Kabavelamu 8 - Maiadomu

Wayaqata nakabavekakava

¹⁵ Matautauda Yaubada Noa waineye ivesipupu ivo,

¹⁶ “Waga kubaileni memwanemu, natumwavo memwanediavo kwasauyemi kwaobu maleweye.

¹⁷ Waga kwabaileni kwaobuma yoqoyoqo puena kuvonedi inaluguaqeta komi taiauda—manuqa yaveyaveqidi, kaisaya bwaigidi wete siaidi daledaledi—beqa kanasala inavenatuna inavepue-otoqa inasapayavula pwayapwaya waineye.”

¹⁸ Matautauda Noa memwanena, natunavo memwanediavo waga ibaileni isauyedi iobu maleweye.

¹⁹ Iobu maleweye, kaisaya bwaigidi, kaisaya siaidi daledaledi, manuqa yaveyaveqidi isauyedi mepatalidi wageye'eqa iobu.

²⁰ Matautauda Noa didiqa Iave kanavelomu kabakanigabu ilauqi. Kaisaya maqemaqetadi, manuqa maqemaqetadi Iave itagwanedi kanavelomu paipaina ikewadi, beqa kaisayanidiavo velomu paipaina matatabudi igabunidi ikalagualidi didiqa tabwaneye Iave kanavekimatana paipaina.

²¹ Tutuyanina kaisaya igabunidi Iave kanavelomu paipaina, maqaina giamaina iyaoqi nuana ikewai nuapouneye ivo, “Tomo'otoqa dituaina ayagovidi ditutuya gwamana dinuanuana nuapoudie kapoina paipaina ivelamu. Tutuya imaimai ge wete aivona pwayapwaya aikavekapoi tomo'otoqa dikapoina paipaina, we ge kanasala yoqoyoqo yawayawaidi puepuedi aikavekapoidi dede mesaida.

²² “Tutuyanina pwayapwaya inamiamia, dede sakunidiavo ge inakakava: “Goyova wete tavi inamiamia, kaunumula wete kaulaga inamiamia, kwei wete valavala inamiamia, kaiata wete lovana inamiamia, kanaketoava ge inakakava.”