Kabavelamu 50 - Maiadomu

Iosepa tatanavo nuadi iuyabubunidi

¹⁵ Iosepa tatanavo iyagovi tamadi gunabeida iwapa beqa kaisedi ivesipupu ivo, “Oge Iosepa kanakapoka inaoqala kida waideye wete inabaivila base tavalabubuna-kapo waineye.”

¹⁶ Beqa valea ivetuneni Iosepa waineye ivo, “Base tamada giladi meyawaina ivesipupu waimeye ivo,

¹⁷ ‘Iosepa kwavoneni dede mesaida kwanavo: Tamada ivo tatamwavo vakai kapoina ivalabubuni waimue we wayaqigu kudanuataqonidi.’ We kima tamamu na Yaubada waineye kasobwanu beqa kaelaukui waimue makapoina kudanuataqonidi.” Tutuyanina Iosepa vonanina inoqai itaiqa.

¹⁸ Matautauda tatanavo imai pwayapwaya waineye kaqeneye isobwanu we ivo, “Kukiseni, kima mutolituqavo.”

¹⁹ We Iosepa tatanavo waidie ivesipupu ivo, “Ge kwaigololo, yau ge Yaubada aikaimatavuloqimi.

²⁰ Base komi wayaqimi kwaikavekapoigu, we Yaubada isivilai ikavegiagiamaia beqa tomo'otoqa puedi ge inawapa, we inamiamia meyawaidi mesaida deqoina takisekisedi.

²¹ Beqa ge kwaigololo, natumiavo wete komi aivekisabodebodemi.” No mesaida nuadi iuyabubunidi wete ivesipupu waidie nuataqonaeqa.