1 Samuela 21 - Maiadomu

Aimaleki Deibida ikaivaiseni

¹ Deibida inaqo Nobi taoni waineye tovelomu Aimaleki inakiseni. Tutuyanina Deibida ilekwa, Aimaleki menagololo ielaudididiqa ivo, “Uvale kaisemu kumai dede waineye? Uvale ge tamo aitoi taiauda kwadamai?”

² We Deibida ivo, “Kini Saulo ivonegu tamo nanuanuana kaisegu aivalabubuni, ge tamo aitoi inayagovi. Yau gutolauqaviavo avonedi inalalaugamasegu tamo vikai waineye kaivekedabababana.

³ Komu kaivia kanikani waimue? Kudavelegu beledi 5 o kaivia vakai kanikani waimue.”

⁴ We Aimaleki ivo, “Kima ge tamo beledimaimaiqa waimeye, we kaia beledi maqemaqetana kabavelomu Iave waineye ikenokeno. Beledinina kanaloina dede mesaida, kago mutolauqaviavo ge vevine taiauda idakenoluqa base kaiatanidiavo waidie, komu kanasala beledinina kikewai kwaikani.”

⁵ Deibida ibaivila ivo, “Tutuya matatabuna kaisauyema vetalaqa paipaina, gutolauqaviavo taiauda taunima kaigiavemaqetama we ge adatagwanema vevine taiauda kaikenoluqa. Kasiotoqa Kini Saulo ivetunema kasauyema nanuanuana kaivalabubuni beqa mwaqitana kima taunima kaivekisabodebodema dede lituqanina paipaina.”

⁶ No waineye ge tamo kanikani, beqa Aimaleki beledi maqemaqetana Deibida iveleni, no beledinina iyatoi Iave mataneye Na'ukweta Maqemaqetana waineye. Kaiatanina waineye beledi tutuaidi ikewaluguaqetedi we beledi kaivaudi iyatodi.