Isauyedi 21 - Maiadomu

Valabubuna kapo kanaloinavo

¹² Wete Iave ivesipupu ivo, “Kago tamo aitoi tomoqo inanigei inawapa, tomoqonina wete kwailuvewapai.

¹³ We ge mwaqitana idavo, ‘Ailuvewapai,’ we veilaqinina paipaina Yau atagwaneni, kanasala inadeqa inanaqo tamo vikai aivesinueni waineye vagi giamaina.

¹⁴ We kago aitoi kanakapoka inaoqala wete nanuanuana inavalabubuni tamo tomoqo inaluvewapai we inadeqa inamai gudidiqa velomu kabakanigabu waineye inuanuana-kapo ivo vagi giamaigu, we gebuka, kwaikewaluguaqeteni kwailuvewapai.

¹⁵ “Kago aitoi tamana o inana inanigedi, tomoqonina kwailuvewapai.

¹⁶ “Kago aitoi tamo tomoqo inavainaqoi, gunabeida ivegimwaneyeni o inamiamianeni giladi tutuyanina inababaneni, tomoqonina kwailuvewapai.

¹⁷ “Kago aitoi tamana wete inana inavona-kapoyedi wayaqina veviqa inaveledi, tomoqonina kwailuvewapai.”