Yela 82 - mzwDBL

Korowiirii koojen

Asaf yel

¹ Korowii soɡe o kookara ta nyundua, koŋkwaare aa dɛ tomɔ bwa cheme o sie, asɛ o bol a waa dɛɛ pa bole dɛ ŋɔ,

² “Saŋ besoo he ɡel nɛra sie nyiŋa dɛ́ɛ pa bole ɔ? Hé ɡel nyubinikpeɡ tena nɛɛ suna bole pae ta.

³ Hé bol nyaara ne bilalbii waa dɛɛ tɛɛ ba, dɛ bɛ nɛŋɡwɛɡra ne nɛra, baa wola nɛra dɔe bá cha ba pere dɛɛ ta.

⁴ Hé lɛɛ ba le nyubinikpeɡ tena nɔn ta.

⁵ Haa wobɛlbwa jemɛ, hé ɡɛnɔ! Neɡraa hɛɛ neɡre nɛra, kasinteŋ tonɛ harɛ nɔ ta.

⁶ Men Korowii maa lɔ nyundua ŋɔ, ‘He bɛlbwa do kɛ Korowii, kɛɛ men Nemenɛ Korowii bii.’

⁷ Kɛ he bwa ɛɛ serewoo kɛŋɔ nɛwɛnyini waa won sewa la ken, he ne koranar bwa.”

⁸ N Naa Korowii, ir nyu ne, dɛ́ bol harɛ nɔ nɛra waa dɛ́ pa bole. Henee dɔ harɛ nɔ nɛra bwa.