Yela 87 - mzwDBL

Bwɛjen Jerusalam kpɛɛra

Kora dea bii yel

¹ Korowii ma o bwɛjen Jerusalam o do bwejen waa do ɡoroŋ doa.

² O dɛ nyin bwɛjen la, dɛ ɡwaa Israel harɛ bobɛlbwa.

³ Bwɛjen Jerusalam, no ɡɛ waa bol he jirima haa dɔa wa.

⁴ O ŋɔ, “Dɛ mɛɛ chwerɛ bwɛɛre ba nɛra aa dɛ no n deŋna waa yaa, Ijipt ne Babelɔn harɛre nɛra waa mɛɛ ba chwera. Mɛɛ kure Filisti ne Taaya tena, dɛ Itiopia tena bwaa, ásɛ ba ŋɔ Jerusalamee ba lolɛ yaa.”

⁵ Baa bol bwɛjen Jerusalam waa ŋɔ, o binii harɛre nɛra bwa le dɛ ba, Nemenɛ Korowii ɛɛ ɡeloo ó do kpeɡri.

⁶ Korowii ɛɛ chwerɛ nɛra la sɔnaa, dɛ́ kpɔ ba ja Jerusalam tena nɛ.

⁷ Baa ɡo yelaa dɛɛ sa ŋɔ, “Bwɛjen Jerusalam taa ya wedɛɛɡa bwa ɛɛ le.”