Kabavelamu 11 - Maiadomu

Babeli Vanuqa Kaniakwanina iyoqoni beqa Iave bonana igiaveqauya

¹ Naqaida tomo'otoqa pwayepwayeye bonana tamoqana we vona tamoqana beqa iesipupu.

² We tutuyanina tomo'otoqa isasasala bolimana (isiti) waineye. No waineye dumia bwaigina ibabaneni vikainina Sina waineye. Beqa no vikainina waineye imia.

³ We ediavo waidie ivesipupu ivo, “Kwamai, pwayapwaya taikewadi biliki taivalabubunidi taigabunidi inapakalidi.” Dede mesaida ivalabubunidi biliki ikewadi iyatodi kabayoqona paipaidi wete koluta mesaida kaibai iyatoi ikalapwata.

⁴ We ivo, “Kwamai, taoni taivalabubunidi wete vanuqa kaniakwanina taiyoqoni kaiseda inalaga abama inakavekavini. Dede mesaida taivalabubunedi kadawavaqa kanakavebwaiga paipaina wete pwayapwaya waineye ge kanasala taisapayavula.”

⁵ Tutuyanina waineye iyoqoyoqona, we Iave iobuma taoni wete vanuqa kaniakwanina tomo'otoqanidiavo iyoqoyoqonidi ikisedi.

⁶ We Iave ivesipupu ivo, “Deqoina yoko tamoqana waineye imiamia iesipupu bonana tamoqana beqa. Deqoina dede mesaida ivalabubunidi, tutuya mulineye vakai dinuanuana wayaqidi taunidi kanasala inavalabubunidi.

⁷ E'e, taiobu bonana taigiaveqauya beqa ediavo inavona ge kanasala inayagovidi.”

⁸ Iave iobu bonana igiaveqauya iveyavulidi inaqo pwayapwaya matatabuna waineye, beqa vanuqa bwaigina iyoqoyoqoni ge idavekakavai.

⁹ No waineye Iave bonana igiaveqauya we tomo'otoqa iveyavulidi inaqo pwayapwaya matatabuna waineye, beqa taoni iqoleni Babeli.