1 KORENMEI 16 - KARANU KABI SAMTAM

Kamalum mei jangpii sanah tiikaha

¹ Aitoinii Judiya kito kalei kamalum mei jangpii njai pyii njoi matu tang karam mah kaang kito Inii Galatimei hang dakii tam kabam takumpii, gonyiiniido teita- kumpii tiipyiilo.

² Inii kagong tinglang kak sanah poi ndwi katu tei gatang karam jangpii, gonyiinii mpou mpoumah doukalu njai taiswisii hapta hapta kito leimik karei piinei tei meihangnii sanah chengniikii poitaamsii mpou mpou bah kikii kai ndwi matulo.

³ Sateichii Inii gong- sekchii, gonyiinii kamazhiimei gotei Inii jukamati sambang mah chiti tei pyiisanii ahnyiigo langsii gonyiinii kapyii sanah tei Jerosalem ki poimaa matu tangle.

⁴ Sateichii I-do kamaa tei kabi lei lepochiinii ahnyiinii n-gu kaswisii tat tobuile.

Polnii reipii kamaning

⁵ Inii Mesidoniya sumto tat majupatsanii gonyiida gong tangle; Kadapokii Inii Mesidoniya sum tat majupat tangle.

⁶ Inii gonyiigo ka- swisii tinglang shangniikii mak-kii satai tinglang hangtei kaswisii bamdo malahle; tei taito gumah mbui ai tatjou kabui tiisii, Inii adoi tat tang karam bam hang kito gonyiinii n-gu tiiha wobuile.

⁷ Kadapokii gonyiigo Inii aitoi pwidi lamsangto kadou katu tei mareimakle; kadapokii Bang- piinii mazhiipyii leponii, Inii go- nyiigo kaswisii tinglang kathangkii bamnyiile.

⁸ Pentikos piinei leimik katang tei Inii aiki Iphisas ki bam tangle.

⁹ Kadaponii ngou karoumei hangkii leisii leikado, sangtingsii tha tiimatu tang karam takam kadi tei n-gu laatpyiibam takle.

¹⁰ Timothinii gong leponii, gonyii- nii tiigatpii lukaipyii tang karam jangpii gonyiinii juseilo; kadapokii Inii tiikalei takumpii mpouniido Bangpii tha tiileile.

¹¹ Teijangpiinii mei kaniido mpougo maning malah tei tiimatu sulo. Nlenii mpounii guda gong tang karam jangpii, majungsii mpougo pwidikii kapouseilo; kadaponii Inii mpougo kangsanameigo kaswisii nlaigong tang karam jangpii koisii bamle.

¹² Aitoinii kangsanapii Apolos mah kaang kito, Inii mpougo kang- sanameigo kaswisii gonyiida gong matu tang karam jangpii teisii tam katwi bamle; nlenii aitoi toi gongtang karam tei mpounii maningsang maning makle, nlenii tinglang kabi tei dousekchii mpounii gong tangle.

Kalui mah samtam

¹³ Gonyii sakai wolo, kamalum kito sangtingsii satlo, pfiimeinii tiikamajyii tha tei tiilo, rai gasulo.

¹⁴ Gonyiinii katii hangtei lungkasyii kito tiilo.

¹⁵ Kangsanamei, gonyiinii Stifa- nas ninado mpouki kalungmeimah kaang kito tile; katunii Akaiya kito Kristen tiipat karei tei ahnyiile, sateichii ahnyiinii ahnyii roinapii Saraa tha tiisii kaleimei nga ngatang karam jangpii pyiile.

¹⁶ Ai kakum ai, sateichii ai kakum tha tiisii kaleimei, ninado ahnyiigo tiiha punghasii kaleimei kang tei gonyiiniido nkang seilosii Inii gonyii dato khang leile.

¹⁷ Sateichii Stifanas, Forchunatas ninado Akaikas, ahnyiinii gong kapyii jangpii Inii nta rangale; kadapokii gonyiinii gong kasu jangpii tang kasu hangtei ahnyiinii tiitokryii pyiitakle.

¹⁸ Kadapokii ahnyiinii n-gudo gonyii godo tii ntapyii takle, teijangpii gonyiinii tei kakum mei gotei jutiseilo.

¹⁹ Asia kito kalei charsh hangnii gonyiigo salam pyii leile. Akuila nei Prescillanii ahnyii kilungto gong kadou kadou kalei Charsh meigo njasii Bangpii zei kito ka-nta mah salam tei gonyiigo pyii leile.

²⁰ Aikito kalei kangsanamei hangnii gonyiigo salam tei pyii leile. Kamatei kamatwum teipii njasii hangninanii hangniniigo salam tiilo.

²¹ Pol, Inii salam ai gubah sekpiinii ryii leile.

²² Bangpiigo lungsyii kasumei hang teinii sheeng kapyii tei doumatulo!

²³ Bangpii Jisu mah jumage kapyii tei gonyiigo kaswipyii matulo.

²⁴ Gumah lungkasyii tei Krista Jisu zei kito gonyii hang go kaswipyii matulo.