Yela 94 - mzwDBL

Korowii waa bol nɛra bwa waa dɛɛ pa bole

¹ N Naa Korowii, henee dɛɛ tɛr nɛra deŋne, ɡel ba na he bandia.

² Henee bol nɛra bwa waa dɛɛ pa bole, ir dɛ́ bɔ mbarafo tena kem ɡɛ aa chɛa.

³ N Naa Korowii, saŋ besoo hɛɛ ba soɡa nyiŋi, dɛ́ ɡel nyubinikpeɡ tena lɛ ba sie ka tel ɔ?

⁴ Ba dɛ bol mbarafo wobol, mbarafo ɡboo su wechɔɡ-ɛɛra bwa.

⁵ N Naa Korowii, ba dɛ chɔɡ he nɛra, dɛɛ fiiɡi he ɡbabir nɛra haa lee ba tɛ he te.

⁶ Ba dɛ kpoo luhaahna ne bilalbii, dɛɛ kpoo nɛŋhɔɔhra baa soɡe ya harɛ ta.

⁷ Ba yon dɛɛ bol ŋɔ, “Korowii aa yaa na, Korowii Israel tena aa dɛ tomɔ la sie toole ya be.”

⁸ N nɛra, ɛrɛɛ hɛɛ ɡɛn ɡɛ nɔɔ? Saŋ besoo hɛɛ ba waa hwela ɔ?

⁹ Korowii laa tɛ yaa deŋna ne sibie aa? Waa waa no aa? Waa na naa?

¹⁰ Korowii waa dɛ kah nɛra la aa won tɛr ba deŋne aa? Nɛn waa dɛ baɡle nɛra waa la, o nya liire kɛɛ?

¹¹ Korowii jemɛ nɛwɛnyini liire kɛŋɔ a ɛ wepuu.

¹² N Naa Korowii, nɛra haa dɛ baɡ ba wa, ne banɔ la haa dɛ baɡ ba he Mmarare la, ba na som.

¹³ Wenaale ane dɛ ba ba nɛ aa, he ɡelɔ baa dɔ bosɔɔhna, ka tel kɛŋɔ baa forɛ bɔɔ, dɛ́ harɛ nyubinikpeɡ tena bel.

¹⁴ Korowii aa o nɛraa vɛh, waa nɛra waa lee ba cheɡ tɛ o te laanee ɡel bwa.

¹⁵ Waa bola dɛ́ pa bole aŋwɛnɛ ta ɛɛ berɔ do le, ásɛ nɛra ba wa aa toɡra ɛɛ teŋɛ a ta.

¹⁶ Umee dɛ́ che n habɔɔ, dɛ́ lɛɛ mɛ le nyubinikpeɡ tena nɔn ta nɔ? Umee dɛ́ che tɛ mɛ dɛ́ lɛɛ mɛ le wechɔɡ-ɛɛra nɔ be nɔ?

¹⁷ Dɛ Korowii laa cha mɛ naa, n fe sewɔ warane kaa lalabwɛ.

¹⁸ Asɛ n ŋɔ, “N keero dɛɛ ba chola,” kɛ Korowii nyina aa wola jaɡa dɔe la laɡ mɛ kpoŋe.

¹⁹ N liire baa chɔɡ kohona aa, he dɛ larawe n bwara dɛɛ tɛ mɛ silɛɛ.

²⁰ He ne nɛnchɔɡa baa wola waa bol aŋwɛnɛ ta, ne nɛra baa kpɔ nyosone berɛ kasinteŋ la toole wobɛlbwa bini.

²¹ Ba pɛ nyoa dɛɛ vɔrɔwe nɛndɛɛɡa vɔrɔwa, dɛ ɡel ba pa nɛra baa di boldɛɛɡe la bolchɔɡe ŋɔ, bá ka kpo ba.

²² Kɛ Korowii do kɛ danjwɛkpeɡ, dɛ che n habɔɔ, onee do kɛ Bwetal n chwa kaa marɔ.

²³ Wɛɛ bɔ ba kem ba wechɔɡa waa, dɛ́ chɔɡ ba ba nyubinikpeɡ wa. Korowii yaa dɛ tomɔ la ɛɛ chɔɡ baa.