpo? 12 Mei kakimeinii gonyii dato njai ai doutang karam majyii tei leileponii, nyiinii teisung kisii disii dou majyii makpo? Teitii kido nyiinii majyii ai poisii tha tiimakle, nlenii Krista mah kabi rasam pwidi kito doi kadang mpat lak tang karam jangpii nyiinii mah- lyii leh wotakle. 13 Saraa kamaning kilungto tha tiikalei mei teinii Saraa kamaning kilung teito ahnyii mah chiitak tei doule, sateichii rakuibam kito karatsii Saraago pyiikalei mei teinii kakarat mah njai tei dou njoi leile katu gonyiinii timakpo? 14 Tei takumpii kabi rasam tam tatsii kaleimei teinii kabi rasam kiteito ahnyii mah ringkabui chiitak tei doutang karamlesii Bangpiinii kakhatpyii takle. 15 Nlenii Inii majyii aihang ai poisii tha tiisang tiimakle, sateichii gujangpiinii aitiisii tiimatu tang karam jangpii Inii sam ai ryiimakle. Kadapokii mei kata hangninanii gumah det tiikamajyii tei kamarong samlat tiimalei katu sungnii gujang- piinii tai kaleipou bile. 16 Kadapokii Inii kabi rasam tam ralipyii leponii, teiteipiinii n-gu detdi matu tang karam akaang pyii makle; kadapokii tiisu kashyii tei guphyiiryiikii kaibam takle, Inii kabi rasam tei tam rali pyiisu leponii, gujangpiinii kamage teile! 17 Kadapokii gumah kamaning kamareipii Inii ai tiile- ponii, gumah alangh bamle, nlenii gumah kamaning kamarei teipii suleponii, gudakii mahbam kajumei mah tha tei lok kaipyii bam takle. 18 Teitii leponii gumah lhang tei kadapeipo? Teinii kabi rasam tam rali katu kito gumah majyii hangtei poisii tha tiitusupii, Inii tam rali kapyii kito mai poisupii matapii Inii kabi rasam tam rali kapyii teile. 19 Kadapokii Inii meihang dato gu rangra katii majyii tei leikido, Inii mei kisii dou wokabui jangpiinii, Inii guroinapii meihang mah kikaleimei hangninii tiimalei takle. 20 Jehudi- meigo dou wokabui tiisii, Inii Jehudi- meigo kaswisii tha tiikalei kak, Inii Jehudimei hangninii takum takle; Moses mah ajaitingshang kangto nkangsii kaleimeigo Inii dou wokabui jangpii I-ai Moses mah ajaitingshang kang nkangmak kido, Moses mah ajaitingshang kangto nkangsii kalei- meigo Inii kaswisii tha tiikalei kak tei Inii ajaitingshang kang nkang katu takum takle. 21 Teitakumpii lui kakimeigo Inii kaswisii tha tiikalei kak, lui kakimeigo Inii dou wokabui jangpiinii, Jehudimei mah ajaiting- shang kito thamsii lungkalei lui kakimei hangninii takumpii Inii lungle. Tiikalei aipii Inii Saraa mah ajaitingshang kang nkang makle katu mah makle; kasangpii I Krista mah ajaitingshang kangto leile. 22 Inii kamalum kasuimeigo douwo kabui jangpii, kamalum kasuimei dato Inii kasuimei hangninii takum takle; katalyii tiisii Inii mei kangkago keiling tang karam jangpii, Inii mahlyii mitakle meihang dato. 23 Sateichii Inii kabi rasam mah njai tei dou njoi wokabui jangpii, tei kaang jangpii Inii ai ai tiile. Pak kamaga katumah alangh 24 Pak kamaga katu kitei pak tang karam meihang teinii kamagale, nlenii mei hangninasang hangninanii alangh tei douleile katu tei gonyiinii timakpo? Teijangpii gonyiinii teitei douwo kabui tiisii pak tulo. 25 Nhok kamaga katuki hai kaleimei hang- teinii mahlyii hang kito mpou pumgo pungmatui pung majyiisii bamle. Ahnyiinanii gatu kabui kangam phyiihung tei doutang karam jangpii teitei tiileile, nlenii nyiinanii gatu kalak kangam mah phyiihung tei doutang karam jangpiinii tiileile. 26 Teijangpii Inii pak mashang tang karam aret kitei majyiisii pak leile; teijangpii Inii kagee katuki mpou mah baihoi kadak supii gee kaleimei hangninii takumle. 27 Nlenii Inii mei kakimei dakii kabi rasam tam ralipyiisanii gupum go poikasu tei tiimatu kasu jangpii, I-roinapii gupumgo tingrang pyiisii gukang nkangsii lung matule. |
Maram Naga, KARANU KABI SAMTAM © Bible Society of India, 2007.
Bible Society of India