2 Samuela 5 - Maiadomu

Deibida ivekini me Isileli paipaidi

¹ Tutuya tupwaidiavo ikakava me Isileli manuqa matatabudi imai Ebiloni waineye, ivesipupu Deibida taiauda ivo, “Kima mutomo'otoqavo dayaqimu.

² Base tutuyanina Saulo makini, komu kaisemu me Isileli ditovetalaqa kugumegumetedi vetalaqa waineye. We Iave ivonemu ivo, ‘Komu gutomo'otoqavo Isileli kivekisabodebodedi mesaida sipi kaditovekisabodaboda, we komu kaditoloina.”

³ We tutuyanina Isileli kanatomoqovo bwaigidi imai Ebiloni Kini Deibida waineye, we Deibida navonadabadaba ivalabubuni tomoqovo bwaigidi taiauda Iave mataneye. Matautauda tomoqovo bwaigidi olibe bunamana ikata'iwaqi Deibida kunukununeye ivekiakiaya gumanina me Isileli dikini.

⁴ Tutuyanina Deibida kanadiqaba 30 ivekini, we iloloina diqaba 40 naqedie. Tupwaidiavo tutuya ikakava, Deibida menatovetalaqavo taiauda inaqo Ielusalema taoni ikavikavini me Iebusi ileodi. Vetalaqanina mulineye Deibida navanuqa bwaigina wete kanakisa giamaina iyoqoni Ielusalema naqeneye. Ikakava Deibida tupwaidiavo tomoqovo taiauda inaqo Vonadabadaba Kanadedewaga ikewai Ukweta Maqemaqetana waineye imaieni Ielusalema iyatoi tamo ukweta naqeneye.