Isauyedi 1 - Maiadomu

Iakobo tubuleleleqinavo ivepue-otoqa Itipita waineye

¹ Tutuyanina Iakobo, tamo kanawavaqa Isileli, inaqo Itipita waineye, natunavo wete disusuvo taiauda inaqo. Kadiwavaqa dede

² Lubeni, Simioni, Libai, Iuda,

³ Isaka, Sebuloni, Beniamina,

⁴ Dani, Napitalai, Gada wete Aseli.

⁵ Tutuyanina waineye Iosepa Itipita imiamia. Kaiatanina waineye Iakobo tubuleleleqinavo kadiyoko 70.

⁶ Mulineye Iosepa, tatanavo wete taina taiauda wete lagatanina matatabudi iwapa.

⁷ We tubuleleleqidiavo, me Isileli, digwagwamavo pueotoqidi kadiyoko ivebwaiga wete isaisaila. We kadiyoko ivepue-otoqa Itipita pwayapwayana iveadaqi.

Pelo me Isileli mwau iveledi

⁸ Diqaba tupwaidiavo ikakava Pelo kaivauna ivelamu Itipita iloloineni. We dede Pelo Iosepa nalituqa giamaina ge idayagovi.

⁹ Natomo'otoqavo waidie ivesipupu ivo, “Kwavevaneneqa, tutuya dede waineye me Isileli pueotoqidi wete veluvelulunaotoqidi matautauda kida me Itipita.

¹⁰ Kago kadaqaviavo inalugukwailida, oge me Isileli taiauda inaluvetaubama taivetalaqa taiauda, we inavelulunapeleda me Isileli inadeqa davikaie'eqa. Beqa loina veluvelulunina taivalabubuni taigiavekwadadi ge inasaila.”

¹¹ We me Itipita iwewesedi me Isileli lituqa bwaigidi inavalabubunidi paipaidi, lituqa kanatogumetavo iyatodi inaloloinedi. Togumetavo iwewesedi taoni bwaigidi kailuqa inayoqonidi, vanuqanidiavo kadiwavaqa Paitoni wete Lamasesi, waineye Pelo kanakibua inayatoyato waidie wete tupwaidiavo nasakuvo.

¹² Me Itipita mwau wete veviqa bwaigina me Isileli iveledi, we me Isileli kadiyoko kaia iebwaiga wete vikai kanamatatabu iveadaqi. Beqa me Itipita igololo'otoqedi.

^13-14 We lituqa bwaigidi waidie ivelituqedi ge mekaditutula we lituqa beqa iveqoladi. We iwewesedi biliki inavalabubunidi wete dobwadobwana inalomwanidi inakaibaidi inakalapwata. We wete ivonedi tanoqa matatabuna kanalituqa inavalabubunidi. We me Itipita mwau wete veviqa bwaigina dilituqa waidie iveledi, we ge idavenua'ina'inaqeyedi.

²² We Pelo natomo'otoqavo iloinedi ivo, “Tutuyanina gwamana lamoqina inatubuqa me Ibeliu waidie kwaitaweni inaobu Naili bwasie. We kago vavinena inatubuqa giamaina inamiamia.”