1 KORENMEI 5 - KARANU KABI SAMTAM

Charsh kito kashyii kahong kapat

¹ Gonyii kak kito sapwimei sa- pfiimei kashyii kahong tha katii lei lesii tiigatpii nha tei tam takle, sateichii ai kakum sapwimei sapfii- mei kashyii kahong tha katii ai lui kakimei kak kitodo gale, kadapokii kangkii sapfiimei hangninanii mpou pfii nougo kaswisii zyii sii leitak lesii n-gu tam takle,

² teitii leponii kada takumpii gonyiinii detdiwo tangpo? Gonyiinii swi kashyiipii tokryii kajyiimakpo? Ai kakum tha tiikalei mei gotei gonyii kak kito poitoi maleilo.

³ Kadapokii Inii pum lamto gong haimak kido, gu rangii lamto Inii gong hai leile, sateichii Inii gong hai kalei takumpii, tei kakum kashyii tha katiimei gotei Bangpii Jisu zei kito Inii samtak tii aitakle.

⁴ Gonyiinii gong ndwi katukak, sateichii Inii gonyiigo gu rangii lamto kadou katu kak, nyii Bangpii Jisu Krista mah teimaham kaswisii,

⁵ ai kakum mei aigo, Bangpii Jisu mah leimik piinei mpou rangii tei keipyii wokabui jangpii mpou pum tei tiimaga aitang karam jangpii seitan dakii pyiitoi aitang karamle.

⁶ Gonyii mah det kadi tei bimakle. Ahee chengniikapii athok tom hang gotei toupat matu woleile katu gonyiinii timakpo?

⁷ Gonyii ahee hai kasu takumpii, gonyii athom kasatai tiiwo tang karam jangpii, ahee kaham tei tiimatei sagai ailo, kadapodinchii nyiimah Jehudimei mah kaakamaju hang-ngi mah jaonah, Kristago karat aitakle.

⁸ Teijangpii nyiinii nyiimah kaakamaju mah hang-ngi tei kem mah kaham ahee kaikahai kamaimhii ninado kashyii kahong mah tiirok tei chiisupanii, ahee kaihai kasu kamatei sateichii kasang mah tiirok tei chiide.

⁹ Kashyii kahong tha katiimeigo kaswi sulosii Inii gumah chiti kito gonyiigo katam teinii.

¹⁰ Sazyii pou- ryiito kashyii kahong tha katiimeigo, mak-kii kadi chii kanyiimeigo, ting- tugo kamata meigo, kajasang kaja sulo katugo makle; kadapokii teitii leponii, gonyiinii sazyii pouryiito tat marei tang karam takle.

¹¹ Nlenii Inii gonyii dakii ryii kapyii teinii Krista zei kito kangsanapii lesii lat kaleimei kata kangkanii; kashyii kahong tha tiisii, mak-kii kadi chii nyiisii, mak-kii ting tugo matasii, meigo satui sadzyii tiisii, jou sak panhiisii mak-kii ragasii lei le leponii, tei kakum mei gotei kajasulo katu roi- supii mah kachii katangpii kaswisii chii sulo siile.

¹² Kadapokii sabato kaleimeigo Inii samtak tiitang karam kadapei leipo? Gonyiinii samtak tiitang karam tei Charsh kilungto kaleimei go makpo?

¹³ Sabato kalei meigo Saraanii samtak tiitangle, “Gonyii kak kito kashyii kahongpii gotei poitoi ailo.”