1 JON 4 - KARANU KABI SAMTAM

Kasang rangii ninado kasang kasu rangii

¹ Lungkasyiimei, rangii hang go malum sulo, nlenii rangii hangtei Saraa datopo katu ai ajaijulo; kada- pokii kasang kasu lungkakalingmei hangkii sazyii pouryii lung tatpat takle.

² Aipiinii Saraamah rangii gotei gonyiinii tiwo buile: Jisu Kristanii pumzai pungsii gonglesii katam rangii hangtei Saraa datole;

³ sateichii Jisugo mazhii kasu rangii hangtei Saraa dato makle, sateichii ai ai Kristago ngoukarou mah rangiile, mpou gong tanglesii katam mpoumah kaang kito gonyiinii shiitakle, sateichii aitoi mpou sazyii pouryii leitakle.

⁴ Lungkasyii nahmei, gonyiinii Saraa mahle, sateichii gonyiinii ahnyiigo ngam wotakle, kadapokii gonyii dato kalei ah teinii sazyii pouryiito kalei ah sung kisii dikile.

⁵ Ahnyiinii sazyii pouryii mahle, teijangpii ahnyiinii sazyii pouryii sam tamle, sateichii sazyii pouryiinii ahnyii sam tei shiile.

⁶ Nyiinii Saraa mahle, Saraago katimei hangteinii nyii sam shiile, Saraamah kasumei hang teinii nyiisam shiimakle, aipii nyiinii kasangmah rangiigo ninado kasang kasu rangiigo tile.

Saraanii lungkasyii teile

⁷ Lungkasyiimei, nyiinii hang- ninanii hangniniigo kalungsyiide, dapokii lungkasyii tei Saraa datole sateichii lungkasyiimei hang Saraa dato manaa takle, sateichii Saraago tile.

⁸ Lungsyii kasumei hang teinii Saraago timakle, dapokii Saraanii lungkasyiile.

⁹ Sateichii mpounah sapfii mpou fiilipiigo sazyii pouryiikii lang m-mangkapyii teipii Saraanii nyii jangpii mpoumah lungkasyii tei mangoule, dapokii mpoumah paikito nyiinii karing tei doumatu tang karam jangpiile.

¹⁰ Lungkasyii ai ailung kito leile, katunii, nyiinii Sa- raago lungsyii takle katu mah makle, nlenii Saraanii nyiigo lungsyii pyiisii mpounah sapfii mpou gotei nyii kem jangpiinii pow ruimatu tang karam jangpii m-mangpyii takle.

¹¹ Lungkasyiimei, Saraanii nyiigo aiziikii lungsyiipyii leponii, nyiiniido hangninanii hangniniigo kalung- syiijyiile.

¹² Meikaniido Saraago ngousang ngoumakle; hangninanii hangniniigo nyiinii kalungsyii leponii, Saraanii nyii dato taksupii leile; teito mpougo lungkasyii tei nyii dato sajek gasii matwi mashang takle.

¹³ Aipii nyiinii mpou dato ninado mpounii nyii dato taksupiinii leile katu nyiinii tile, dapokii mpounii nyii dakii mpoumah rangii sek tei pyiibam takle.

¹⁴ Sateichii Pfiinii nah sapfii mpou gotei sazyii pouryiimah keikapyiipii tiisii lang m-mangpyii takle katu nyiinii ngoutakle sateichii sakchyii pyii leile.

¹⁵ Jisu Kristago Saraa nah sapfii mpoulesii kata kangkanii tam mpat leponii, Sa- raanii mpou dato sateichii mpounii Saraa dato taksupii leile.

¹⁶ Sateichii Saraanii nyii jangpii lungkasyii kalei tei nyiinii tile sateichii malumle. Saraanii lungkasyiile, sateichii lung- kasyii kito taksupii kalei ah teinii Saraa dato taksupii leile, sateichii Saraanii ah dato taksupii leile.

¹⁷ Samtak katii piinei leimik nyiinii kamaning kamalum tei doumatu tang karam jangpii lungkasyii tei nyii dato sajek gasii tiimashang aitakle, dapodinchii mpounii ringsii kalei takumpii nyiiniido sazyii pouryii aito ringsii leile.

¹⁸ Lungkasyii kito kahing gale, nlenii sajek kaga kamashang lungkasyii teinii kahing hangtei baatoile, kadapokii kahing teinii kadwi karat gonei kaswile, sateichii hingsii kalei ah- teinii lungkasyii kito matwi mashang womakle.

¹⁹ Nyiinii lungsyiile, dapokii mpounii nyiigo karei kito lungsyii- pyii takle.

²⁰ Mei kata kangkanii, “Inii Saraago lungsyiile” sii tam takpokii, kangsanapiigo ngourou leponii, ahnii kachuimeile. Kadapokii ngoukalu kangsanapiigo lungsyii kasu ah teinii mikpiinii ngoukasu Saraago lung- syiipei wolakle.

²¹ Sateichii Saraago lungkasyii ah teinii kangsanapii godo lungsyii tang karamle katu kakhatsam ai nyiinii mpou dato doule.