Kabavelamu 26 - Maiadomu

Iave ivonadabadaba Aisake inavonavenapwayeweni mesaida Ebelamo base ivonavenapwayeweni

¹ Lase bwaigina wete isauyeni Kenani waineye. Dede mesaida lasenina base isauyeni Ebelamo natutuye. Beqa Aisake inaqo Gela taoni waineye, kaiebei Abimeleki imiamia, gumanina me Pilisitia dikini.

^2-3 Matautauda Iave ilausimatala Aisake waineye we ivoneni ivo, “Ge kinaqo Itipita, kaia dede waineye kimiamia kanaketoava lase inakakava, we Yau komu taiauda taimiamia aivonavenapwayewemu. Yau pwayapwaya dede matatabuna aivelemu wete tubuleleleqimwavo. We vakai avonadabadaba tamamu Ebelamo waineye aivalabubuni komu paipaimu.

⁴ Yau tubuleleleqimwavo puedi aivelemu, kadiyoko mesaida mwatuia abame. We pwayapwaya dede matatabuna aivelemu wete aiveledi. Tubuleleleqimwavo waidie'eqa kabaloina matatabudi pwayepwayeye giamaina inababaneni,

⁵ paina Ebelamo bonagu inoqai we guvekaivevena matatabuna, guvona wete guloina ivekimatanedi.”

⁶ Beqa Aisake imiana Gela taoni waineye.