Kabavelamu 49 - Maiadomu

Iakobo Iuda ivonavenapwayeweni

⁸ “Iuda, tatamwavo kawaie inadidigemu, tamamu natunavo inasobwanu waimue paina kamuqaviavo kododie kikavekavina kivelulunapeledi.

⁹ Iuda komu mesaida laioni mwanewauna, kawaie kiveluluna we tupwaidiavo waidie kiloina. Komu kaia mesaida laioni kanakaisaya idaovai idakania, matautauda idavila idanaqo idaketobala idaeyawai. We ge tamo aitoi inalauvaqoni!

¹⁰ We Kini nawelavi Iuda dimaneye inakenokeno we tubuleleleqinavo inaloloina kanaketoava no tomo'otoqanina toniwelavi inamai we kabaloina matatabudi inavekimataneni.”

³³ Tutuyanina Iakobo natunavo ivemataluanidi ikakava matautauda kanakivie iketobala iwapa inaqo tubunavo waidie gumanidiavo naqai iwapa. Iakobo imiamia Itipita navikaie diqaba 17 naqedie, we yawaina kanamatatabu imiamia diqaba 147.