Loina Kanaveluqa 34 - Maiadomu

Mosese iwapa

^1-2 Matautauda Mosese Moabe dumiana waineye itauya inaqo Koya Nibo waineye ilaga Pisiga tabwaotoqineye, Ieliko vivineye. No waineye Iave Mosese pwayapwayanina matatabuna iveveni Giliadieqa inaqo Dani taoni, wete tupwaidiavo manuqa divikai mesaida Napitalai, Ipileimu, Manasa wete Iuda inaqo Ligwagwa Mediteliani waineye.

³ We Iave Mosese iveveni Negevi pwayapwayamaiqa wete Bwasi Iolidani kanakawagova ivelamu Ieliko taoni—kanawavaqa kanaveluqa Saisai Taoni—inaqo Soweli.

⁴ Matautauda Iave Mosese ivoneni ivo, “Dede pwayapwayanina avonadabedabeni Ebelamo, Aisake wete Iakobo waidie avo, ‘Kawaie tubuleleleqimiavo aiveledi.’ Beqa atagwanemu pwayapwayanina matamueqa kikisenimo we ge kilugu waineye.”

⁵ We Moabe pwayapwaya waineye Iave natolituqa Mosese iwapa mesaida base Iave ivoneni.

⁹ Tutuyanina Mosese giladi meyawaina imiamia dimana iyatoi Iosua Nuni natuna kunukununeye inavetogumeta, we Iave nuakawananaqai bwaigina iveleni. Beqa me Isileli Iosua ivekimataneni, we saku puena ivavalabubunidi mesaida Iave Mosese ivoneni.