Wawa 33 - Maiadomu

Iave me Isileli ivonedi Kenani pwayapwayana inakewai

⁵⁰ Me Isileli ivebaekwa Moabe dumia waineye Bwasi Iolidani doleneye we Ieliko taoni vivineye. No waineye Iave Mosese ivoneni ivo,

⁵¹ “Me Isileli kivonedi kunavo, ‘Tutuyanina Bwasi Iolidani kwaidamani kwailugu Kenani pwayapwayana waineye,

⁵² tomo'otoqanidiavo waineye imiamia kwaikwavinedi inasauyedi. We diyaubadavo gileu tunatunadi, diyaubadavo kainumu'eqa ivalabubunidi wete kadididiqa dikabasobwanu kwaikavekapoidi.

⁵³ Pwayapwayanina gunabeida avelemi, deqoina kwaikewai waineye kwaimiana mikabaloina.

⁵⁴ Wete pwayapwayanina kwaituyei mimanuqavo 12 waidie, mesaida aivevemu tutuyanina gugileu maqemaqetana kutaweni. We manuqa tamoqana tamoqana dipwayapwaya inakewa. Manuqa bwaigina pwayapwaya bwaigina kwaiveledi we manuqa siaina pwayapwaya siaina kwaiveledi.

⁵⁵ “ ‘We kago tomo'otoqanidiavo ge kwaikwavinedi pwayapwayanina waineye'eqa, no gumanidiavo kwaitagwanedi taiauda kwaimiamia mwau inavelevelemi pwayapwayanina waineye. Mwaunina tadavona mesaida kainapia matamie wete kailulu mwalamwalaqidi vilamie idakakaimwalaqa.

⁵⁶ We kago ge kwaikwavinedi inasauyedi, kaimatavuloqanina nigo adaveledi we komi aivelemi.”